Jeremías 17:25 - CHUYA QELLQA La Biblia en Quechua de Ayacucho 2012

²⁵ Chaynata ruwaptikichikqa, rey Davidpa mirayninmanta kamachikuqkunam carretakunapi chaynataq caballokunapi sillada kay llaqtapa punkunta yaykunqaku. Paykunaqa yaykunqa Judá nacionpa kamachiqninkunawan, Judá nacionpi yachaqkunawan hinaspa Jerusalenpi yachaqkunawan kuskam. Kay llaqtapiqa runakunam wiñaypaq yachanqaku.

Quechua Ayacucho Bible 1987

²⁵ Rey Davidpa miraynin gobiernaq reykunawan kamachikuqkunam carretakunapi chaynataq caballokunapi sillasqa kay llaqtapa zaguanninta yaykunqaku. Paykunaqa yaykunqa Juda nacionniyoq runakunapiwanmi hinaspa Jerusalen llaqtayoq runakunapiwanmi. Kay llaqtapiqa runakunam wiñaypaq *f**yachanqaku.

Chuya Qellqa 1992

²⁵ Chaynata ruwaptikichikqa, rey Davidpa mirayninmanta kamachikuqkunam carretakunapi chaynataq caballokunapi sillada kay llaqtapa punkunta yaykunqaku. Paykunaqa yaykunqa Judá nacionpa kamachiqninkunawan, Judá nacionpi yachaqkunawan hinaspa Jerusalenpi yachaqkunawan kuskam. Kay llaqtapiqa runakunam wiñaypaq yachanqaku.

Jeremías 17:25 Iomraidhean Croise

2~Samuel 7:16

Miraynikipas chaynataq munaychakuynikipas wiñaypaqmi takyanqa. Kamachikuynikipas wiñay-paqmi takyanqa”, nispa.

2~Samuel 8:4

Paykunamantam waranqa qanchis pachaknin sillada soldadokunata David presocharurqa. Chakiwan riq tropakunamantapas iskay chunka waranqatam presocharurqa. Carreta aysaq caballokunapa ankunta kuchurachispanmi pachak carretakunallapaqña caballokunata puchuykachirqa.

Éxodo 12:14

Chay punchawqa yuyarinaykichik punchawmi kanqa, chaynapim ñoqa Tayta Diosta yupaychawanaykichikpaq hatun fiestata ruwankichik. Chaymi miraynikichikkunapaq huk decreto wiña-wiñaypaq kanqa.

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Jeremías 13:13

Chaymi qamñataq ninki: Ñoqa Tayta Diosmi kaynata nini: Kay nacionpi yachaqkunatam pasaypaqta sinkarachisaq. Sinkachisaqtaqmi rey Davidpa mirayninmanta kamachikuqkunatapas, sacerdotekunatapas, profetakunatapas hinaspa Jerusalén llaqtapi yachaqkunatapas.

Jeremías 22:2

Davidpa trononmanta Judá nacionpi munaychakuq rey, kamachikuqkuna, reypa serviqninkuna, llaqta runakuna, Tayta Diospa nisqanta uyariychik.

Jeremías 22:30

Tayta Diosmi kaynata nin: Kay runamanta libropi qellqaychik, qolluq runamanta hina qellqaychik, kawsayninpi mana imapas allin ruwaq kasqanmanta qellqaychik. Judá nacionpiqa, Jeconiaspa mirayninmantaqa manañam rey Davidpa trononpiqa munaychakuqqa kanqañachu, nispa.

Jeremías 22:4

Sichum kay nisqaykunata kasukuptikichikqa, kanqam rey Davidpa trononmanta munaychakuq reykuna, paykunam carretakunapi chaynataq caballokunapi sillada kay palaciopa punkunta yaykunqaku, kamachikuqkunawan hinaspa llapa runankunawan kuska.

Jeremías 25:5

Paykunam kaynata nisurqankichik: “Mana allin kawsaymantawan mana allin ruwaymanta wanakuspaykichikqa, taytaykichikmanpas chaynataq qamkunamanpas wiñaypaq qosqay allpapim yachankichik.

Jeremías 33:15

Chay punchaw chayaramuptinmi Davidpa mirayninmanta huk ikllipata hatarichisaq; paymi allin kaqkunata ruwaspan, allin arreglokunata ruwaspan kay allpapi munaychakunqa.

Jeremías 33:17

Ñoqa Tayta Diosmi kaynata nini: Davidpa mirayninmanta Israelpi munaychakuqqa manam tukunqachu.

Jeremías 33:21

Chaynam serviqniy Davidwan pacto ruwasqaypas cumplikunqapuni, chaynapim Davidpa mirayninmanta trononpi tiyaykuspa munaychakuqpas mana faltanqachu. Leviypa mirayninmanta kaq serviqniy sacerdotekunawan pacto ruwasqaypas cumplikunqapunim.

Jeremías 7:3

Israelpa yupaychasqan Tukuy Atiyniyuq Tayta Diosmi kaynata nin: Kawsaynikichikta allichaspa allinta ruwaptikichikqa kay allpapim kawsachisqaykichik.

Jeremías 7:7

ñawpaq taytaykichikkunaman qosqay allpapim wiñaypaq kawsachisqaykichik.

Deuteronomio 17:16

Chay reyqa amam achka caballokunataqa huñukunqachu, amataqmi runakunatapas caballokuna rantiqqa Egipto nacionman kachanqachu. Tayta Diosmi nisurqankichik: “Egipto nacionmanqa amam haykapipas kutinkichikchu”, nispa.

Hebreos 12:22

Qamkunam ichaqa asuykurunkichik Sión moqoman, hanaq pachapi kawsaq Diospa Jerusalén llaqtanman, Diosta yupaychanankupaq wara-waranqa angel-kunapa huñunasqa kasqankuman.

1~Samuel 8:11

Munasqaykichik reyqa kaykunatam ruwachisunkichik: Churikichikkunatam soldadopaq apanqa, hinaspam wakinta churanqa: Caballokunapa chutasqan carretankunata nanachikunanpaq, wakintañataqmi caballokunapi sillada soldadon kananpaq chaynataq tropakunapa kamachiqnin kananpaq,