Jeremías 15:4 - CHUYA QELLQA La Biblia en Quechua de Ayacucho 2012

⁴ Ezequiaspa churin rey Manasespa Jerusalén llaqtapi mana allinkunata ruwasqanrayku paykunata castigaptiymi, kay pachapi llapallan nacionkunapas manchakuymanta katkatatanqaku.

Quechua Ayacucho Bible 1987

⁴ Ezequiaspa churin Rey Manasespa otaq Juda nacion reypa Jerusalen llaqtapi imam rurasqanraykum kay pachapi llapallan nacionkunata katkatatachisaq.

Chuya Qellqa 1992

⁴ Ezequiaspa churin rey Manasespa Jerusalén llaqtapi mana allinkunata ruwasqanrayku paykunata castigaptiymi, kay pachapi llapallan nacionkunapas manchakuymanta katkatatanqaku.

Jeremías 15:4 Iomraidhean Croise

2~Reyes 21:1

Chunka iskayniyuq watanpim Manasés munaychakuyta qallaykurqa, pichqa chunka pichqayuq watam Jerusalén llaqtapi munaychakurqa. Mamanpa sutinmi karqa Hepsiba.

2~Reyes 21:15

Chaynataqa ruwasaq, qayllaypi tukuy mana allinkunata ruwasqankuraykum. Paykunaqa Egipto nacionmanta ñawpaq taytankupa lloqsimusqanku punchawmantapunim kunankama piñachiwarqaku”, nispa.

2~Reyes 21:2

Payqa Tayta Diospa qayllanpim mana allinkunata ruwarqa. Israelpa mirayninkunapa qayllanmanta Tayta Diospa qarqosqan runakunapa millakuypaq ruwasqankunata hina ruwaspam huchallikurqa.

2~Crónicas 33:1

Manasesqa chunka iskayniyuq watanpim munaychakuyta qallaykurqa. Jerusalén llaqtapim pichqa chunka pichqayuq wata munaychakurqa.

2~Crónicas 33:2

Payqa Tayta Diospa qayllanpim mana allinkunata ruwarqa. Israelpa mirayninkunapa qayllanmanta Tayta Diospa qarqosqan runakunapa millakuypaq ruwasqankunatam ruwarqa.

Jeremías 24:9

Paykunataqa sasachakuymanmi churasaq kay pachapi nacionkunapas mancharikunankama. Maylaw llaqtamanpas qarqosqaypim, burlakusqa, asipayasqa, ñakasqa chaynataq penqayman churasqa kanqaku.

Jeremías 29:18

Guerrawan, yarqaywan hinaspa peste onqoywanmi paykunataqa ñakarichisaq. Kay pachapi llapallan nacionkunapapas manchakuspa katkatatanantam paykunataqa ruwarusaq. Cheqechisqay nacionkunapim paykunaqa ñakasqa, burlakusqa, penqayman churasqa hinaspa asipayasqa kanqaku.

Jeremías 34:17

Chayraykum ñoqa Tayta Dios kaynata nini: Qamkunaqa aylluykichikkunata libretaña mana kacharispam mana kasuwarqankichikchu, chayraykum ñoqapas qamkunapa contraykichikpi guerrata, peste onqoyta hinaspa yarqayta kacharimusaq, kay pachapi nacionkunapas manchakuymanta katkatatanankama.

Jeremías 9:16

Taytankupapas kikinkupapas mana reqsisqanku nacionkunamanmi cheqechisaq. Espa-dawan qatikachachispaymi manaña chullapas puchunankukama tukusaq, nispa.

Lamentaciones 1:8

Jerusalén llaqtam sinchita huchallikurun, chayraykum penqaypi rikurirun, haykam kuyaqninkunam penqayninta rikuspanku qepancharunku, chayraykum penqakuymanta qepaman muyurispa waqachkan.

Ezequiel 18:19

Sichum qamkuna tapukunkichik: ¿Imanasqataq churinqa mana castigasqachu taytanpa huchanmantaqa? nispaykichik, hinaptinqa chay churinqa allin ruwayman chaynataq allin arregloman hinam imatapas ruwarqa. Kamachikuyniykunatapas kasukuspanmi ruwayman churarqa. Chayraykum payqa kawsakunqa.

Ezequiel 23:46

Tayta Diosmi kaynata nin: Llapa runakuna paykunapa contranpi huñunakuchun, manchakuywan huntarachispa tukuy imankutapas suwachunku.

Levítico 26:33

Huklaw nacionkunamanmi cheqechisqaykichik, hinaspam guerrawan qatikachachisqaykichik, nacionnikichikmi chunninqa, llaqtaykichikkunam purmanqa.

Deuteronomio 28:25

Tay-ta Diosmi enemigoykichikkunawan vencechisunkichik. Enemigoykichikpa contranpim huk ñanninta seqella lloqsinkichik, ichaqa qanchis ñannintam paykunamanta ayqenkichik. Llapa nacionkunapa munaychakunanñam kankichik.

Deuteronomio 28:64

Tayta Diosmi llapallan nacionkunaman, kay pachapa patanmanta huknin patankama cheqechisunkichik. Chaypim qamkunapa chaynataq ñawpaq taytaykikunapa mana reqsisqan kullumanta hinaspa rumimanta ruwasqa idolokunataña servinkichik.