Jeremías 15:21 - CHUYA QELLQA La Biblia en Quechua de Ayacucho 2012

²¹ Mana allin runakunamantam lluptichisqayki, mana llakipayakuq runakunamantam librasqayki, nispa.

Quechua Ayacucho Bible 1987

²¹ Mana allin runakunamantam lluptichisqayki. Mana llakipayakuq runakunamantam librasqayki.

Chuya Qellqa 1992

²¹ Mana allin runakunamantam lluptichisqayki, mana llakipayakuq runakunamantam librasqayki, nispa.

Jeremías 15:21 Iomraidhean Croise

Génesis 48:16

Tukuy mana allinmanta libraqniy angelyá kay warmakunata bendecichun. Ñoqapa sutiy, taytay Abrahampa sutin chaynataq taytay Isaacpa sutinpas paykunantakama yuyarisqa kachun. Kay pachapiyá sinchillataña mirachunku”, nispa.

Isaías 29:20

Runamasin ñakarichiqpas tukunqam, asipayakuqkunapas chinkanqam, mana allinkunalla maskaqkunapas chinkarunqakum.

Isaías 29:5

Enemigoykikunapas ñutu allpaman tikrasqam kanqaku, qatikachasuqnikikunapas wayrapa apanan qopa hinam kanqaku. Qonqayllamantam chaynaqa rikurinqaku.

Isaías 49:26

Ñakarichisuqnikikunatam kikinkupa aychanta mikuchisaq, kikinkupa yawarninwanmi vinowan hina sinkachisaq, chaymi llapa runakuna Salvaqniki Tayta Dios kasqayta reqsinqaku, Jacobpa Atiyniyuq Diosnin kasqaytam reqsinqaku, libraqnikiqa ñoqa Dios kasqaytam yachanqaku.

Isaías 54:17

Contraykipi armakuna ruwasqankupas manam imanasunkichu, juzgadopi acusasuqnikikunatapas upallachinkim. Tukuy chaykunam serviqniykunapa herencian kanqa, ñoqawanmi tukuy imapi vencenqaku. Tayta Diosmi chaynata nin.

Isaías 60:16

Nacionkunam allinnin mikuyta qosunki, reykunam qori-qollqenta apamusunki; chaynapim reqsiwanki, ñoqa Tayta Dios salvaqniki kasqayta, Jacobpa Atiyniyuq Diosnin reclamaqniki kasqayta.

Jeremías 16:1

Tayta Diosmi kaynata niwarqa:

Jeremías 20:13

Tayta Diospaqyá takiychik, Tayta Diostayá yupaychaychik, payqa mana allin ruwaqkunapa makinmantam wakchakunata salvaykun.

Jeremías 26:24

Safanpa churin Ahicammi Jeremiaspa allinninpi rimarqa, chaynapim Jeremiasta wañurachinankupaq llapa runakunapa makinmanqa mana qoykurqakuchu.

Jeremías 31:11

Tayta Diosmi Jacobta libraykamun, paymantapas aswan atiyniyuq nacionmantam salvaykamun.

Jeremías 38:28

Chaynapim Jeremiasqa carcelpa patiollanpi qeparqa, Jerusalén llaqta vencesqa kanankama.

Jeremías 39:11

Jeremiasmantam Babilonia nacionpa reynin Nabucodonosor waqaychaqnin soldadokunapa capitannin Nabuzaradanta kamachirqa:

Jeremías 39:12

Jeremiasta carcelmanta hurqoramuspaykiqa nanachikuspaykim ama imanankichu, aswanqa imam mañakususqaykitam qonki, nispa.

Jeremías 50:34

Chaywanpas paykunapa reclamaqninqa atiyniyuqmi, Tukuy Atiyniyuq Tayta Diosmi sutinpas. Paymi nanachikuspan allin arreglota ruwanqa, nacionmanpas hawkayaytam apamunqa, Babiloniamanñataqmi hatun manchakuyta apamunqa.

Daniel 3:17

Rupachkaq hornoman wischuykachiwaptikikupas yupaychasqayku Diosniykum libra-wanqaku, librawanqakutaqmi maki-kimantapas.

Daniel 3:25

Reyñataqmi nirqa: Ñoqaqa qawachkani mana chaqnasqa tawa runakunatañam; paykunaqa rupachkaq ninapa chawpinpim mana imanasqa purikuchkanku, paykunawan puriq runaqa diosmanmi rikchakun.

Mateo 6:13

Amayá tentacionmanqa kachaykuwaykuchu, aswanqa mana allinmanta libraykuwayku. [Qampam munaychakuypas, atiypas, hatun kaypas wiña-wiñaypaq. Amén].

Romanos 16:20

Hawkayay qokuq Diosninchikmi Satanastaqa chakikichikman churaspa chaylla sarupanqa. Señorninchik Jesucristopa kuyakuyninyá qamkunawan kachun.

2~Corintios 1:10

Wañuymantapas Diosmi librawarqaku, paytaqmi qepatapas librawanqaku. Confiakuchkanikutaqmi hamuq punchawkunapipas librawanankuta.