Jeremías 17:8 - CHUYA QELLQA La Biblia en Quechua de Ayacucho 2012

⁸ Chayna runaqa, mayu patanpi plantasqa sacha hinam kanqa, yakupa patanpi sapichakuq sacha hinam kanqa, rupay chayamuptinpas manam manchakunqachu, llaqenkunapas llanllay-llanyaymi kanqa. Chiraw tiempopipas manam hukmanyanqachu, mana tipiytam rurunqapas.

Quechua Ayacucho Bible 1987

⁸ Chayna runaqa kanqa yakupa hichpanpi plantasqa sacha hinaraqmi. Chayna runaqa kanqa yakupa patanpi sapichakuq sacha hinaraqmi. Payqa kanqa rupay tiempopipas verdey-verdey rapisapa sacha hinaraqmi. Usyay tiempopipas qali-qali sacha hinaraqmi payqa kanqa. Tiempollanpi mana tipispa ruruq sacha hinaraqmi payqa kanqa.

Chuya Qellqa 1992

⁸ Chayna runaqa, mayu patanpi plantasqa sacha hinam kanqa, yakupa patanpi sapichakuq sacha hinam kanqa, rupay chayamuptinpas manam manchakunqachu, llaqenkunapas llanllay-llanyaymi kanqa. Chiraw tiempopipas manam hukmanyanqachu, mana tipiytam rurunqapas.

Jeremías 17:8 Iomraidhean Croise

Jobwan Sutichasqa Libro 29:19

Yakupa patanpi tarpusqa sacha hina kasqayta, kallmaykunapas tuta sullapa nuyusqan kasqanta.

Jobwan Sutichasqa Libro 8:16

Mana allin runakunaqa intipa chayananpi verde qorakuna hinam, paykunapaqa kallmankunapas huerta huntatam mastarikun,

Proverbios 11:28

Kapuqninkunapi hapipakuq runaqa chakisqa rapi hinam wichirunqa, allin kawsakuq runam ichaqa musoq rapi hinaraq ikllirinqa.

Isaías 58:11

Ñoqa Tayta Diosmi sapa punchaw pusasqayki, mana imapa kananpim saksasqata uywasqayki, cuerpoykitam kallpanchasqayki, parqosqa huerta hinam kanki, mana chakiq pukyu hinam kanki.

Isaías 61:3

Sión llaqtapi llakisqakunaman uchpapa rantinpi coronataña qomunaypaq, waqaypa rantinpi kusikuytaña qomunaypaq, llakipi kaqkunatapas fiesta pachawan pachachimunaypaq. Paykunatam sutichanqaku: “Allinkuna ruruq Sachakuna, Tayta Diospa Atiyniyuq kayninta qawachiq Plantakuna” nispanku.

Jeremías 39:18

Paykuna wañuchisunaykimantam librasqayki. Ñoqapi hapipakusqaykiraykum vidaykita salvasaq. Ñoqa Tayta Diosmi chaynata nini.

Ezequiel 31:3

Líbano lawpi cedro sacha kaqlla Asiria nacionta qawariy. Chay sachaqa sumaq kallmasapallañam karqa, kallmasapa hatun sacham karqa, kallmankunapas puyukamaraqmi hayparqa.

Ezequiel 47:12

Chay mayupa kaylaw-waklaw patanpiqa tukuy rikchaq fruta sachakunam wiñanqa, llaqenkunapas manam haykapipas qawinqachu, mana tukuytam rurunqapas; templomanta lloqsiq yakuwan parqosqa kasqanraykum killan-killan poqonqa. Rurunkunam mikunapaq kanqa, llaqenkunañataqmi hampipaq kanqa.