Jeremías 15:5 - CHUYA QELLQA La Biblia en Quechua de Ayacucho 2012

⁵ Jerusalén llaqta, ¿pitaq qanmanta llakipayarikunqa? ¿Pitaq qanmanta waqanqa? ¿Pitaq qanmanta “hawkallachu kachkan” nispa tapurikunqa?

Quechua Ayacucho Bible 1987

⁵ Yaw Jerusalen llaqta ¿piraq qanmanta llakipayarikunqa? ¿Piraq qanmanta aynananaspa waqanqa? ¿Piraq “Hawkallachu” nispa tapurikunqa?

Chuya Qellqa 1992

⁵ Jerusalén llaqta, ¿pitaq qanmanta llakipayarikunqa? ¿Pitaq qanmanta waqanqa? ¿Pitaq qanmanta “hawkallachu kachkan” nispa tapurikunqa?

Jeremías 15:5 Iomraidhean Croise

Jobwan Sutichasqa Libro 19:21

Amigollaykuna ñoqallayta llakipayariykuwaychik Diospa piñakuyninmi wichiykullawan.

Éxodo 18:7

Chaymi suegronman Moisés taripaykuspan qonqoranpa kumuykurqa, hinaspam muchaykurqa. Chaymantam imaynam kasqankumanta tapunakuspanku carpaman yaykurqaku.

Isaías 51:19

Kay iskay sasachakuymi hayparamusunki: Guerrawan purmachisqa kaspa yarqaymanta ñakariy. ¿Pitaq llakipayasunkiman? ¿Pitaq hawkayayta qosunkiman?

Jeremías 13:14

Hinaspaymi urpukunata takanachispa pakichkaq hina taytantawan churinta takanachisaq. Manam pampachasaqchu, nitaqmi llakipayasaqchu, paykunata wañuchispayqa manam kuyapayasaqchu, nispa. Ñoqa Tayta Diosmi chaynata nini.

Jeremías 16:5

Tayta Diosqa kaytapas niwarqataqmi: Wañuqpa wasinmanqa amam yaykunkichu, amam waqaysinkichu nitaqmi llakiysinkichu. Kay llaqtamantam qechuruni, hawkayay, kuyakuy hinaspa llakipayakuy qosqayta. Ñoqa Tayta Diosmi chaynata nini.

Jeremías 21:7

Chaymantam Judá nacionpa reynin Sedequiastapas, serviqninkunatapas, llaqta runakunatapas chaynataq peste onqoywan, guerrawan, yarqaywan wañunankumanta puchuqkunatapas, Babilonia nacionpa reynin Nabucodonosorman hinaspa wakin enemigonkunaman qoykusaq, hinaptinmi mana llakipayarispa wañuchinqaku. Ñoqa Tayta Diosmi chaynata nini.

Lamentaciones 1:17

Sión llaqtam qayakuspan makinkunata haywarin, ichaqa manam pipas consuelaqnin kanchu; Tayta Diosmi kamachikurqa, Jacobta enemigonkuna muyurirunanpaq; Jerusalenmi qayllankupi millakuypaq rikurirqa.

Nahúm 3:7

Lliw rikusuqnikikunam qanmanta ayqerikuspa ninqaku: “Nínive llaqtam purmarun, ¿pitaq payta llakipayanman? ¿Maypitaq consuelaqnin tarikunman?” nispanku.

Jueces 18:15

Chaymi Leví casta jovenpa wasinman otaq Micaiapa wasinman yaykuruspanku nirqaku: ¿Imaynallataq kachkanki? nispanku.

1~Samuel 10:4

Paykunam rimaykususpayki iskay tantata qosunki. Chaytaqa chaskikunkim.

1~Samuel 17:22

Davidñataqmi taytanpa apachisqanta armakuna nanachikuq runaman saqekuykuspan tropakunapa kasqanman yaykururqa, hinaspam wawqenkuna imaynam tarikusqankumanta tapurqa.

1~Samuel 25:5

Chaymi chunka runankunata kacharqa kaynata nispa: Carmel llaqtaman rispa ñoqapa sutiypi Nabalta saludaykamuychik.