Jeremías 16:6 - CHUYA QELLQA La Biblia en Quechua de Ayacucho 2012

⁶ Warmakunawan yuyayniyuqkunam kay nacionpi wañunqa, manam pipas paykunataqa pampanqachu nitaqmi waqanqakuchu, cuerponkutapas manam kuchukunqakuchu nitaqmi chukchankutapas rutukunqakuchu.

Quechua Ayacucho Bible 1987

⁶ Warmakunawan yuyayniyoqkunam kay nacionpi wañunqaku ichaqa manam pipas paykunata pampanqachu. Paykunamanta waqaspankuqa manam cuerponkutapas kuchukunqakuchu nitaqmi chukchankutapas rutukunqakuchu.

Chuya Qellqa 1992

⁶ Warmakunawan yuyayniyuqkunam kay nacionpi wañunqa, manam pipas paykunataqa pampanqachu nitaqmi waqanqakuchu, cuerponkutapas manam kuchukunqakuchu nitaqmi chukchankutapas rutukunqakuchu.

Jeremías 16:6 Iomraidhean Croise

2~Crónicas 36:17

Paykunapa contranpim Caldea nacionpa reyninta Tayta Dios kachamurqa, hinaptinmi jovenkunata espadawan templo ukupi wañurachirqa, sipaskunatawan yuyaqkunata hinaspa eqoyasqakunatapas manam llakipayarqachu. Llapallankutam paypa makinman Tayta Dios churaykurqa.

Isaías 22:12

Chayraykum Tukuy Atiyniyuq Tayta Dios chay punchawpi qayasurqankichik, umaykichikta rutukuruspa luto pachawan pachakuspa waqanaykichikpaq.

Isaías 24:2

Runakunatawan sacerdotekunatapas, criadontawan patronnintapas, criadantawan patronantapas, rantiqnintawan rantikuqtapas, prestakuqtawan prestaqnintapas, lliwtam cheqechinqa.

Jeremías 13:13

Chaymi qamñataq ninki: Ñoqa Tayta Diosmi kaynata nini: Kay nacionpi yachaqkunatam pasaypaqta sinkarachisaq. Sinkachisaqtaqmi rey Davidpa mirayninmanta kamachikuqkunatapas, sacerdotekunatapas, profetakunatapas hinaspa Jerusalén llaqtapi yachaqkunatapas.

Jeremías 16:4

Paykunaqa ñakarichikuq onqoykunawanmi wañunqaku, paykunamantaqa manam pipas waqanqachu nitaqmi pipas pampanqachu. Hatun ispay hinam pampapi wischurayanqaku. Guerrawan yarqaywanmi paykunataqa tukurunqa, ayankutapas alton pawaq animalkunawan purun animalkunam mikunqa, nispa.

Jeremías 41:5

Siquemmanta, Silo-manta hinaspa Samariamanta pusaq chunka runakuna chayaramurqaku, barbankupas rutukusqa, pachankupas llikipasqa chaynataq cuerponkupas kuchupasqa. Paykunam apamurqaku kawsaykunatawan inciensota Tayta Diospa templonpi ofrecenankupaq.

Jeremías 47:5

Gaza llaqtayuqkunam chukchankuta rutukurunku, Ascalón llaqtayuqkunam manchakuymanta mana rimaqña rikurirunku. Pampa lawkunapi puchuqkuna ¿haykapikamataq aychaykichikta kuchupakunkichik?

Jeremías 48:37

Lliw runapa umanmi paqlayachisqa kachkan, lliw runapa barbanmi rutusqa kachkan, llapallankum makinkuta ikipakurunku, llapallankum qachqa pachawan churakurunku.

Jeremías 7:29

¡Jerusalén llaqta, chukchaykita rutukuspa wischuy, chunniq orqokunapi waqamuy! Tayta Diosmi runaykikunapaq piñasqa kachkan, miraynikikunatam qepancharuspa saqerun.

Jeremías 8:2

Chay tullukunam intiman, kullaman, chaynataq chaskakunamanpas machqepasqa kanqa; chaykunatam paykuna kuyarqaku, servirqaku, qatirqaku, tapukurqaku hinaspa hatuncharqaku. Chay tullukunataqa manam pipas huñunqachu nitaq pampanqachu, wanu hinañam allpa hawanpi qepanqa.

Levítico 19:27

Amam umaykichikpa muyuriqninpi chukchaykichiktaqa rutukunkichikchu, barbaykichikpa puntankunatapas amataqmi kaptankichikchu.

Levítico 19:28

Pipas wañuruptinqa amam aychaykita kuchupakunkichu, amataqmi mana chinkaq marcakunataqa aychaykipipas ruwachikunkichu. Ñoqaqa Tayta Diosmi kani.

Amós 6:11

Tayta Dios kamachiptinmi hatun sumaq wasikunatapas tuñirachinqaku, taksan wasikunatañataqmi purmarachinqaku, lliwtam ñuturunqaku.

Mateo 9:23

Chay kamachikuqpa wasinman Jesús chayaruspanmi, qena tocaqkunatawan llapa runakunata chaqwakuchkaqta tariykurqa.

Deuteronomio 14:1

Qamkunaqa Señornikichik Tay-ta Diospa churinkunam kankichik. Pipas wañuruptinqa amam cuerpoykichiktaqa kuchukunkichikchu nitaqmi umaykichiktapas kachiy-kachiytaqa rutukunkichikchu.

Apocalipsis 20:12

Chaymantam rikurqani hatunpas, taksapas ñawpaq wañuqkunatapas, paykunaqa Diospa qayllanpim sayachkasqaku, hinaptinmi librokuna kichasqa karqa. Wiñay kawsay libropas kichasqataqmi karqa hinaptinmi chay libropi qellqasqaman hina hinaspa imam ruwasqankuman hina wañusqakuna juzgasqa karqaku.

Apocalipsis 6:15

Kay pachapi hatun kamachikuqkunapas hatunchakuqkunapas, apukunapas, capitankunapas, atiyniyuqkunapas, esclavokunapas chaynataq libre kaqkunapas machaykunapim, orqokunapim hinaspa qaqakunapa chawpinpim pakakururqaku.