Jeremías 16:7 - CHUYA QELLQA La Biblia en Quechua de Ayacucho 2012

⁷ Wañukuqpa ayllunkunata consuelanankupaqpas manam convidotaqa ruwanqakuchu. Tayta-mamanña wañuptinpas manam consuelanqakuchu.

Quechua Ayacucho Bible 1987

⁷ Wañuchikuqkunata consuelanankupaq mikuytaqa manañam pipas ruranqachu. Chay wañuchikuqkunapa taytanña otaq mamanña wañukuptinpas manam copallatapas qonqakuchu consuelanankupaq.

Chuya Qellqa 1992

⁷ Wañukuqpa ayllunkunata consuelanankupaqpas manam convidotaqa ruwanqakuchu. Tayta-mamanña wañuptinpas manam consuelanqakuchu.

Jeremías 16:7 Iomraidhean Croise

Jobwan Sutichasqa Libro 42:11

Hinaptinmi paninkunapas, wawqenkunapas, lliw reqsiqninkunapas Jobta watukurqaku, hinaspam wasinpi convidota ruwaspanku paywan mikurqaku. Tayta Diospa sasachakuykuna qosqanmantapas llakipayaykuspankum sonqonta tiyachirqaku. Sapakamam qori-qollqetawan huk qori anillota qoykurqaku.

Eclesiastés 4:1

Kay pachata qawarispaymi rikchaqmana ñakarichinakuyta rikurqani: Ñakarichisqakunam waqanku, ichaqa manam pipas consuelaqninku kanchu; atiyniyuqkunam ñakarichinku, manam pipas consuelaqninku kanchu.

Jeremías 22:10

Rey Josiaspa wañusqanmantaqa amaña waqaychikchu, waqaychikqa rey Salum preso apasqa kasqanmantayá, payqa manañam haykapipas kutimunqañachu, nacesqan allpatapas manañam rikunqañachu.

Lamentaciones 1:9

Qachachakusqanpas sutillam pachanpi kachkan, manam musyakurqachu imaynam tukuruytapas, qonqaymantam wichiykun, manam pipas consuelaqnin kanchu. Dios Taytalláy, sasachakuypi kallasqayta qawariway, enemigoypa hatunchakusqanta qawariy.

Ezequiel 24:17

Llakispaqa-llakikuy upallallamanta, paymantaqa ama lutokuychu. Uma wataykitapas ama hurqokuychu, amataq qala chakipas puriychu. Uyaykitapas ama tapakuychu, chayna punchawkunapi mikuna mikuytapas ama mikuychu, nispa.

Oseas 9:4

Tayta Diosmanqa vino ofrendatapas manañam tallinqakuñachu, sacrificio kañasqankupas millakuypaqmi kanqa, ñakariy tantatam mikunqakupas, pipas chayta mikuqqa millakuypaqmi kanqa, kawsanallankupaqñam mikunqakupas, chay mikuyta Tayta Diosman ofreceptinkupas manam chaskinqachu.

Deuteronomio 26:14

Sapaqchasqay diezmokunamantaqa, ima llakipiña kaspaypas chaynataq qanman mana asuykamunaypaq hina kaspaypas manam mikukurqanichu, manataqmi wañuqkunamanpas ofrecerqanichu. Yupaychasqay Dios Taytalláy, tukuy kamachiwasqaykita kasukuspaymi ruwarqani.