Jeremías 18:10 - CHUYA QELLQA La Biblia en Quechua de Ayacucho 2012

¹⁰ Chaywanpas sichum chay nacionkuna mana allinkunata ruwaspanku mana kasuwaptinkuqa, allinninkupaq tanteasqay kaqkunawanqa manam yanapasaqñachu.

Quechua Ayacucho Bible 1987

¹⁰ Chaywanpas sichu chay nacionpi runakuna mana allinkunata ruraspanku willasqaykunatapas mana kasukuptinkuqa manam favorecesaqchu chay tanteasqay kaqkunawanpas.

Chuya Qellqa 1992

¹⁰ Chaywanpas sichum chay nacionkuna mana allinkunata ruwaspanku mana kasuwaptinkuqa, allinninkupaq tanteasqay kaqkunawanqa manam yanapasaqñachu.

Jeremías 18:10 Iomraidhean Croise

Ezequiel 18:24

Sichum allin ruwaq runa chayna allinkuna ruwasqanmanta karunchakuruspan mana allinkunataña ruwanman otaq chay mana allin ruwaq runapa millakuypaq kaqkuna ruwasqantaña ruwanman hinaspa ¿yaqachu chay runa kawsanqa? Ñoqaqa tukuy ima allinkuna ruwasqantapas manam yuyarisaqchu, qepanchawaspan huchallikusqanraykum wañunqa.

Ezequiel 33:12

Runapa churin, llaqtamasikikunaman kaynata niy: Sichum allin ruwaq runa huchaman wichiykuptinqa, ñawpaqta allin kaqkuna ruwasqankunapas manam salvanqachu. Sichum huchasapa runa huchanmanta wanakuruspanqa, ñawpaqta mana allinkuna ruwasqanmantaqa manam wañunqachu. Allin ruwaq runa huchallikuruptinqa, ñawpaqta allinkuna ruwasqanpas manam salvanqachu.

Ezequiel 33:18

Sichum allin ruwaq runa allin ruwasqanta saqeruspan huchaman wichiykuspanqa, chay huchanmantam wañunqa.

Ezequiel 45:20

Chaynallatataqmi ruwanqa chay killapa qanchis kaq punchawninpipas, chaytaqa ruwanqa pantaruq hinaspa mana yachastin imawanpas huchallikuruq runakunaraykum, chaynatam templota chuyanchanqa.

Sofonías 1:6

Ñoqa Tayta Diosmanta karunchakuruspa mana maskawaqniykunatapas, chaynataq mana tapukuwaqniykunatapas puchukachisaqmi, nispa.

Números 14:22

Egiptopipas, chunniqpipas atiyniytawan señal ruwasqaykunata rikuchkaspanku, achka kuti-kamaña pruebaman churawaqniykunaqa chaynataq kamachikuyniykunatapas mana kasukuqkunaqa,

Números 14:23

manam mayqanninkupas ñawpaq taytankuman juraspa prometesqay allpataqa rikunqakuchu. Qepanchawaqniy runakunaqa manam mayqanninpas rikunqakuchu.

Números 14:34

Tawa chunka punchawmi chay allpata qawamurqankichik, chayna tawa chunka watataqmi ñakarichisqaykichikpas. Huk punchawmantam huk wata castigo kanqa. Chaynapim contraypi hatarisqaykichikqa yanqapaq kasqanta yachankichik.

1~Samuel 13:13

Hinaptinmi Samuel nirqa: ¡Loco hinam kaytaqa ruwarunki! Sichum Tayta Diospa kamachisusqaykita kasukuwaq karqa, hinaptinqa paymi cheqaptapuni Israel nacionpi rey kaynikitapas miraynikikunakama wiñaypaq takyachinman karqa.

1~Samuel 15:11

Pesakunim Saulta reypaq churas-qaymanta. Payqa ñoqamanta karunchakuruspam kamachisqaykunata mana ruwarqachu, nispa. Chay nisqanwanmi Samuel llakikururqa, hinaspam Diosta tukuy tuta mañakurqa.

1~Samuel 15:35

Samuelmi wañukunan punchawkama Saulta mana rikurqañachu hinaspanmi Saulmanta anchata waqarqa. Tayta Diosmi pesakurqa Saulta Israelpi rey kananpaq churasqanmanta.

1~Samuel 2:30

Chayraykum Israelpa yupaychasqan Tayta Dios kaynata nin: Ñoqam nirqani miraynikipas chaynataq ñawpaq taytaykikunapa mirayninpas wiñaypaqña serviwanankupaq. Kunanmi ichaqa prometekusqayta mana ruwasaqñachu. Ñoqaqa pim hatunchawaqniytam hatunchasaq, qepanchawaqniytam ichaqa asllapaq hapisaq.