Jeremías 15:2 - CHUYA QELLQA La Biblia en Quechua de Ayacucho 2012

² Sichum paykuna nisunki: ¿Maymantaq risaqku? nispa, hinaptinqa ñoqapa sutiypim kaynata ninki: Onqoywan wañunanpaq kaqkunaqa onqoywanyá wañuchunku; guerrapi wañunanpaq kaqkunaqa guerrapiyá wañuchunku; yarqaymanta wañunanpaq kaqkunaqa yarqaymantayá wañuchunku; preso apasqa kanankupaq kaqkunaqa preso apasqayá kachunku, nispayki.

Quechua Ayacucho Bible 1987

² “Maylawmantaq risaqku” niptinkuqa qanmi ninki: “Onqoywan wañunanpaq kaqkunaqa onqoywanyá wañuchunku. Guerrapi wañunanpaq kaqkunaqa guerrapiyá wañuchunku. Yarqaymanta wañunanpaq kaqkunaqa yarqaymantayá wañuchunku. Presota pusanankupaq kaqkunaqa huklaw nacionmanyá pusasqa kachunku.”

Chuya Qellqa 1992

² Sichum paykuna nisunki: ¿Maymantaq risaqku? nispa , hinaptinqa ñoqapa sutiypim kaynata ninki: Onqoywan wañunanpaq kaqkunaqa onqoywanyá wañuchunku; guerrapi wañunanpaq kaqkunaqa guerrapiyá wañuchunku; yarqaymanta wañunanpaq kaqkunaqa yarqaymantayá wañuchunku; preso apasqa kanankupaq kaqkunaqa preso apasqayá kachunku, nispayki.

Jeremías 15:2 Iomraidhean Croise

Isaías 10:4

Preso pusasqakunawan kuska mana humillakuspaqa wañuymanñam wichinkichik. Chaywanpas Tayta Diosqa hinallam piñasqa kachkan atiyninwan castigananpaq.

Isaías 24:18

Chaynapim manchakuymanta lluptiqpas uchkuman wichiykunqa, uchkumanta lloqsiruspa ayqeqtañataqmi trampa hapirunqa, cielokunapi yakukunam taqtakaykamunqa, kay pachapa cimientonkuna katkatatanankama.

Jeremías 14:12

Ayunaspa mañakuwaptinkupas manam uyarisaqchu. Lliw kañana sacrificionkunatawan kawsaykunamanta ofrendakuna apamuwasqankutapas manam chaskisaqchu. Aswanqa guerrawan, yarqaywan hinaspa peste onqoywanmi paykunataqa tukusaq, nispa.

Jeremías 14:16

Chay profetakunapa willakusqankuta uyariqkunapas, war-minkuwan llapa churinkuwan kuskam guerrapiwan yarqaypi wañunqaku. Ayankunapas Jerusalén llaqtapa callenkunapim wischurayanqa, manam pipas pampanqachu. Chaynatam mana allin ruwasqankumanta pagapusaq.

Jeremías 16:4

Paykunaqa ñakarichikuq onqoykunawanmi wañunqaku, paykunamantaqa manam pipas waqanqachu nitaqmi pipas pampanqachu. Hatun ispay hinam pampapi wischurayanqaku. Guerrawan yarqaywanmi paykunataqa tukurunqa, ayankutapas alton pawaq animalkunawan purun animalkunam mikunqa, nispa.

Jeremías 19:7

Kay qechwapim Judá nacionpi runakunapa chaynataq Jerusalén llaqtayuq runakunapa rimanakusqankuta yanqachasaq. Enemigonkuman qoykuptiymi guerrapi wañunqaku, hinaptinmi ayankutapas alton pawaq animalkunawan purun animalkunaña mikunqaku.

Jeremías 43:11

Hamuspanmi Egipto nacionta atacanqa, hinaptinmi peste onqoypaq kaqkuna peste onqoywan wañunqaku, preso rinanpaq kaqkunam preso rinqaku, guerrapi wañunanpaq kaqkunam guerrapi wañunqaku.

Ezequiel 12:11

Paykunaman kaynata nimuy: Ño-qam qamkunapaq señal hina kani, kay ruwasqayta hinam qamkunatapas ruwasunkichik. Llapallaykichikmi huklaw nacionkunaman preso apasqa kankichik.

Ezequiel 14:21

Chayraykum ñoqa Tayta Dios kaynata nini: Aswanraqmi kanqa Jerusalén llaqtaman manchakuypaq tawa castigoykunata kachaykamuptiyqa. Kay tawa castigoykunam kaykuna: Guerra, yarqay, runa mikuq animalkuna hinaspa peste onqoy. Chaykunam runakunata hinaspa animalkunatapas wañuchinqaku.

Ezequiel 33:27

Ñoqa Tayta Diospa nisqayta paykunaman kaynata niy: Ñoqaqa sutiyraykum kaynata nini: Purmasqa llaqtakunapi yachaqkunaqa guerrapim wañunqaku, chakrakunapi yachaqkunatañataqmi purun animalkuna mikunqa; qaqakunapi machaykunapi yachaqkunañataqmi peste onqoywan wañunqaku.

Ezequiel 5:12

Qamkuna-manta kimsaman rakisqapa hukninmi peste onqoywan hinaspa yarqaywan llaqta ukupi wañunqaku. Huknin rakiñataqmi espadawan llaqtapa muyuriqninpi wañuchisqa kanqaku. Chaymanta puchuqkunatañataqmi tukuy hinastinman cheqerachisaq. Ñoqaqa espada makintinmi paykunata qatikachasaq.

Ezequiel 5:2

Llaqta atacayta tukuruspaykim huknin rakisqayki chukchaykita llaqta chawpinpi kañanki. Chaymantam huknin rakisqayki chukchaykita llaqtapa muyuriqninpi kuchupanki. Huknin rakisqayki chukchaykitañataqmi wayrawan apachinki. Ñoqam espada makintin paykunata qatikachasaq.

Daniel 9:12

Qamqa ñam cumplirunkiña contraykupi chaynataq kamachiqniykupa contranpi rimasqaykitapas, chaynapim chay hatun ñakariyta hawaykuman chayachimurqanki; sasachakuyqa manam haykapipas Jerusalén llaqtapiqa karqachu.

Amós 5:19

Imaynam leonmanta ayqespan ukumariwan tuparunman, otaq wasinman yaykuspa perqaman tawnapakuykuptin maqta uru kachurunman, chaynapunim chay punchawqa kanqa.

Zacarías 11:9

Ovejakunatapas kaynatam nirqani: Manañam michisqaykichikñachu. Wañuy munaqqa wañuchunpas, chinkaqqa chinkachunpas, qepaqkunapas kikinkupura mikunakuchun, nispay.

Apocalipsis 13:10

Pipas presochasqa kananpaq kaqqa presochasqam kanqa. Pipas espadawan wañuchinapaq kaqqa espadawan wañuchisqam kanqa. Chaynapim Diosllapaqña kawsaqkunaqa pacienciayuq hinaspa confianzayuq kananku.