Jeremías 15:6 - CHUYA QELLQA La Biblia en Quechua de Ayacucho 2012

⁶ Ñoqa Tayta Diostam saqeruwarqanki, ñoqatam qepanchakuruwarqanki; chayraykum contraykipi makiyta hoqarispay chinkarachisqayki, llakipayaytapas amiruykiñam.

Quechua Ayacucho Bible 1987

⁶ Ñoqa Tayta Diostam saqeruwarqanki. Qamqa qepamanmi kutirikurqanki. Chayraykum contraykipi makiyta hoqarispay castigasqayki. Llakipayayta amiruspaymi chinkarachisqayki.

Chuya Qellqa 1992

⁶ Ñoqa Tayta Diostam saqeruwarqanki, ñoqatam qepanchakuruwarqanki; chayraykum contraykipi makiyta hoqarispay chinkarachisqayki, llakipayaytapas amiruykiñam.

Jeremías 15:6 Iomraidhean Croise

Isaías 1:4

¡Ay, huchasapa runakuna imaynaraq kankichik! mana allin ruwaykunawan intusqa runakuna, mana allinlla ruwaq miraykuna, mana penqakuq churikuna. Tayta Diosmantam karunchakurunkichik, Israelpa Chuya Diosnintam piñarachinkichik, hinaspam qepancharunkichik.

Isaías 28:13

Chayraykum Tayta Dios paykunata rimapayanqa, chayllaraq leey yachaq warmachakunata hina: Kay kamachikuyta yachaychik, asllatapas ruwaychik, kay kamachikuyta kasukuychik, as-asllamanta, chulla-chullallamanta, kaypi asllata, wakpi asllata; purisqankupi wasanpa wichinankukama, heridasqa kaspa, toqllaman wichispa, preso kanankukama, nispa.

Isaías 31:3

Egiptopi kaqkunaqa runakunallam, manam dioskunachu; caballonkupas aychallam, manam espirituchu; Tayta Diosmi paykunata atiyninwan ñakarichinqa, yanapaqtapas yanapachikuqtapas kuskata. Chaynapim paykunaqa lliw chinkarunqaku.

Jeremías 1:16

Kay castigotam llaqtayman apamusaq mana allinkunata ruwaspa saqeruwasqankumanta, sapaq dioskunapaqña inciensota kañapusqankumanta, kikinkupa ruwasqankutaña hatunchasqankumanta.

Jeremías 13:14

Hinaspaymi urpukunata takanachispa pakichkaq hina taytantawan churinta takanachisaq. Manam pampachasaqchu, nitaqmi llakipayasaqchu, paykunata wañuchispayqa manam kuyapayasaqchu, nispa. Ñoqa Tayta Diosmi chaynata nini.

Jeremías 2:13

Llaqtaymi iskay mana allin huchata ruwarun: Kawsachiqninku yaku kachkaptiypas saqeruwankum kikinkuñam pozonkuta toqokurunku, yakuta mana takyachiq raqra pozokunatañam ruwakurunku.

Jeremías 2:17

Ñoqa Tayta Diosta saqeruwasqaykichikraykum, allin ñanninta pusamusuqnikichikta saqeruwasqaykichikraykum, kaykunaqa pasasurqankichik.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 20:9

Chayraykum nirqani: Tayta Diostaqa qonqarusaqña, sutintapas amaña rimasaqñachu, nispay. Ichaqa palabraykim nina hinaraq sonqoypi ruparirqa, nina hinaraqmi tulluykunatapas ruparirqa. Amaña rimasaqñachu nispam nirqani, ichaqa manam upallayta atinichu.

Jeremías 44:22

Mana allinkuna ruwasqaykichiktawan millakuypaq ruwasqaykichiktam Tayta Diosqa manaña aguantayta atirqachu. Chayraykum nacionnikichikqa purmasqa manaña runayuq kunan punchawkama chunnichkan.

Jeremías 6:11

Dios Taytalláy, qampa piñakuynikiwanmi huntasqa kachkani, manañam aguantayta atiniñachu, nispay. Hinaptinmi Tayta Dios niwarqa: Callepi warmakunaman, tropanpi jovenkunaman, piñakuynikita chaqchumuy. Warmikunam qosankuwan kuska presochasqa kanqaku, yuyaqkunawan ancha yuyaqkunam preso apasqa kanqaku.

Jeremías 6:12

Wasinkuwan chakrankupas hukpaqñam kanqa, warminkupas hukpaqñam kanqa. Kay nacionpi yachaqkunata castigaptiymi chaynaqa kanqa.

Jeremías 6:19

Allpa pacha, qampas uyariy: Tukuy mana allinkunata piensasqankumantam runaykunaman ñakariyta kachamusaq. Paykunaqa manam rimapayasqaytapas kasukurqakuchu, kamachikuyniykunatapas wischupakurqakum.

Jeremías 7:16

Yaw, Jeremías, amañayá kay runakunapaqqa mañakuwayñachu nitaq qaparispa qayakamuwayñachu amaña ruegawaychu. Manam uyarisqaykichu.

Jeremías 7:24

Ichaqa mana kasu-kuspankum mana kaqpaqpas hapirqa-kuchu, aswanraqmi sonqonkupa munas-qanta ruwaspa tukuy mana allinku-nata ruwarqaku. Ñoqaman kutirikamunanku kachkaptinpas aswanraqmi karunchakururqaku.

Jeremías 8:5

Chaynaqa, Israel runakuna, ¿imanasqataq ñoqamantaqa karunchakurunkichik? Jerusalenpi runakuna, ¿imanasqataq pasaypaqta qepancharuwankichik? Pantaynikichikman hapipakuruspam kutirikamuwayta mana munankichikchu.

Jeremías 8:9

Yachaysapakunam penqayman churasqa kanqaku, toqllapa hapisqan animal hinam mancharikunqaku, Tayta Diospa Chuya siminta qepancharuptinkuqa, ¿maypitaq kachkan yachaysapa kayninkuqa?

Ezequiel 14:9

Sichum hukkaqnin profeta engañarachikuspa llullata rimaptinqa, paytaqa ñoqam pantarachini; chaynaqa castigaspaymi paytapas llaqtaypa chawpinmanta chinkarachisaq.

Ezequiel 25:7

Chayraykum atiyniywan castigaspa huklaw nacionkunaman qoykusqaykichik, paykunam tukuy imaykichikta qechusunkichik. Qamkunataqa sachata kuchuchkaq hinam nacionkunapa chawpinmanta chinkarachisqaykichik. Pasaypaqta purmarachiptiymi Tayta Dios kasqayta yachankichik.

Ezequiel 35:3

Seir orqo, contraykipim kachkani, atiyniywanmi castigasqayki, purmarachispaymi chunnirachisqayki.

Oseas 11:7

Llaqtayqa hinallaraqmi ñoqamanta karunchasqa kachkan, chayraykum qayakamuwaptinpas mana uyarisaqchu.

Oseas 13:14

¿Sepulturapa atiyninmantachu librasqaykichik? ¿Wañuypa makinmantachu qechusqaykichik? Yaw wañuy, ¿maytaq wañuchiq peste onqoynikikuna? Yaw sepultura, ¿maytaq chinkachinaykipaq atiyniki? Kay llaqtata chinkachiy, manam llakipayaymanñachu.

Oseas 4:16

Israelpa mirayninkuqa, qamkunaqa manaraq mansasqa loca vaquilla hinam kankichik, chaynaqa, ¿imaynataq Tayta Diospas ovejakunata hina sumaq pastopiraq michisunkichikman?

Sofonías 1:4

Judá nacionpi runakunapa contranpim, Jerusalenpi yachaqkunapa contranpim, makiyta hoqarisaq. Kay sitiomantam Baal sutiyuq idolota yupaychaqnin sacerdotekunatawan kuskata pasaypaqta chinkachisaq.

Zacarías 7:11

Qamkunam ichaqa uyariyta mana munarqankichikchu, aswanraqmi mana kasukuspaykichik mana uyariqpas tukurqankichikchu.