Jeremías 18:12 - CHUYA QELLQA La Biblia en Quechua de Ayacucho 2012

¹² Chaywanpas paykunaqa kaynatam nisunki: Yanqañam chay niwasqaykikuqa, ñoqaykuqa munasqaykuman hinam kawsakusaqku, sonqoykupa munasqantam sapakama ruwakusaqku, nispanku.

Quechua Ayacucho Bible 1987

¹² Chaywanpas paykunaqa kaynatam nisunki: “Yanqañam chay niwasqaykikuqa. Tanteasqaykuman hinam ñoqaykuqa kawsakusaqku, mana kasukuq sonqoykupa munasqantam sapakama rurakusaqku” nispa.

Chuya Qellqa 1992

¹² Chaywanpas paykunaqa kaynatam nisunki: Yanqañam chay niwasqaykikuqa, ñoqaykuqa munasqaykuman hinam kawsakusaqku, sonqoykupa munasqantam sapakama ruwakusaqku, nispanku.

Jeremías 18:12 Iomraidhean Croise

Génesis 6:5

Tayta Diosmi qawarirqa kay pachapi runakuna llumpay mana allin ruwayllapiña kasqankuta, chaynallataq yuyaymanayninkupas sapa punchaw mana allin ruwayllamanña qokurusqanta.

Génesis 8:21

Chaymi Tayta Dios sacrificiopa miskillaña asnariyninta chaskiykuspan sonqonpi nirqa: Kunanmantaqa manañam runakunapa huchanmanta kay pachata ñakasaqñachu. Runaqa warma kasqanmantapas mana allinkunalla ruway munaqmi. Kayna puchukachisqayta hinaqa manañam huktawanqa lliw unanchasqaykunataqa puchukachisaqñachu.

2~Reyes 6:33

Llapa ancianokunawan Eliseo rimach-kaptinraqmi chayaruspan rey nirqa: Cheqaptapunim kay ñakariyqa Tayta Diosmanta hamun, ¿imatawanraqtaq paymanta suyayman? nispa.

Isaías 57:10

Purikusqaykipi llumpayta pisiparuchkaspapas, manam “chaykamallaña kachun” nirqankichu; aswanraqmi kallpanchakuspa mana allin ruwaynikita mana saqenkichu.

Isaías 65:2

Mana kasukuspa llutanpi kawsaq llaqtamanmi, sonqonpa munasqallanpi puriq llaqtamanmi, makiykunata sapa punchaw haywarirqani.

Jeremías 11:8

Ichaqa manam kasukurqakuchu nitaqmi uyarirqakuchu, aswanqa mana allin sonqonkupa munasqanman hinam kawsarqaku. Chayraykum chay pactopi nisqay castigokunata paykunapa contranpi kacharimurqani, nispa.

Jeremías 16:12

Qamkunam ichaqa taytaykichikkunamantapas aswantaraq huchallikurunkichik. Sapakamam sonqoykichikpa munasqanman hina kaw-saspa mana kasuwarqankichikchu.

Jeremías 2:25

Israelpa mirayninkuna, ama qala chakilla kallpakachaychikchu, kunkaykichiktapas ama yakumanta chakichiychikchu nichkaptiypas, qamkunam ichaqa nirqankichik: Manam atiymankuchu, mana reqsisqa dioskunatañam kuyaniku, paykunatañam qatikusaqku, nispa.

Jeremías 23:17

Qepanchakuwaqniy runakunatam paykunaqa nichkanku: Tayta Diosmi nisunki: “Hawkallam kankichik”, nispanku. Mana kasukuq sonqoyuq runakunatañataqmi nichkanku: “Sasachakuyqa manam chayamusunkichikchu”, nispanku.

Jeremías 3:17

Chay tiempopim Jerusalén llaqtata “Tayta Diospa tronon” nispa sutichanqaku, chaymanmi llapa nacionkuna huñunakamunqaku ñoqa Tayta Diosta adorawanankupaq; paykunaqa manam rumi sonqo kayninkuman hinañachu kawsanqaku.

Jeremías 44:17

Aswanqa munasqaykuman hinam ruwasaqku. Ñoqaykuqa hinallam cielopi reinaman inciensota kañaspa vinota tallipusaqku. Kunankama ruwasqaykuta hinallam ruwasaqku. Ñoqaykuqa ñawpaq taytaykupa, reyniykupa chaynataq kamachiqniykupa, Judá nacionpi kaq llaqtankunapi chaynataq Jerusalén llaqtapa plazankunapi ruwasqaykuta hinam ruwasaqku. Chaynata ruwaptiykuqa mikunaykupas achkallañam karqa, hawkam kawsakurqanikupas, manataqmi ima sasachakuypas hamuwarqakuchu.

Jeremías 6:17

Tayta Diosmi llaqta waqaychaqkunata churaspan runankunata nirqa: Trompeta waqamuptin uyarinaykichikpaqmi uyan-uyanlla kankichik, nispa. Paykunam ichaqa nirqaku: Manam ñoqaykuqa uyarisaqkuchu, nispanku.

Jeremías 7:24

Ichaqa mana kasu-kuspankum mana kaqpaqpas hapirqa-kuchu, aswanraqmi sonqonkupa munas-qanta ruwaspa tukuy mana allinku-nata ruwarqaku. Ñoqaman kutirikamunanku kachkaptinpas aswanraqmi karunchakururqaku.

Ezequiel 37:11

Chaymantam Tayta Dios niwarqa: Runapa churin, kay tullukunaqa Israelpa llapallan mirayninkunam. Paykunam nichkanku: “Tullunchikkunaqa chakisqam kachkan, manañam ima ruwaytapas atichwanñachu, pasaypaq chinkasqam kachkanchik”, nispanku.

Malaquías 3:14

Qam-kunaqa kaynatam ninkichik: “Diostaqa yanqapaqmi servinchik. ¿Imatataq hurqokunchik paypa kamachikuyninkunata ruwaspa? ¿Imatataq hurqokunchik Tukuy Atiyniyuq Tayta Diospa ñawpaqninpi llaki uyantin purispa?

Lucas 1:51

Atiyninwanmi admirakuypaq kaqkunata ruwarqa, hatun tukuqkunapa imam ruway munasqankutam yanqacharun.

Deuteronomio 29:19

Sichum pipas, kay pactopi kaq ñakaykunata uyarichkaspan sonqonpi kaynata alabakunman: “Rumi sonqo kaspay munasqayta ruwakuptiypas, tukuy imam allinpuni lloqsiwanqa”, nispa. Chayna runaqa llapallan runakunatam urmarachinqa.