Jeremías 17:27 - CHUYA QELLQA La Biblia en Quechua de Ayacucho 2012

²⁷ Sichum mana kasuwaspa, kamachisqayman hina samana punchawta ñoqapaq mana sapaqchaspa, Jerusalén llaqtapa punkunta cargakunata apaykuptikichikqa, kay llaqtapa punkunkunatam kañaykusaq, hinaptinmi Jerusalén llaqtapa palacionkunatapas ruparunqa. Chay ninataqa manam pipas amachayta atinqachu, nispa.

Quechua Ayacucho Bible 1987

²⁷ Sichu mana kasuwaspaykichik samana punchawta mana sapaqchaspa chay punchawpiraq Jerusalen llaqtapa zaguan punkunkunata cargakunata apaykuptikichikqa kay llaqtapa zaguan punkunkunatam kañaykusaq hinaptinmi Jerusalen llaqtapa palacionkunatapas ruparunqa. Chay ninataqa manam pipas amachayta atinqachu.’ ”

Chuya Qellqa 1992

²⁷ Sichum mana kasuwaspa, kamachisqayman hina samana punchawta ñoqapaq mana sapaqchaspa, Jerusalén llaqtapa punkunta cargakunata apaykuptikichikqa, kay llaqtapa punkunkunatam kañaykusaq, hinaptinmi Jerusalén llaqtapa palacionkunatapas ruparunqa. Chay ninataqa manam pipas amachayta atinqachu, nispa.

Jeremías 17:27 Iomraidhean Croise

2~Reyes 22:17

Ñoqata saqeruwaspanku huk rikchaq dioskunamanña inciensota kañasqankuraykum piñakuyniy nina hina kay sitiopa contranpi ruparispan mana taninqachu.

2~Reyes 25:9

Paymi kañaykurqa Tayta Diospa templonta, reypa palacionta, Jerusalén llaqtapi llapa wasikunata hinaspa kamachikuqkunapa wasinkunatapas.

2~Crónicas 36:19

Tayta Diospa templontapas kañaykuspankum Jerusalén llaqtapa murallantapas taqmarurqaku. Llaqtapa palacionkunatapas kañaykuspankum llapa valorniyuq kaqkunatapas ñutuparurqaku.

Isaías 1:20

Mana kasuwaspaykichikmi ichaqa guerrawan tukusqa kankichik. Tayta Diosmi chaynata nin.

Isaías 1:31

Kallpasapa runapas qopa hinañam rikurirunqa, ruwasqankunapas nina chispa hinañam kanqa, manaña pipas amachaqnin kaptinmi kuskankuña ruparunqa.

Jeremías 17:24

Ñoqa Tayta Diosmi kaynata nini: Kasukuychikyá, amayá samana punchawpiqa kay llaqtapa punkuntaqa ima cargatapas apaykuychikchu, chay punchawtaqa ñoqapaq sapaqchaspa ama imatapas ruwaychikchu.

Jeremías 17:4

Herenciaykichik kananpaq qosqay allpatam saqenkichik, mana reqsisqaykichik nacionpim enemigoykichikkunata servichimusqaykichik, piñakuyniymi nina hina ratarirun kañasunaykipaq.

Jeremías 18:1

Tayta Diosmi ñoqa Jeremiasta niwarqa:

Jeremías 21:12

Rey Davidpa mirayninkuna, ñoqa Tayta Diosmi kaynata nikichik: Sapa pacha achikyaytayá allin arreglota ruwaychik, ñakariqkunatayá ñakarichiqkunamanta qechuychik, yanqañataq mana allinkuna ruwasqaykichikmanta piñakuyniy nina hina ratarirunman manaña pipas amachay atinankama, nispayki.

Jeremías 21:14

Mana allinkuna ruwasqaykichikman hinam castigasqaykichik, sachaykikunata kañaykuptiymi muyuriqnikipi tukuy ima kaqkunatapas ruparunqa. Ñoqa Tayta Diosmi chaynata nini.

Jeremías 22:5

Kay nisqaykunata mana kasukuptikichikqa, kay palaciom tuñichisqa kanqa. Ñoqa Tayta Diosmi chaynata nini.

Jeremías 32:29

Caldea runakunam yaykuramuspanku kay llaqtata kañaykunqaku. Kañaykun-qakum Baal idolokunaman incien-sota kañananku chaynataq wakin idolokunaman vino tallinanku altosniyuq wasikunatapas, chaykunatam ruwarqaku ñoqata piñachiwanankupaq.

Jeremías 39:8

Caldea tropakunaqa reypa palaciontapas hinaspa llapa runakunapa wasinkunatapas kañaykurqakum, Jerusalén llaqtapa muyuriqninpi perqakunatapas taqmarurqakum.

Jeremías 44:16

Tayta Diospa sutinpi willawasqaykiku palabrakunataqa manam kasukusaqkuchu.

Jeremías 49:27

Damasco llaqtapa murallankunatam kañaykusaq. Ben-hadadpa palacionkunatapas ninam tukunqa.

Jeremías 52:13

Paymi kañaykurqa Tayta Diospa templonta, reypa palacionta, Jerusalén llaqtapi llapa wasikunata hinaspa kamachikuqkunapa llapallan wasinkunatapas.

Jeremías 6:17

Tayta Diosmi llaqta waqaychaqkunata churaspan runankunata nirqa: Trompeta waqamuptin uyarinaykichikpaqmi uyan-uyanlla kankichik, nispa. Paykunam ichaqa nirqaku: Manam ñoqaykuqa uyarisaqkuchu, nispanku.

Jeremías 7:20

Chayraykum Tukuy Atiyniyuq Tayta Dios kaynata nin: Sinchi piñakuyniytam chayachimusaq, kay allpapa, runakunapa, animalkunapa, sachakunapa, lliw kawsaypa contranpi. Piñakuyniyqa mana amachay atina nina hinam kanqa.

Lamentaciones 2:6

Chukllata hinaraqmi templontapas tuñirachin, huñunakunanku templotam purmarachin, Tayta Diosmi Sionpi fiestakunata qollurachin, samana punchawkunatam qonqarachin. Sinchi piñakuyninpim reytawan sacerdotetapas wischururqa.

Lamentaciones 4:11

Tayta Diosmi piñakuyninta kachaykamurqa, sinchi piñakuynintam chaqchurimurqa, Sión llaqtatam ninawan kañaykurqa, cimientonkamaraqmi llaqtata chinkarachirqa.

Ezequiel 16:41

Wasikitapas kañaspankum llapa warmikunapa qayllanpi juzgasunki. Chaynapim hukwan-hukwan qanrakuynikita puchukarachisaq, hinaptinmi waynaykikunamanpas manaña pagankiñachu.

Ezequiel 21:15

Chay espadam paykunaman manchakuyta huntaykunqa, achkallatañam wañuchinqa. Llapallan wasikunamanmi wañuchikuq espadata kachaykuni, chay espadaqa llipityananpaq ñawchiyachisqam kachkan, wañuchinanpaq ñawchiyachisqam kachkan.

Ezequiel 21:3

Ñoqa Tayta Diospa nisqayta paykunaman kaynata niy: Ñoqaqa qampa contraykipim kachkani, chayraykum vainanmanta espadayta hurqoykuspay, allin ruwaq runakunata chaynataq mana allin ruwaq runakunatapas wañurachisaq.

Ezequiel 22:8

Santuarioykunatawan samana punchawniykunatapas pasaypaqtam sarutyarunku.

Ezequiel 23:38

Chaywanpas kaytawanraqmi paykunaqa ruwarqaku: Temploytapas qa-chachaspankum samana punchawniykunatapas pasaypaqta sarutyarqaku.

Oseas 8:14

Israelmi unanchaqninta qonqaruspan palaciokunata ruwakurun, Judapas murallasqa llaqtakunatam achkallataña hatarirachin, ñoqam ichaqa palacionkunata ninawan kañasaq, murallankunatapas ninawanmi uchpayachisaq.

Amós 1:10

Tiro llaqtapa muyuriqninpi perqankunata kañaykuptiymi palacionkunatapas rupanqa, nispa.

Amós 1:12

Temán llaqtata kañaykuptiymi Bosra llaqtapa palaciokunatapas rupanqa, nispa.

Amós 1:14

Rabá llaqtapa perqankunata kañaykuptiymi palacionkunatapas rupanqa; chaytaqa ruwasaq sasachakuy punchawpi, guerrapi hatun qaparkachay kachkaptinmi.

Amós 1:4

Hazaelpa wasintam kañaykusaq, ninam rupanqa rey Ben-hadadpa palaciontapas.

Amós 1:7

Gaza llaqtapa muyuriqninpi perqakunata kañaykuptiymi palacionkunatapas rupanqa.

Amós 2:2

Moab nacionta kañaykuptiymi Queriot llaqtapa palacionkunatapas rupanqa; chaynapim Moabqa hatun qapariyllawanña guerrapa chawpinpi chaynataq cornetapa qapariyninpa chawpinpi wañunqa.

Deuteronomio 32:22

Piñakuyniymi nina hinaraq ruparinqa, uku pachapa ukunkamaraqmi chayarunqa; allpatapas kawsaynintintam tukurunqa, orqokunapa sapintam kañarunqa.

Hebreos 12:25

Chaynaqa, rimapayasuqnikichiktaqa amayá qepanchakuychikchu. Kay pachapi willakuqkunata mana kasukuqkunapas castigomantaqa manam lluptirqakuchu. Hanaq pachamanta rimamuqta mana kasukuspaqa aswanraqchiki mana lluptichwanchu.