Jeremías 17:14 - CHUYA QELLQA La Biblia en Quechua de Ayacucho 2012

¹⁴ Dios Taytalláy, hampiykuwaptikiqa sanoyasaqmi, salvaykullawaptikiqa salvakusaqmi, qamllatam yupaychasqayki.

Quechua Ayacucho Bible 1987

¹⁴ Dios Taytalláy, hampiykuwaptikiqa sanoyasaqmi. Dios Taytalláy, salvaykuwaptikiqa salvakusaqmi. Qamqariki kanki ñoqapa alabanaymi.

Chuya Qellqa 1992

¹⁴ Dios Taytalláy, hampiykuwaptikiqa sanoyasaqmi, salvaykullawaptikiqa salvakusaqmi, qamllatam yupaychasqayki.

Jeremías 17:14 Iomraidhean Croise

Isaías 6:10

Kay runakunapa yuyaymanayninta pantarachiy, mana uyarinankupaq rinrinkuta upayarachiy, mana qawakunankupaq ñawinkuta ñawsayarachiy, mana entiendespanku mana wanakunankupaq, chaynapi huchankuta mana pampachanaypaq, nispa.

Jeremías 15:20

Kay runakunapaqmi qamta churayki broncemanta perqata hina, contraykipim peleanqaku, ichaqa manam vencesunkichu, ñoqam qanwan kachkani salvanaypaq hinaspa libranaypaq. Ñoqa Tayta Diosmi chaynata nini.

Jeremías 3:23

Alto moqokunaman riyqa yanqapaqmi, alto moqokunapi qapariyqa yanqapaqmi; cheqaptapunipas qam yupaychasqayku Diosllapim Israelpa mirayninkunaqa salvacionta tariniku.

Jeremías 30:17

Ñoqa Tayta Diosmi kaynata nini: “Sión moqopi llaqtaqa wischusqañam, manañam pipas nanachikunñachu” niptinkupas ñoqam heridaykikunamanta hampisqayki, onqoynikitapas ñoqam sanoyachisqayki, nispa.

Jeremías 31:18

Efrainpa mirayninkunapa llakikuymanta kayna qaparisqantam uyarirqani: “Manaraq mansasqa toro hinam karqani, ichaqa qanmi mansaruwarqanki, qanman kutirichikuway, qamqa Tukuy Atiyniyuq Diosniymi kanki.

Jeremías 33:6

Chaywanpas llaqtaytaqa hampispaymi sanoyachisaq, paykunataqa imankumantapas mana pisisqatam hawkallata hinaspa mana pipapas imanasqanta kawsachisaq.

Números 12:13

Chaymi kaynata qaparispan Tayta Diosta Moisés mañakurqa: Diosnilláy, Mariata sanoyaykachinaykipaqmi mañakuyki, nispa.

Mateo 14:30

Ichaqa sinchi wayra pukumusqanraykum mancharikuspan yakuman chinkaykuyta qallaykurqa, hinaspam qaparirqa: ¡Señorlláy, salvaykullaway! nispan.

Mateo 8:25

Hinaptinmi discipulonkuna asuykuspa rikchachirqaku: ¡Señorlláy, chinkaykuchkanchikñam, salvawayku! nispanku.

Lucas 4:18

“Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa, wakchakunaman allin noticiata willakamunaypaq, llakisqa sonqoyuqkunata sanoyachimunaypaq, presokuna kacharisqa kanankupaq willamunaypaq, ñawsakunata ñawinta kichamunaypaq, ñakarichisqakunata libramunaypaq,

Deuteronomio 10:21

Qamkunaqa payllatam yupaychankichik, Diosnikichikqa qamkunaraykum hatun manchakuypaq kaqkunata ruwarqa, qawachkaptikichikmi chaykunataqa ruwarqa.

Deuteronomio 32:39

Kayta yachaychik: Ñoqallam Diosqa kani, ñoqamanta hukqa manam kanchu. Ñoqallam wañuchinipas ñoqallataqmi kawsachinipas, ñoqallam kirinipas ñoqallataqmi hampinipas, makiymantaqa manam pipas librakunmanchu.