Jeremías 16:4 - CHUYA QELLQA La Biblia en Quechua de Ayacucho 2012

⁴ Paykunaqa ñakarichikuq onqoykunawanmi wañunqaku, paykunamantaqa manam pipas waqanqachu nitaqmi pipas pampanqachu. Hatun ispay hinam pampapi wischurayanqaku. Guerrawan yarqaywanmi paykunataqa tukurunqa, ayankutapas alton pawaq animalkunawan purun animalkunam mikunqa, nispa.

Quechua Ayacucho Bible 1987

⁴ Paykunaqa ñakarichikuq onqoykunawanmi wañunqaku. Paykunamantaqa manam pipas waqanqachu nitaqmi pipas pampanqachu. Wanu hinam paykunaqa pampapi wischurayanqaku. Guerrawan, yarqaywanmi paykunaqa tukurunqa. Alton pawaq animalkunawan purun animalkunam ayankutapas mikunqa —nispa.

Chuya Qellqa 1992

⁴ Paykunaqa ñakarichikuq onqoykunawanmi wañunqaku, paykunamantaqa manam pipas waqanqachu nitaqmi pipas pampanqachu. Hatun ispay hinam pampapi wischurayanqaku. Guerrawan yarqaywanmi paykunataqa tukurunqa, ayankutapas alton pawaq animalkunawan purun animalkunam mikunqa, nispa.

Jeremías 16:4 Iomraidhean Croise

2~Reyes 9:10

Jezabeltapas Jezreel chakrapim allqokuna mikunqa, manam pampaqninpas kanqachu”, nispa. Chaynata niykuspanmi chay joven profeta punkuta kichaykuspan lluptikurqa.

Isaías 18:6

Chaynatam ullachkukunapaq orqokunapi saqerunqa, purunpi animalkunapaqmi saqerunqa. Chiraw tiempopim pawaq animalkuna chaykunata mikunqa, poqoy tiempopim purun animalkuna chaykunata mikunqa, nispa.

Isaías 5:25

Chayraykum Diosqa llaqtanpaq llumpayta piñakurqa, makinwanmi wañuyman qaraykurqa, chay ruwasqanwanqa orqokunapas katkatatarqam, ayakunapas callekunapim chuta-chuta mana pipa hoqarisqan karqa. Chaywanpas Señorpa piñakuyninqa manam taninchu, chayllam kachkan castigananpaq.

Jeremías 19:7

Kay qechwapim Judá nacionpi runakunapa chaynataq Jerusalén llaqtayuq runakunapa rimanakusqankuta yanqachasaq. Enemigonkuman qoykuptiymi guerrapi wañunqaku, hinaptinmi ayankutapas alton pawaq animalkunawan purun animalkunaña mikunqaku.

Jeremías 21:6

Kay llaqtapi yachaq runakunatawan animalkunatam mancharikuypaq peste onqoywan wañurachisaq.

Jeremías 25:33

Chay punchawpi Tayta Diospa wañuchisqankunam kay pachapa cantonmanta huknin cantonkama wischurayanqaku, paykunamantaqa manam pipas aya takita takinqakuchu, ayankutapas manam pipas hoqarinqakuchu nitaqmi pampanqakuchu, paykunaqa hatun ispay hinam pampapi wischurayanqaku.

Jeremías 34:17

Chayraykum ñoqa Tayta Dios kaynata nini: Qamkunaqa aylluykichikkunata libretaña mana kacharispam mana kasuwarqankichikchu, chayraykum ñoqapas qamkunapa contraykichikpi guerrata, peste onqoyta hinaspa yarqayta kacharimusaq, kay pachapi nacionkunapas manchakuymanta katkatatanankama.

Jeremías 34:20

Chayraykum paykunataqa enemigonkumanña qoykusaq wañuchisqa kanankupaq. Ayankutapas alton pawaq animalkunawan purun animalkunam mikunqa.

Jeremías 36:30

Chayraykum ñoqa Tayta Dios kaynata niki: Judá nacionpa reynin Joacim, miraynikimantaqa manam pipas kanqachu rey Davidpa rantinpi munaychakuqqa. Ayaykipas punchaw rupaypi hinaspa tuta qasapim wischurayanqa.

Jeremías 44:12

Judá nacionpi qeparuspa kay Egipto nacionman yachanaykichikpaq hamuqkunapas, kay Egipto nacionpim llapallaykichik tukusqa kankichik. Llapallaykichikmi uchuy-hatun gue-rrawan, yarqaywan wañunkichik, hinaspam runakunapa ñakasqan, insultasqan hinaspa penqayman churasqan kankichik.

Jeremías 44:27

Ichaqa chayllam kachkani sasa-chakuyta qamkunaman kacharimunay-paq, manañam yanapasqaykichikchu. Judamanta hamuspa Egiptopi yachaq-kunam pasaypaq tukunaykichikkama guerrawan hinaspa yarqaywan wañunkichik.

Jeremías 7:33

Kay runakunapa ayantam alton pawaq animalkunawan purun animalkunaña mikunqaku, manam pipas amachaq kanqachu.

Jeremías 9:22

Runakunapa ayanmi hatun ispay hina chakrakunapi wischurayachkan, rutuqkunapa qepanpi gavillakuna hinam wischurayachkan, manam pipas hoqariq kanchu. Ñoqa Tayta Diosmi chaynata nini.

Lamentaciones 4:9

Yarqaymanta wañuqkunamantaqa guerrapi wañuqkunaraqmi aswan allinqa, kaykunaqa mikunankupaq kawsay manaña kaptinmi allimanta wañurqaku.

Ezequiel 24:21

Israelpa mirayninkunata kaynata niy: Ñoqa Tayta Diosmi kaynata nini: Qamkunapa anchallaña kuyasqaykichik hinaspa qawapayanaykichik temploytam millakuypaqta ruwarusaq. Chay templom qamkunapa kallpaykichik hinaspa hatunchakunaykichik karqa. Jerusalenpi saqemusqaykichik wawa-churikichikpas wañuchisqam kanqaku.

Ezequiel 5:12

Qamkuna-manta kimsaman rakisqapa hukninmi peste onqoywan hinaspa yarqaywan llaqta ukupi wañunqaku. Huknin rakiñataqmi espadawan llaqtapa muyuriqninpi wañuchisqa kanqaku. Chaymanta puchuqkunatañataqmi tukuy hinastinman cheqerachisaq. Ñoqaqa espada makintinmi paykunata qatikachasaq.

Sofonías 1:17

Chay punchawpim runakunata ñakarichisaq, Tayta Diospa contranpi huchallikusqankuraykum ñawsa hinaña purinqaku. Yawarninkupas ñutu allpa hinam pampaman tallikunqa, aychankuñataqmi hatun ispay hina montorayanqa.

Deuteronomio 28:22

Ka-chaykamunqataqmi tisis onqoytapas, ñakarichikuq calenturatapas, punkipakuytapas, sinchi rupaytapas, usyaytapas chaynataq tarpukuynikichikpaq onqoy-kunatapas; chaykunam kay pachamanta chinkanayki punchawkama kanqa.

Deuteronomio 28:26

Ullachkukunawan purun animalkuna ayaykichikta mikuptinpas manam pipas manchachinqachu.