Jeremías 17:16 - CHUYA QELLQA La Biblia en Quechua de Ayacucho 2012

¹⁶ Chaywanpas qanmanqa manam hamurqani ñakarichinaykipaq mañakuqchu, manataqmi sasachakuypi kanankutapas munarqanichu. Qamqa yachankim qayllaykipi imam rimasqaytapas.

Quechua Ayacucho Bible 1987

¹⁶ Qamta qatinaypaqqa manam michiq kayniytaqa saqerqanichu. Sasachakuy tiempokuna hamunantaqa manam munarqanichu. Qamqa yachankimiki chaykunataqa. Qampa qayllaykipim rimarqaniqa.

Chuya Qellqa 1992

¹⁶ Chaywanpas qanmanqa manam hamurqani ñakarichinaykipaq mañakuqchu, manataqmi sasachakuypi kanankutapas munarqanichu. Qamqa yachankim qayllaykipi imam rimasqaytapas.

Jeremías 17:16 Iomraidhean Croise

Jeremías 12:3

Dios Taytalláy, qanmi reqsiwanki, qawawaspaykim qanman imayna sonqoyuq kasqayta yachawanki. Chay runakunatayá nakanapaq ovejakunata hina aparuy, nakasqa kananku punchawpaq sapaqcharuy.

Jeremías 13:17

Mana kasukuptikichikqa hatun tukuq kasqaykichikmantam mana pipa rikusqanta waqasaq; Tayta Diospa runankuna preso apasqa kasqankumantam waqasaq, weqeypas yaku hinañam kallpanqa.

Jeremías 15:15

Dios Taytalláy, qamqa lliwtam yachanki, yuyariwaspaykiyá qawariway, cheqniwaqniykunata vengakuruy. Amayá paykunataqa llakipayaychu, amayá cheqniwaqniykuna wañuchiwanantaqa munaychu, yachankim qamrayku insultasqa kasqaytaqa.

Jeremías 18:20

¿Paykunapaq allin ruwasqaymantachu mana allinwan pagawanqaku? Sepulturaytapas toqorunkuñam, paykunapa allinninpaq rimasqaytayá yuyariy, paykunamanta piñakuynikita suchuchinaykipaq mañakusqaytayá yuyariy.

Jeremías 20:7

Dios Taytalláy, engañaypaqmi qamqa engañaruwanki, munayniyuq kasqaykiraykum venceruwanki. Tukuy tiempo asipayanankum kani, lliwmi ñoqamanta burlakunku.

Jeremías 20:9

Chayraykum nirqani: Tayta Diostaqa qonqarusaqña, sutintapas amaña rimasaqñachu, nispay. Ichaqa palabraykim nina hinaraq sonqoypi ruparirqa, nina hinaraqmi tulluykunatapas ruparirqa. Amaña rimasaqñachu nispam nirqani, ichaqa manam upallayta atinichu.

Jeremías 9:1

Amalaya ñawiy pukyu hina rikurirunman, amalaya weqeypas kallpaq yaku hina rikurirunman, chaynapi llaqtamasiykunapa wañusqanmanta tuta punchaw waqanaypaq.

Amós 5:10

Paykunaqa llaqtapa punkunpi “allinta kawsaychik” niqninkutam cheqnirurqaku, cheqap kaqkuna rimaqtam qepancharurqaku.

Hechos 20:20

Chaywanpas allinnikichikpaq Diospa palabran willaytaqa manam amirqanichu, ñoqaqa yachachirqaykichikmi llapa runakunapa qayllanpipas chaynataq wasikichikpipas.

Hechos 20:27

Diospa munasqantaqa mana imatapas pakaspaymi willarqaykichik.

2~Corintios 1:12

Kaywanmi kusisqa kachkaniku, ñoqaykuqa kay pachapipas chaynataq qayllaykichikpipas allintam kawsarqaniku. Diosmi yanapawarqaku mana engañakuspa payllapaqña kawsanaykupaq, chaynataqa kawsarqaniku manam yachayniyuq kasqaykuraykuchu.

2~Corintios 2:17

Ñoqaykuqa manam wakinkuna hinachu Diospa palabran willakusqaykuwan negociota ruwaniku. Aswanqa Cristopi kaspam cheqapta rimaniku Diospa qayllanpi hinaspa paypa kachasqankuna hina.

Santiago 1:19

Kuyasqay wawqe-panillaykuna, qamkunaqa chaylla uyariqyá kaychik, allinta tanteaspayá rimaychikpas, amataqyá piñakuqllañaqa kaychikchu.

Santiago 3:1

Wawqe-panillaykuna, amayá qam-kuna ukupiqa llumpay yachachi-kuqkunallañaqa kaychikchu, yachas-qaykichikpi hinapas yachachikuqkunaqa aswan juzgasqam kasunchik.