Jeremías 17:10 - CHUYA QELLQA La Biblia en Quechua de Ayacucho 2012

¹⁰ Ñoqa Tayta Diosllam runakunapa yuyaymanaynintawan sonqontaqa allinta reqsini; chaynapi imam ruwasqankuman hina sapakamaman pagapunaypaq.

Quechua Ayacucho Bible 1987

¹⁰ Ñoqa Tayta Diosllam runakunapa piensasqantaqa yachani. Ñoqa Tayta Diosllam runakunapa sonqontapas pruebani chaynapi kawsasqankuman hina sapakamam paganaypaq, chaynapi rurasqankuman hina sapakamaman paganaypaq.

Chuya Qellqa 1992

¹⁰ Ñoqa Tayta Diosllam runakunapa yuyaymanaynintawan sonqontaqa allinta reqsini; chaynapi imam ruwasqankuman hina sapakamaman pagapunaypaq.

Jeremías 17:10 Iomraidhean Croise

1~Reyes 8:39

hanaq pachapi wasikimanta uyariykamuspa pampachaykuy. Hinaspayá sapakamaman imaynam kawsasqankuman hina pagaykapuy, qamllam llapa runapa son-qontaqa reqsinki.

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

1~Crónicas 29:17

Dios Taytalláy, yachanim runakunapa sonqonta qawasqaykita, sonqomanta ruwaqkunatam qamqa kuyanki, chayraykum allin sonqoywan tukuy kaykunata ofrecemuyki. Kunanmi huñunasqa llaqtaykita qawaykuni, tukuy sonqomanta kusikuywan ofrendanku qosusqaykita.

2~Crónicas 6:30

hanaq pacha yachasqaykimanta uyariykamuspam, pampachaykuspayki imam ruwasqankuman hina qoykapunki, qamllam llapa runakunapa sonqontaqa reqsinki.

Jobwan Sutichasqa Libro 34:11

Diosqa runamanqa pagapun imam ruwasqanman hinam, runamanqa qopun imaynam kawsasqanman hinam.

Proverbios 12:14

Runaqa rimasqankunapa rurunwanmi saksan, makinkunawan ruwasqanmantam pagota chaskikun.

Proverbios 17:3

Crisolpim qollqetaqa chulluchinku, hornopim qoritaqa chulluchinku, Diosñataqmi runapa sonqonta chuyanchan.

Eclesiastés 9:3

Llapa runapa ruwayninpim kay mana allin tarikun: Lliw runapa tukupayninqa hukllam. Runapa sonqonqa mana allin-pa huntasqanmi tarikun, kawsayninpipas mana yachayniyuq kayninmi munaychakun, hinachkaspam wañuypi tukurunqa.

Isaías 59:18

Sapakamamanmi ruwasqankuman hina pagapunqa, enemigonkunatam payqa ñakarichinqa. Cheqniqninkunamanmi payqa kutichipunqa, lamar qochapa patanpi kaqkunamanmi pagapunqa.

Jeremías 11:20

Tukuy Atiyniyuq Dios Taytalláy, qamqa mana pimanpas sayapakuq juezmi kanki, runapa yuyaymanayninkunatawan tukuy sonqontam reqsinki. Paykuna vengakusqaykita qawaykachiway, qanmanmi kay sasachakuyniyta willakamuyki.

Jeremías 12:13

Trigota tarpuspankupas, kichkatam cosecharqaku; yanqapaqmi llamkasqankupas. Ñoqapa sinchi piñakuyniyraykum cosechankupas yanqapaq kanqa.

Jeremías 20:12

Tukuy Atiyniyuq Dios Taytalláy allin ruwaq runakunapa sonqontam reqsinki, runapa yuyaymanaynintam reqsinki, paykunamanta vengakusqaykita qawachiway, qanmanmi kay sasachakuyniykunata willakamuyki.

Jeremías 21:14

Mana allinkuna ruwasqaykichikman hinam castigasqaykichik, sachaykikunata kañaykuptiymi muyuriqnikipi tukuy ima kaqkunatapas ruparunqa. Ñoqa Tayta Diosmi chaynata nini.

Jeremías 23:2

Chayraykum llaqtay michiqkunata Israelpa yupaychasqan Tayta Dios kaynata nin: Qamkunam ovejaykunata cheqerachispa ayqerachinkichik. Manam nanachikurqankichikchu. Chayraykum mana allinkuna ruwasqaykichikmanta castigasqaykichik. Ñoqa Tayta Diosmi chaynata nini.

Jeremías 32:19

Tanteasqaykikunaqa ancha hatunmi, ruwasqaykikunapas ancha atiyniyuqmi. Runakunapa imaynam kawsasqantam qawachkanki, kawsayninkuman hinaspa imam ruwayninkuman hina paganaykipaq.

Ezequiel 11:5

Tayta Diospa Espiritunmi huntaykuwaspan kaynata kamachiwarqa: Tayta Diosmi kaynata nin: Israelpa mirayninkuna, chaykunatam rimarqan-kichik, chaywanpas imam tanteasqaykichiktaqa yachanim.

Ezequiel 14:5

Icharaqpas chaynata ruwaptiy tukuy rikchaq idolokunata qatispa qepanchawasqankumanta wanakunmanku.

Miqueas 7:13

Runakunapa huchanmantam kay pachaqa pasaypaqta chunninqa, runakunapa mana allin ruwasqanmantam kay pachaqa pasaypaqta purmanqa.

Mateo 16:27

Runapa Churinqa Taytanpa atiyninwan huntarisqam angelninkunawan hamunqa, hinaspam sapakamaman imam ruwasqanman hina pagapunqa.

Mateo 6:4

Aswanqa mana pipapas yachasqallantayá ruway, chaynapim pakasqallapi ruwasqaykita rikuq Dios Taytayki premioykita lliwpa qayllanpi qosunki.

Juan 2:25

Manataqmi pitapas necesitarqachu chay runakuna imaynam kasqanmanta willananpaqqa, kikin Jesusmi sapakamapa sonqonta allinta reqsirqa.

Hechos 1:24

Chaymi Diosta mañakuspanku nirqaku: Señorllayku, qamllam reqsinki lliw runapa sonqontaqa. Reqsiykachiwaykuyá kay iskayninmanta mayqantam akllasqaykita.

Romanos 6:21

¿Huchapa munaychakusqanpi kawsaspaqa ima allintataq hurqokurqankichik? Aswanqa wañuyman apakuq kaqkunallatam. Chaykunamantam kunanqa penqakunkichik.

Romanos 8:27

Llapa runakunapa sonqon reqsiq Diosmi yachan Chuya Espiritupa imam nisqanta. Payqa Diospa munasqanman hinam llapallan iñiqkunapaq mañapun.

Apocalipsis 2:23

Wawankutapas wañurachip-tiymi llapallan iglesiakuna yachanqaku yuyaymanayninkutapas chaynataq son-qonkutapas reqsiq kasqayta, sapakamamanmi ruwasqaykichikman hina qosqaykichik.

Apocalipsis 20:12

Chaymantam rikurqani hatunpas, taksapas ñawpaq wañuqkunatapas, paykunaqa Diospa qayllanpim sayachkasqaku, hinaptinmi librokuna kichasqa karqa. Wiñay kawsay libropas kichasqataqmi karqa hinaptinmi chay libropi qellqasqaman hina hinaspa imam ruwasqankuman hina wañusqakuna juzgasqa karqaku.

Apocalipsis 22:12

¡Arí, chayllam hamusaq! Apamuch-kanim premiotapas, chaytaqa sapakamamanmi imam ruwasqankuman hina qosaq.

1~Samuel 16:7

Ichaqa Tayta Diosmi Samuelta nirqa: Amayá sumaq rikchaynintawan sayaynillantachu qawayqa, paytaqa manam munanichu; runapa qawasqanqa manam ñoqapa qawasqay hinachu, runaqa hawallantam qawan, ñoqam ichaqa sonqonta qawani, nispa.