Jeremías 16:18 - CHUYA QELLQA La Biblia en Quechua de Ayacucho 2012

¹⁸ Puntataqa mana allinkunata ruwaspa huchallikusqankumantam mirayniyuqta pagapusaq. Paykunaqa wañusqa idolokunawanmi allpayta millakuypaqta ruwarunku, millakuypaqta huchallikusqankuwanmi herenciankupaq qosqay allpata qanracharunku, nispay.

Quechua Ayacucho Bible 1987

¹⁸ Puntataqa mana allinkuna rurasqankumantawan huchallikusqankumantam dobleta pagasaq. Paykunaqa wañusqa hina millakuypaq taytacha-mamachankuwanmi manaña asuykunaypaq hina allpayta rurarqaku, millakuypaq kaqkunawantaqmi huntachirqaku herenciankupaq qosqay allpatapas.

Chuya Qellqa 1992

¹⁸ Puntataqa mana allinkunata ruwaspa huchallikusqankumantam mirayniyuqta pagapusaq. Paykunaqa wañusqa idolokunawanmi allpayta millakuypaqta ruwarunku, millakuypaqta huchallikusqankuwanmi herenciankupaq qosqay allpata qanracharunku, nispay.

Jeremías 16:18 Iomraidhean Croise

Isaías 24:5

Kay pachatam llapa runa millakuypaqta ruwarunku, kamachikuykunata mana kasukuspanku, allin ruwayta saqeruspanku, wiña-wiñaypaq pacto ruwasqankuta saqeruspanku.

Isaías 40:2

Jerusalenpi runaykunata kuyakuywan rimapayaychik, huchankuta Tayta Dios pampachasqantaña, huchankurayku criado kaspa ñakariyninku tukurusqantaña, qaparispa paykunaman willaychik.

Isaías 61:7

Hatun penqaypi kasqaykichikpa rantinpim, usuchisqa kasqaykichikpa rantinpim, herenciaykichikpiña kusikuymanta qaparinkichik; chayraykum allpaykichikpi achka-achka kapuqniyuq kankichik, hinaspam wiñaypaq kusikunkichik.

Isaías 65:6

Tukuy kaykunaqa qayllaypim qellqasqa kachkan, manam qasillallachu kasaq, ruwasqankuman hinam paykunamanqa kutichipusaq.

Isaías 65:7

Mana allinkuna ruwasqaykichikmantam, ñawpaq taytaykichikkunapas orqokunapi inciensota kañaspa piñachiwasqankumantam, pagapusqaykichik, nispa.

Jeremías 17:18

Qatikachawaqniykuna penqaypi tarikuchunku, amayá ñoqachu; paykunayá manchakuypiqa kachunku, amayá ñoqachu; sasachakuy punchaw paykunaman chayachun paykunatayá pasaypaqta chinkarachiy.

Jeremías 2:7

Tukuy imakunapa wiñanan allpamanmi pusamurqaykichik, chay allpapa allinnin rurunta mikukunaykichikpaqmi pusamurqaykichik; qamkunam ichaqa yaykuruspa qachacharunkichik, allpaytam millakuypaqta ruwarunkichik.

Jeremías 3:9

Israelqa chay huchallikusqanta mana kaqpaqpas hapispanmi llaqtata qachacharurqa. Hukwan pierdekuq warmi hinam rumikunatawan sachakunata adorarqa.

Jeremías 44:4

Serviqniy profetakunata kachamuspaymi ñataq-ñataq willachirqaykichik, ñoqapa cheqnisqay chaynataq millakusqay kaqkunata ama ruwanaykichikpaq.

Jeremías 7:30

Tayta Diosmi kaynata nin: Judapa mirayninkunam mana munasqay kaqkunata ruwarunku. Ñoqapa temploypim millakuypaq idolokunata churarunku, chaykunawanmi qachacharunku.

Ezequiel 11:18

Paykunam llaqtankuman kutispanku llapallan cheqnisqay kaqkunata hinaspa llapallan millakuypaq kaqkunata chinkachinqaku.

Ezequiel 11:21

Cheqnisqay idolokunata qatispa millakuypaq kaqkuna ruwaqkunatam ichaqa, imaynam kawsasqankumanta cuentata mañasaq. Ñoqa Tayta Diosmi chaynata nini.

Ezequiel 36:18

Chayraykum chay nacionta yawarta chaqchuspanku idolokunawan millakuypaqta ruwasqankumanta llumpay piñakuyniywan castigarqani.

Ezequiel 5:11

Ñoqa Tayta Diosmi kikiyrayku jurani: Qamkunam cheqnisqay idolokunawan temployta millakuypaqta ruwarqankichik, chayraykum qamkunatapas mana llakipayarispay ñakarichisqaykichik, manañam kuyapayasqaykichikñachu.

Oseas 9:7

¡Castigasqa kananku punchawqa ñam chayaramunña! ¡Pagasqa kananku punchawqa ñam chayaramunña! Chaykunataqa Israelpa mirayninkunaqa ñam yachankuña. Qamkunaqa ninkichik: “Profetaqa mana yachayniyuqmi nispam”. “Espiritupa yanapakuyninwan rimaqtapas locopaqmi hapinkichik”. Huchapa intusqan kasqaykichikraykum chaykunataqa rimankichik, llumpay cheqnikuq kasqaykichikraykum chaynataqa tanteankichik.

Levítico 26:30

Idoloykichikkunapa capi-llankunatapas tuñirachisaqmi, incienso kañana altarnikichikkunatapas paki-parusaqmi, ayaykichiktapas idoloykichikkunapa hawanmanmi montorusaq.

Miqueas 2:10

Hatarispa kaymanta pasaychik, kayqa manam samana lugarñachu; anchata qanrachakurusqanraykum pasaypaq chinkachisqa kanqa.

Apocalipsis 18:6

Paykunamanqa qosqankuman hina kutichipuychik, ruwasqankuman hina huk chaynatawan pagapuychik, upyachisqanman hina huk chaynatawan upyachiychik.