Jeremías 17:2 - CHUYA QELLQA La Biblia en Quechua de Ayacucho 2012

² Wawa churikichikkunapas altarkunatawan Asera idolokunatam yuyarinku, chaykunam tarikurqa rapisapa sachakunapa sikinpi, alto moqokunapa puntanpi,

Quechua Ayacucho Bible 1987

² Rapisapa sachakunapa hichpanpi, alto moqokunapa puntanpi altarninkumantam churinkupas yuyarinku. Rapisapa sachakunapa hichpanpi, alto moqokunapa puntanpi Asera sutiyoq mamachakunamantam yuyarinku.

Chuya Qellqa 1992

² Wawa churikichikkunapas altarkunatawan Asera idolokunatam yuyarinku, chaykunam tarikurqa rapisapa sachakunapa sikinpi, alto moqokunapa puntanpi,

Jeremías 17:2 Iomraidhean Croise

2~Crónicas 24:18

Hinaptinmi ñawpaq taytankupa yupaychasqan Tayta Diospa templonta qepanchaspanku, Asera sutiyuq idolokunatawan tukuy rikchaq idolokunataña yupaycharqaku. Chay huchankuraykum Judá nacionmanwan Jerusalenman Tayta Diospa piñakuynin chayarqa.

2~Crónicas 33:19

Mañakuyninpas, chay mañakuyninpa contestasqa kasqanpas, imakunawanmi huchallikusqanpas, Tayta Diosta qepanchasqanpas, maykunapim capillakuna ruwachisqanpas, manaraq Tayta Diospa qayllanpi uchuychakuchkaspa Asera idolokunatawan rikchaqmana idolokunata ruwachispan maykunapim churasqanpas, profetakunapa qellqasqan libropim qellqasqa kachkan.

2~Crónicas 33:3

Taytan Ezequiaspa tuñichisqan capillakunatapas kaqllamanta hatarichispanmi Baal idolopaqña altarkunata ruwarqa, ruwarqataqmi Asera idolokunatapas. Cielokunapi tukuy ima kaqkunatapas yupaycharqam.

Éxodo 34:13

Aswanqa altarninkunatam tuñichinkichik, yupaychasqanku rumikunatapas pakipankichikmi, Asera sutiyuq idolonkutapas ñutunkichikmi.

Isaías 1:29

Encina sachakuna kuyasqaykichikmantapas penqakunkichikmi, idoloykichikkuna yupaychanaykichikpaq akllasqaykichik huertakunamantapas uyaykichikraqmi pukayanqa.

Isaías 17:8

Makinkuwan ruwasqanku capillakunatapas, dedonkuwan llunkisqanku Asera idolonkutapas, intiman rikchakuq idolonkutapas, manañam qawarinqakuñachu.

Jeremías 2:20

Unayñam contraypi hoqarikuruspa manaña kasuwankichu hinaspam niwankiraq: Manam servisqaykichu, nispa. Llapa alto moqokunapim, rapisapa sachakunapa sikinkunapim, chuchumika warmi hina qanrakurqanki.

Jeremías 3:23

Alto moqokunaman riyqa yanqapaqmi, alto moqokunapi qapariyqa yanqapaqmi; cheqaptapunipas qam yupaychasqayku Diosllapim Israelpa mirayninkunaqa salvacionta tariniku.

Jeremías 3:6

Rey Josiaspa munaychakusqan tiempopim Tayta Dios kaynata niwarqa: ¿Rikurqankichu mana kasukuq Israelpa ruwasqanta? Alto orqokunaman rispanmi chuchumika warmi hina qanrakurqa rapisapa sachakunapa sikinpi.

Jeremías 7:18

Warmakunam yantata pallamunku, taytankum ninata ratachinku, warmikunam masata chapunku, cielopi Reina nisqankupaqmi tortakunata ruwapunku, idolokunapaqmi vinota tallipunku. Chaykunata ruwaspankum ñoqata piñachiwanku.

Ezequiel 20:28

Paykunaqa juramentowan prometesqay allpaman yaykuruspankupas, alto moqokunata hinaspa rapisapa sachakunata qawaykuspankum animalkunata kañaspa piñachiwarqaku, chaykunapim inciensota kañaspanku vinotapas tallirqaku.

Deuteronomio 12:2

Yaykunaykichik llaqtakunapa idolonkuna yupaycha-nanku sitiokunataqa tuñichinkichik-mi, tuñichinkichiktaqmi orqokunapa puntankunapi, moqokunapi chaynataq llaqesapa sachakunapa sikinpi kaqkunatapas.

Jueces 3:7

Israelpa mirayninkunam mana allinkunata ruwaspa Tayta Diospa qayllanpi huchallikurqaku, hinaspam Tayta Diosmanta karunchakuruspanku Baal idolokunatawan Asera idolokunataña servirqaku.