Jeremías 16:5 - CHUYA QELLQA La Biblia en Quechua de Ayacucho 2012

⁵ Tayta Diosqa kaytapas niwarqataqmi: Wañuqpa wasinmanqa amam yaykunkichu, amam waqaysinkichu nitaqmi llakiysinkichu. Kay llaqtamantam qechuruni, hawkayay, kuyakuy hinaspa llakipayakuy qosqayta. Ñoqa Tayta Diosmi chaynata nini.

Quechua Ayacucho Bible 1987

⁵ Tayta Diosqa niwarqataqmi: —Wañuchikuqpa wasinmanqa amam yaykunkichu. Amam waqaysinkichu nitaqmi llakiysinkichu. Kay runakunamantaqa qechuruniñam hawkayay qosqayta. Manañam paykunamantaqa kuyapayarikunichu nitaqmi llakipayarikunichu. Ñoqa Tayta Diosmi chaynata nini.

Chuya Qellqa 1992

⁵ Tayta Diosqa kaytapas niwarqataqmi: Wañuqpa wasinmanqa amam yaykunkichu, amam waqaysinkichu nitaqmi llakiysinkichu. Kay llaqtamantam qechuruni, hawkayay, kuyakuy hinaspa llakipayakuy qosqayta. Ñoqa Tayta Diosmi chaynata nini.

Jeremías 16:5 Iomraidhean Croise

Isaías 27:11

Sachapa kallmanpas chakiruspaqa pakirunmi, warmikunam chaykunata huñuruspa ninata ratachinku. Mana yachayniyuqmi kay llaqtaqa, chayraykum unanchaqninpas mana llakipayanqachu, nitaqmi paykunataqa kuyapayanqachu.

Jeremías 12:12

Tukuy chunniq orqonkunatam tuñichikuq runakuna hamurqaku, Ñoqa Tayta Diosmi kay pachata kuchun-kuchun tukusaq, manam pipaqpas hawkayay kanqachu.

Jeremías 13:14

Hinaspaymi urpukunata takanachispa pakichkaq hina taytantawan churinta takanachisaq. Manam pampachasaqchu, nitaqmi llakipayasaqchu, paykunata wañuchispayqa manam kuyapayasaqchu, nispa. Ñoqa Tayta Diosmi chaynata nini.

Jeremías 16:13

Chayraykum kay nacionmanta wis-chusqaykichik, qamkunapapas nitaq taytaykichikkunapapas mana reqsisqan nacionman. Chaypim huk dioskunataña tuta punchaw servimunkichik. Qamkunataqa manam llakipayasqaykichikchu, nispa.

Lamentaciones 3:17

Sonqoymantam hawkayay karunchakurun, kusikuy kawsaytapas manañam tariniñachu.

Zacarías 8:10

Kay punchawkunakamaqa, runakunapas, uywakunapas, manam pagota chaskirqakuchu, enemigonkuraykum runakunapas hawkaqa mana puririyta atirqakuchu; runakunatapas runamasinpa contranpim churarurqani.

Deuteronomio 31:17

Hinaptinmi contrankupi piñakuruspay paykunata saqerusaq. Qepancharuptiymi puchukaytaña qallaykunqaku. Chaymi hatun sasachakuypi hinaspa hatun ñakariypi kaspa ninqaku: “Kay ñakariykunaqa hamuruwanchik Tayta Dios manaña ñoqanchikwan kasqanraykum”, nispanku.

Apocalipsis 6:4

Hinaptinmi lloqsiramurqa huknin caballo, chay caballoqa kasqa pukam. Sillakuqninmanmi atiyta qoykurqaku kay pachamanta hawkayayta qechunanpaq, chaynapi llapa runakuna kikinkupura wañuchinakunankupaq. Qorqakutaqmi hatun espadatapas.