Jeremías 17:9 - CHUYA QELLQA La Biblia en Quechua de Ayacucho 2012

⁹ Runapa sonqonqa, tukuy imamantapas aswan engañakuq hinaspa mana allinpa huntasqanmi. ¿Pitaq allinta reqsinman?

Quechua Ayacucho Bible 1987

⁹ Tukuy imamantapas engañakuqllañam runapa sonqonqa. Mana hampiy atinañam runapa sonqonqa. ¿Pitaqsi reqsinman runapa sonqontaqa?

Chuya Qellqa 1992

⁹ Runapa sonqonqa, tukuy imamantapas aswan engañakuq hinaspa mana allinpa huntasqanmi. ¿Pitaq allinta reqsinman?

Jeremías 17:9 Iomraidhean Croise

Génesis 6:5

Tayta Diosmi qawarirqa kay pachapi runakuna llumpay mana allin ruwayllapiña kasqankuta, chaynallataq yuyaymanayninkupas sapa punchaw mana allin ruwayllamanña qokurusqanta.

Génesis 8:21

Chaymi Tayta Dios sacrificiopa miskillaña asnariyninta chaskiykuspan sonqonpi nirqa: Kunanmantaqa manañam runakunapa huchanmanta kay pachata ñakasaqñachu. Runaqa warma kasqanmantapas mana allinkunalla ruway munaqmi. Kayna puchukachisqayta hinaqa manañam huktawanqa lliw unanchasqaykunataqa puchukachisaqñachu.

2~Samuel 11:15

Chay cartapim nirqa: Uriasta llumpa-llumpay wañuchinakuypa chawpinman churaruy hinaspa paymanta suchurikuychik, chaynapi wañurachinankupaq, nispa.

Proverbios 28:26

Kikillanpi hapipakuq runaqa mana yachayniyuq runam, yachaywan kawsakuqmi ichaqa librasqa kanqa.

Eclesiastés 9:3

Llapa runapa ruwayninpim kay mana allin tarikun: Lliw runapa tukupayninqa hukllam. Runapa sonqonqa mana allin-pa huntasqanmi tarikun, kawsayninpipas mana yachayniyuq kayninmi munaychakun, hinachkaspam wañuypi tukurunqa.

Isaías 1:5

¿Imanasqataq ñakarichinaytaraq munankichik? ¿Hinallaraqchu mana kasukuq kankichik? Tukuy umaykichikpi heridayuqmi kachkankichik, sonqoykichikpas nanay-nanaymi kachkan.

Isaías 1:6

Chaki pampaykichikmanta uma puyuknikichikkamam mana imaykichikpas sanoqa kanchu, aswanqa toqyasqa, punkisqa, mana pipa hampisqan, mana pipa watasqan, mana pipapas aceitewan llusiykusqan kichasqa heridakunallam kachkan.

Isaías 6:10

Kay runakunapa yuyaymanayninta pantarachiy, mana uyarinankupaq rinrinkuta upayarachiy, mana qawakunankupaq ñawinkuta ñawsayarachiy, mana entiendespanku mana wanakunankupaq, chaynapi huchankuta mana pampachanaypaq, nispa.

Jeremías 16:12

Qamkunam ichaqa taytaykichikkunamantapas aswantaraq huchallikurunkichik. Sapakamam sonqoykichikpa munasqanman hina kaw-saspa mana kasuwarqankichikchu.

Jeremías 7:24

Ichaqa mana kasu-kuspankum mana kaqpaqpas hapirqa-kuchu, aswanraqmi sonqonkupa munas-qanta ruwaspa tukuy mana allinku-nata ruwarqaku. Ñoqaman kutirikamunanku kachkaptinpas aswanraqmi karunchakururqaku.

Mateo 13:15

Kay runakunapaqa sonqonkupas rumiyasqam kachkan, rinrinkupas upayasqam kachkan, ñawinkupas wichqasqam kachkan. Mana qawakunankupaqmi ñawinkutapas wichqarunku, mana uyarinankupaqmi rinrinkutapas taparunku, chaynapi mana entiendenankupaq nitaq ñoqaman kutirikamunankupaq, chaynapi ñoqapas mana sanoyachinaypaq”, nispa.

Mateo 15:19

Runapa sonqonmantaqa lloqsimun mana allin yuyaymanaykunawan wañuchinakuykuna, waqllikuykuna, huchapakuykuna, suwakuykuna, llullakuykuna hinaspa kamikuykunam.

Marcos 2:17

Chayta uyariruspanmi paykunata Jesús nirqa: Sano runakunaqa manam medicotaqa necesitankuchu, aswanqa onqoqkunallam. Ñoqaqa hamurqani manam justo runakuna qayaqchu, aswanqa huchasapakuna qayaqmi, nispan.

Romanos 1:21

Paykunaqa Diosta reqsichkaspankupas manam Diosta hinachu hatuncharqaku, nitaqmi graciastapas qorqakuchu. Aswanraqmi yanqakunata yuyaymanaspanku mana allin sonqonkuta tutayarachinku.

Romanos 7:11

Hucham kamachikuyman hapikuykuspan engañaruwan hinaspam wañuyman aparuwan.

Efesios 4:22

Huchaman aysaqnikichikmanta karunchakuspayá amaña ñawpaq kawsaynikichikpi hinañachu puriychik, chayna kawsayqa pantachisuspaykichikmi mana allinllata munachisunkichik.

Hebreos 3:12

Wawqe-panillaykuna, qamkuna ukupiqa amayá kachunchu rumi sonqo hinaspa mana iñiyniyuq runakunaqa, chaynapi kawsaq Diosmanta ama rakikunaykichikpaq.