Jeremías 18:15 - CHUYA QELLQA La Biblia en Quechua de Ayacucho 2012

¹⁵ Runaykunam ichaqa ñoqata qonqaruwanku, idolokunamanña inciensota kañaspanku. Ñawpaq kawsayninkuman kutiruspam mitkarunku, mana purinanku ñankunapiñam purichkanku.

Quechua Ayacucho Bible 1987

¹⁵ Runaykunam ichaqa ñoqata qonqaruwanku. Taytacha-mamachakunamanñam inciensota kañanku. Chay runapa pantarachisqanñam kachkanku. Ñawpaq tiempopi kawsasqankumantam pantarachin. Purisqankupim paykunataqa urmarachin. Mana purinanku ñankunamanñam pantarachin.

Chuya Qellqa 1992

¹⁵ Runaykunam ichaqa ñoqata qonqaruwanku, idolokunamanña inciensota kañaspanku. Ñawpaq kawsayninkuman kutiruspam mitkarunku, mana purinanku ñankunapiñam purichkanku.

Jeremías 18:15 Iomraidhean Croise

Nehemías 9:17

Manam kasukuyta munarqakuchu, nitaqmi paykunapaq tukuy ima ruwasqaykitapas yuyarirqakuchu, contraykipi hatarispankum, Egipto nacionpi esclavo kayta munaspanku kutinankupaq kamachiqninkuta akllarqaku. Chaywanpas qamqa pampachakuq Diosmi kanki, llampu sonqo hinaspa kuyapayakuqmi kanki, anaqta piñakuq hinaspa kuyapayakuq kasqaykiraykum paykunataqa mana saqerurqankichu.

Isaías 3:12

Llaqtaytaqa warmakunallam ñakarichichkan, warmikunañam munaychakuchkan. ¡Ay, llaqtalláy! Kamachisuqnikikunam pantaypi kawsachisuchkanki, kawsakuynikitapas pantaymanmi qewirunku.

Isaías 41:29

Chay idolokunaqa llapallankum mana valeq, ruwasqankupas mana imapaq valeqmi, chaykunaqa mana imayuq toqro ukullam, chaykunaqa wayra ukuyuq idolokunallam.

Isaías 57:14

Tayta Diosmi nin: Ñanta kichaspa allichaychik, llaqtay pasananpaq ñanpi mitkachikuqkunata wischuychik, nispa.

Isaías 62:10

Lloqsiychik, lloqsiychik punkunkunata, llaqtaypaq ñanta allichaychik, ñanta sumaqta kichaychik, ruminkunata wischuychik. Llapallan nacionkuna qawananpaq banderata sayachiychik.

Isaías 65:7

Mana allinkuna ruwasqaykichikmantam, ñawpaq taytaykichikkunapas orqokunapi inciensota kañaspa piñachiwasqankumantam, pagapusqaykichik, nispa.

Isaías 9:16

Kayna kamachikuqkunam llaqtata pantarachin, kamachisqan runakunañataqmi pantaypi rikurirun.

Jeremías 1:16

Kay castigotam llaqtayman apamusaq mana allinkunata ruwaspa saqeruwasqankumanta, sapaq dioskunapaqña inciensota kañapusqankumanta, kikinkupa ruwasqankutaña hatunchasqankumanta.

Jeremías 10:15

Chay idolokunaqa mana imapaq valeqmi, castigasqa kasqanku punchawmi ñutusqa kanqaku.

Jeremías 11:12

Hinaptinmi Judá nacionpi runakunawan Jerusalén llaqtapi yachaqkuna, inciensota kañaspa yupaychasqanku idolokunataña yanapakuyta mañakunqaku, ichaqa manam chay sasachakuymanta salvayta atinqachu.

Jeremías 11:13

Judá nacionpi yachaqkuna, haykam llaqtaykichikkuna kasqanman hinam idoloykichikkunapas achkallaña; haykam callekichikkunapas kasqanman hinataqmi, Baalman incienso kañanaykichik altarkunatapas achkallataña ruwakurunkichik.

Jeremías 11:17

Ñoqa Tukuy Atiyniyuq Tayta Diosmi sacha plantachkaq hina qamkunata plantarqaykichik. Israel nacionpi chay-nataq Judá nacionpi yachaqkuna, contraykichikpim castigokunata kachamusaq mana allinkunata ruwasqaykichikrayku. Qamkunam piñachiwarqankichik Baal idoloman inciensota kañapuspaykichik.

Jeremías 13:25

Chaymi qamkunapa destinoykichik kanqa, ñoqata qonqaruwaspaykichik idolokunamanña hapipakusqaykichikmanta. Ñoqa Tayta Diosmi chaynata nini.

Jeremías 16:19

Dios taytalláy, kallpanchaqniymi qamqa kanki, sasachakuypi harkaykuqniymi qamqa kanki. Kay pachapa patankunamantam nacionkuna hamuspanku nisunki: Cheqaptapunipas ñawpaq taytaykuqa, mana valeq idolokunatam herenciata hina chaskirqaku.

Jeremías 17:13

Israelpa hapipakunan Dios Taytalláy, pipas qepanchakusuqnikiqa penqaypim tarikunqa. Qanmanta rakikuqkunaqa allpapi qellqasqa suti hinam chinkarunqa. Chaynaqa kanqaku, kallpaq mayu hina kachkaptiki qam Tayta Diosta saqerusqankuraykum.

Jeremías 18:14

¿Yaqachu huk kutillatapas Líbano orqopi riti chullururqa? ¿Yaqachu huk kutillatapas orqokunamanta kallpamuq chiri yaku chakirurqa?

Jeremías 19:5

Qamkunam Baal idolokunapaq altarkunata ruwarqankichik, chay altarkunapim churikichikkunata kañaspa Baalman ofrecerqankichik. Chaykuna ruwaytaqa manam kamachirqaykichikchu, nitaqmi piensarqanichu.

Jeremías 2:13

Llaqtaymi iskay mana allin huchata ruwarun: Kawsachiqninku yaku kachkaptiypas saqeruwankum kikinkuñam pozonkuta toqokurunku, yakuta mana takyachiq raqra pozokunatañam ruwakurunku.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 2:32

¿Yaqachu alhajankunata huk sipas qonqarunman? ¿Yaqachu casarakusqan alhajankunata novia qonqarunman? Llaqtaymi ichaqa unayña ñoqata qonqaruwan.

Jeremías 3:21

Chunniq orqokunapim qayakuy uyarikun, Israel runakunapa waqaspa mañakuyninkum uyarikun. Allin ñanmantam karunchakurunku, yupaychasqanku Tayta Diostam qonqarunku.

Jeremías 44:25

Israelpa yupaychasqan Tukuy Atiyniyuq Tayta Diospa nisqanta uyariychik: Qamkunapas warmikichikpas imam nisqaykichikman hinam ruwach-kankichik. Nichkankichiktaqmi: Cielopi reinamanmi prometekurqaniku inciensotawan vinota ofrecenaykupaq, chaytam cumplisaqku, nispaykichik. Chaynaqa, chay nisqaykichikman hinayá ruwaychik.

Jeremías 51:18

Mana imapaq valeqmi chaykunaqa, asikuypaqmi chay idolokunaqa, Tayta Diospa castiganan punchaw chayamuptinmi pasaypaq ñutusqa kanqaku.

Jeremías 6:16

Tayta Diosmi runankunata kaynata nin: Ñankunapi sayaykuspa qawariychik, ñawpaq ñankunamanta tapukamuychik, mayqanmi allin ñan kasqanta tapukamuychik; chayninta purispaqa samaytam tarinkichik, nispa. Paykunam ichaqa nirqaku: Manam chaynintaqa puriymankuchu, nispanku.

Jeremías 7:9

Suwakuchkaspa, runata wañuchichkaspa, waqllikuchkaspa, llullakuywan jurachkaspa, Baal idolokunapaq inciensota kañapuchkaspa, mana reqsisqaykichik dioskunata yupaychachkaspaqa,

Ezequiel 21:15

Chay espadam paykunaman manchakuyta huntaykunqa, achkallatañam wañuchinqa. Llapallan wasikunamanmi wañuchikuq espadata kachaykuni, chay espadaqa llipityananpaq ñawchiyachisqam kachkan, wañuchinanpaq ñawchiyachisqam kachkan.

Ezequiel 36:15

Manañam huklaw nacionniyuq-kunapa kamikuynintawan tratakuynintaqa uyarichisqaykichikñachu. Nacionnikichikpi wawa-churikunatapas manañam wañuchinkichikñachu. Ñoqa Tayta Diosmi chaynata nini.

Oseas 11:2

Ichaqa aswan-aswan qayachkaptiypas aswanraqmi ñoqamanta karunchakurqaku, Baal idolomanraqmi sacrificiokunatapas qorqaku, idolokunapaqraqmi inciensokunatapas qontichipurqaku.

Oseas 2:13

Ñoqata qonqaruwaspam anillokunawan collarkunawan churakuykuspa kuyaqninkunata qatikurqa, hinaspam Baal idoloman inciensota kañapurqa, chaykunamantam payta ñakarichisaq. Tayta Diosmi chaynata nin.

Oseas 2:6

Chayraykum purinantapas kichkakunawan qencharusaq, purinanpa muyuriqninta perqaruptiymi ñan purinantapas mana tarinqachu.

Malaquías 2:8

Sacerdotekuna, qamkunam ichaqa allin ñanmanta karunchakurunkichik, mana allinkunata yachachispam llapa runata pantarachinkichik. Chaynapim Leviywan pacto ruwasqayta yanqacha-runkichik.

Mateo 15:6

Pipas chayna niqqa manañam tayta-mamanta yanapananñachu, nispaykichik. Chaynata yachachispam Diospa kamachikuyninta yanqacharunkichik costumbrekichikta ruwanaykichikrayku.

Romanos 14:21

Allinmi kanman aychata mana mikuspayki vinotapas mana tomaynikiqa, iñiqmasikita wichichinaykipaq hina kaptinqa ama imatapas ruwaychu.

Deuteronomio 32:21

Idolokunata yupaychaspankum llakichiwarqaku, millakuypaq idolokunata yupaychaspankum piñachiwarqaku. Chayraykum ñoqapas paykunata hukmanyarachisaq, mana yachayniyuq llaqtawanmi sientirachisaq, mana yuyayniyuq runakunawanmi piñarachisaq.