Jeremías 17:5 - CHUYA QELLQA La Biblia en Quechua de Ayacucho 2012

⁵ Tayta Diosmi kaynata nin: Pipas runamasinpi hapipakuq runaqa ñakasqayá kachun, ñoqa Tayta Diosmanta rakikuspa runapa kallpallanpi hapipakuq runaqa ñakasqayá kachun.

Quechua Ayacucho Bible 1987

⁵ Tayta Diosmi kaynata nin: Ñoqamanta rakikuspa runamasillanpi hapipakuq runaqa ñakasqayá kachun. Ñoqamanta rakikuspa runapa kallpallanpi hapipakuq runaqa ñakasqayá kachun.

Chuya Qellqa 1992

⁵ Tayta Diosmi kaynata nin: Pipas runamasinpi hapipakuq runaqa ñakasqayá kachun, ñoqa Tayta Diosmanta rakikuspa runapa kallpallanpi hapipakuq runaqa ñakasqayá kachun.

Jeremías 17:5 Iomraidhean Croise

2~Crónicas 16:12

Kimsa chunka isqonniyuq wataña munaychakuchkaspanmi rey Asaqa chaki nanaywan llumpayta onqorurqa, onqoruchkaspanpas manam Tayta Diostaqa maskarqachu aswanqa doctorkunamanmi hapipakurqa.

2~Crónicas 32:8

Payqa runakunapa kallpallanwanmi kachkan, ñoqanchikwanmi ichaqa Tukuy Atiyniyuq Diosninchik kachkan, peleaptinchikqa paymi yanapawasun, nispa. Hinaptinmi Judá nacionpa reynin Ezequiaspa nisqanwan llapa runakuna kallpanchakururqaku.

Isaías 2:22

Mana valeq runapiqa ama hapipakuychikchu, runapa kawsayninqa huk samay hinallam.

Isaías 20:5

Hinaptinmi Etiopía nacionpi hapipakuqkunawan Egipto nacionmanta alabakuqkunapas mancharikuspanku penqakuywan kanqaku.

Isaías 36:6

¿Pakisqa soqos tawna hina Egipto nacionpichu hapipakuchkanki? Chay soqos tawnaqa, tawnapakuqninpa makintapas pakikuruspanmi qellparunqa. Chay hinallam Egiptopi rey Faraonpas lliw paypi hapipakuqninkunapaqqa.

Isaías 59:15

Cheqap rimaymi chinkarun, mana allinmanta rakikuqpatam tukuy imanta suwarunku. Allin ruway manaña kasqanta rikuspanmi Tayta Dios piñakurun.

Jeremías 11:3

Israelpa yupaychasqan ñoqa Tayta Diosmi kaynata nini: Pactoypa nisqankunata mana kasukuq runaqa ñakasqa kachun.

Ezequiel 6:9

Wañuymanta puchuqkunam may nacionmanña preso apasqa kaspankupas ñoqamanta yuyarinqaku. Paykunaqa waqllikuruq warmi hina kaspanku idolokunataña yupaychanankupaq ñoqata saqeruwasqankumanta castigasqaytam yuyarinqaku, hinaspam kikinkupunipas millakuypaq ruwasqankumanta penqakunqaku.

Oseas 1:2

Kaymi Oseasman Tayta Diospa rimarisqan simikuna. Tayta Diosmi Oseasta nirqa: Rispayki chuchumika warmiwan casarakamuy hinaspa chay warmipi churyamuy, “huchapakuy wawakuna”, nisqa kanankupaq. Israelmi Tayta Diosmanta sapaqchakuruspan chuchumika warmi hinaña rikurirun, nispa.