Jeremías 17:23 - CHUYA QELLQA La Biblia en Quechua de Ayacucho 2012

²³ Taytaykichikkunam ichaqa mana uyarirqakuchu nitaqmi kasuwarqakuchu, aswanqa sonqonkuta rumiyarachispankum mana kasukurqakuchu nitaq wanakurqakuchu, nispa.

Quechua Ayacucho Bible 1987

²³ Chay abueloykichikkunaqa manam kasukurqakuchu nitaqmi atienderqakuchu. Paykunaqa sonqonkuta rumiyaykachispam mana kasukurqakuchu nitaq corregikurqakuchu’ nispa.

Chuya Qellqa 1992

²³ Taytaykichikkunam ichaqa mana uyarirqakuchu nitaqmi kasuwarqakuchu, aswanqa sonqonkuta rumiyarachispankum mana kasukurqakuchu nitaq wanakurqakuchu, nispa.

Jeremías 17:23 Iomraidhean Croise

Proverbios 1:3

chaynapi corregisqa kanapaq, yachaywan imatapas ruwanapaq, allin ruwaq kanapaq, allin tanteoyuq kanapaq, hinaspa mana pimanpas sayapakunapaq.

Proverbios 1:5

Yachayniyuq runapas chayta uyarispanmi yachayninta huntachin, yachayniyuq runapas aswanraqmi yachayta chaskinqa,

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Proverbios 5:12

yanqañataq ñakakuspa niwaq: “Imapaqraq rimapayawasqankuta qepancharqani, imapaqraq anyawasqankuta wischupakurqani,

Proverbios 8:10

Qollqemantapas mastaqa, yachachikuyniytayá chaskiy; akllasqa qorimantapas mastaqa yachayniyuq kaytayá maskay, nispa.

Isaías 48:4

Llumpay rumi sonqo kasqaykita yachaspaymi, matankaykipas fierro hina kasqanta yachaspaymi, umaykipas bronce hina kasqanta qawaspaymi,

Jeremías 11:10

Ñawpaq taytankupa mana allin ruwasqankumanmi qokurunku. Paykunaqa nisqaykunata mana kasukuspankum idolokunataña yupaycharqaku. Israel runakunawan Judá nacionpi runakunam, ñawpaq taytankuwan pacto ruwasqayta yanqacharunku.

Jeremías 19:15

Israelpa yupaychasqan Tukuy Atiyniyuq Tayta Diosmi kaynata nin: Sonqoykichikta rumiyarachispa nisqaykunata mana kasukusqaykichikraykum, kay llaqtapa chaynataq muyuriqninpi llaqtakunapa contranpi rimasqay sasachakuykunata kachamusaq, nispa.

Jeremías 32:33

Qepanchakuruwaspankum manaña qawariwaqkuñachu. Mana samaykuspa yachachichkaptiypas manam kasuwarqakuchu, nitaqmi corregikuytapas munarqakuchu.

Jeremías 35:15

Mana samaykuspam profetaykunawan kaynata willachirqaykichik: Mana allinkuna ruwasqaykichikta saqespa munasqayman hina kawsaychik. Idolokunataqa amaña yupaychaychikchu, chaynapi taytaykichikkunamanpas chaynataq qamkunamanpas qosqay allpapi yachanaykichikpaq, nispay. Ichaqa manam uyariwarqankichikchu nitaqmi kasuwarqankichikchu.

Jeremías 5:3

Dios Taytalláy, qamqa cheqap ruwaqtam maskanki. Castigoykipas manam paykunataqa nanarqachu, ñakarichiptikipas manam corregikuyta munarqakuchu; rumi hinaña rikuriruspankum mana wanakuyta munarqakuchu.

Jeremías 6:8

¡Jerusalén llaqta, wanakuyña, qanmanta mana karunchakunaypaq! Yanqañataq chunniqman tikraruykiman, yanqañataq mana pipa yachananman tikraruykiman.

Jeremías 7:28

Chaynaqa, kaynatayá nimuy: Kay nacionpi runakunaqa Diosninkupa nisqanta mana kasukuq runakunam, mana corregikuy munaq runakunam. Cheqap rimaymi siminkumanta chinkarun, nispa.

Ezequiel 20:13

Ichaqa paykunam chay chunniqpi mana kasuwarqakuchu; kamachikuyniytapas manam kaqpaqpas hapirqakuchu, decretoykuna qosqaytapas wischupakurqakum, chaykunatam qorqani ruwayman churaspa kawsanankupaq. Aswanraqmi samana punchawniykunatapas pasaypaqta sarutyarurqaku. Chayraykum paykunaman piñakuyniyta kachaykuspay chunniqpi chinkarachiyta tantearqani.

Ezequiel 20:16

Kamachikuykuna qosqaytapas wischupakuspankum mana decretoykunaman hinachu kawsarqaku, samana punchawniykunatapas pasaypaqtam sarutyarurqaku. Paykunaqa idolokunapi sonqoyuqllam kawsarqaku.

Ezequiel 20:21

Ichaqa mirayninkunapas manam kasuwarqakuchu; kawsanankupaq qosqay decretoykunatapas mana kasukuspankum kamachikuyniykunatapas mana ruwayman churarqakuchu; samana punchawniykunatapas sarutyarurqakum. Hinaptinmi piñakuyniyta kachaykuspay chay chunniqpi chinkarachiyta tantearqani.

Sofonías 3:7

Hinaspaymi nirqani: Jerusalenqa manchakuwanqañachá, corregisqaytapas chaskikunqañachá, wasinkunapas manañachá castigasqayraykuqa purmanqañachu, nispay. Ichaqa paykunam tukuy rikchaqmana allinkuna ruwayta chaylla qallaykurqaku.

Hechos 7:51

Qamkunaqa mana kasukuq runakunam kankichik. Rinrikichikpas chaynataq sonqoykichikpas wichqasqam kachkan. Qamkunaqa Chuya Espiritupa contranpim kachkankichik, ñawpa taytaykichikkuna hinapunim qamkunapas kankichik.

Jueces 6:10

Nirqayki-chiktaqmi: “Ñoqam qamkunapa Dios-nikichik kani, amorreokunapa diosninkutaqa amam manchakunkichikchu, paykunapa allpanpim kunan yacha-chkankichik”, nispay. Qamkunam ichaqa mana kasukurqankichikchu, nispa.