Jeremías 17:3 - CHUYA QELLQA La Biblia en Quechua de Ayacucho 2012

³ chakrakunapi hinaspa orqokunapi. Huchallikusqaykichikmantam lliw nacionpi kaq capillaykichiktapas, chaynataq qori-qollqekichiktawan tukuy ima kapuqnikichiktapas saqueachisaq.

Quechua Ayacucho Bible 1987

³ Chakrapi orqokunaman riqkunatam nikichik: “Enteron nacionnikichikpim capillakunapi huchallikurqankichik. Qori-qollqekichiktawan tukuy kapuqnikichiktam saqueachisqaykichik.

Chuya Qellqa 1992

³ chakrakunapi hinaspa orqokunapi. Huchallikusqaykichikmantam lliw nacionpi kaq capillaykichiktapas, chaynataq qori-qollqekichiktawan tukuy ima kapuqnikichiktapas saqueachisaqmi.

Jeremías 17:3 Iomraidhean Croise

2~Reyes 24:13

Nabucodonosormi hurqorurqa, Tayta Diospa templonmanta chaynataq rey Joaquinpa palacionmanta, qorimanta qollqemanta kaqkunata. Pakiparurqataqmi Tayta Diospa nisqanman hina, Tayta Diospa templonpaq Israel nacionpa reynin Salomonpa ruwachisqan qorimanta serviciokunatapas.

Isaías 27:9

Chaywanpas Jacobpa mirayninkunapa huchantaqa pampachanqam, ichaqa kaykunatam ruwananku: Idolonkupa altarninkunatam isku rumita hina ñutupananku, Asera idolonkutam wikapananku, idolonkupaq incienso kañananku altarkunatam tuñichinanku.

Jeremías 12:12

Tukuy chunniq orqonkunatam tuñichikuq runakuna hamurqaku, Ñoqa Tayta Diosmi kay pachata kuchun-kuchun tukusaq, manam pipaqpas hawkayay kanqachu.

Jeremías 15:13

Llapa huchaykichikmantam qori-qollqekichiktapas mana imallapaq qechukuqkunaman qoykusaq.

Jeremías 20:5

Kay llaqtapa qori-qollqentapas, tukuy huñusqankutapas, tukuy kuyayllapaq kapuqninkunatapas, Judá nación reykunapa llapa qori-qollqentapas enemigoykichikmanmi qoykusaq, hinaptinmi Babiloniaman apanqa.

Jeremías 21:13

Ñoqa Tayta Diosmi kaynata nini: Qechwapi munaychakuq llaqta pampapi qaqa hina llaqta, ñoqam contraykipi kachkani. Qamkunam ninkichik: ¿Pitaqsi ñoqanchikta atacawachwan? ¿Pitaqsi amparakunanchikman chayamunman? nisparaq.

Jeremías 26:18

Judá nacionpi rey Ezequías munaychakuchkaptinmi, Moreset llaqtayuq Miqueas kay Judá nacionpi llapallan runakunata nirqa: Tukuy atiyniyuq Tayta Diosmi kaynata nin: Sión llaqtam yapusqa chakraman tikrasqa kanqa, Jerusalén llaqtam purmachisqa kanqa, Templopa kasqan moqom monteyarunqa, nispa.

Lamentaciones 1:10

Jerusalenpa kapuqninkunatam enemigonkuna lliwta apakunku, llaqtapi runakunam huklaw nacionniyuq runakunapa santuarionman yaykusqanta rikurqaku. Dios Taytalláy, qamqa manam munarqankichu chayna runakuna wasikiman yaykunantaqa.

Ezequiel 16:39

Paykunaman qoykuptiymi idoloykikunata yupaychanaykipaq capillakuna ruwasqaykitapas tuñichinqaku. Paykunam pachaykita chusturususpayki sumaq alhajaykikunatapas apakunqaku, hinaspam pasaypaq qalallata saqerusunki.

Ezequiel 23:46

Tayta Diosmi kaynata nin: Llapa runakuna paykunapa contranpi huñunakuchun, manchakuywan huntarachispa tukuy imankutapas suwachunku.

Ezequiel 6:3

kaynata profetizay: Israel nacionpi orqokuna, moqokuna, wayqokuna hinaspa qechwakuna, Tayta Diospa nisqanta uyariychik: Qamkunamanmi wañuyta chayachimusaq, hinaspaymi idoloykikuna yupaychanayki sitiokunatapas chaynataq capillakunatapas tuñichisaq.

Levítico 26:30

Idoloykichikkunapa capi-llankunatapas tuñirachisaqmi, incienso kañana altarnikichikkunatapas paki-parusaqmi, ayaykichiktapas idoloykichikkunapa hawanmanmi montorusaq.

Miqueas 3:12

Chaynaqa, qamkunapa huchaykichikmantam Sión llaqtapas yapusqa chakraña kanqa, Jerusalenñataqmi soqyasqa rumillamanña tikrasqa kanqa. Templopa kanan moqopas mana allin qorakunawanmi monteyanqa, nispa.

Sofonías 1:13

Chayraykum kapuqninkupas suwasqa kanqa, wasinkuñataqmi purmanqa. Wasi ruwasqankupipas manam yachanqakuchu, uvas tarpusqankupa vinontapas manam upyanqakuchu, nispa.