Jeremías 15:15 - CHUYA QELLQA La Biblia en Quechua de Ayacucho 2012

¹⁵ Dios Taytalláy, qamqa lliwtam yachanki, yuyariwaspaykiyá qawariway, cheqniwaqniykunata vengakuruy. Amayá paykunataqa llakipayaychu, amayá cheqniwaqniykuna wañuchiwanantaqa munaychu, yachankim qamrayku insultasqa kasqaytaqa.

Quechua Ayacucho Bible 1987

¹⁵ Yachankim Dios Taytalláy. Yuyariwaspaykiyá watukaykamuway. Ñakarichiqniykunatayá vengakarapuway. Paykunapaq anaq piñakuq kaspaqa amayá munaychu wañurunaytaqa. Yachankimiki qamrayku insultawasqankutaqa.

Chuya Qellqa 1992

¹⁵ Dios Taytalláy, qamqa lliwtam yachanki, yuyariwaspaykiyá qawariway, cheqniwaqniykunata vengakuruy. Amayá paykunataqa llakipayaychu, amayá cheqniwaqniykuna wañuchiwanantaqa munaychu, yachankim qamrayku insultasqa kasqaytaqa.

Jeremías 15:15 Iomraidhean Croise

Nehemías 13:22

Levitakunatapas kamachirqanim chuyanchakuspanku punkukunata waqaychanankupaq chaynapi samana punchawta Diosllapaqña sapaqcha-nankupaq. ¡Dios Taytalláy! Amayá qonqaruychu kay ruwasqaytapas, hinaspa kuyapayakuynikiman hina llakipayariykullaway, nispa.

Nehemías 13:31

Kamachirqanitaqmi tiempollanpi yantatawan chaynataq punta kaq rurukunata apamunankupaqpas. ¡Dios Taytalláy, amamá qonqarullawankichu, yanapaykuwanaykipaqmi yuyarillawanki!

Nehemías 5:19

Chaymantam Tayta Diosta mañakuspay nirqani: ¡Dios Taytalláy, kay runakunapaq tukuy ima ruwasqaytaqa amamá qonqarunkichu! nispay.

Nehemías 6:14

Chaymi kaynata mañakurqani: Dios Taytalláy, Tobiaswan Sanbalatpa ruwasqankutaqa amayá qonqaychu, profetisa Noadiastawan wakin profetakunamantapas amataqyá qonqaychu, paykunam manchachiyta munawanku, nispay.

Jobwan Sutichasqa Libro 10:7

Qamqa yachankim mana huchayuq kasqaytaqa, makikimantaqa manam lluptiyta atiymanchu.

Isaías 38:3

Dios Taytalláy mañakuykim, qay-llaykipi cheqap sonqowan kawsaspa qampa munasqaykiman hina ruwasqaytayá yuyariykuy, nispa. Hinaspanmi Ezequiasqa llumpayta waqarqa.

Jeremías 12:3

Dios Taytalláy, qanmi reqsiwanki, qawawaspaykim qanman imayna sonqoyuq kasqayta yachawanki. Chay runakunatayá nakanapaq ovejakunata hina aparuy, nakasqa kananku punchawpaq sapaqcharuy.

Jeremías 15:10

¡Ay mamalláy! ¿Imapaqtaq wachakuwarqanki llapallan runakunawan piñanakuspay atipanakunaypaq? Manam pimanpas qollqetaqa prestarqanichu nitaqmi ñoqapas prestakurqanichu, chaywanpas llapallankum ñakawanku.

Jeremías 15:20

Kay runakunapaqmi qamta churayki broncemanta perqata hina, contraykipim peleanqaku, ichaqa manam vencesunkichu, ñoqam qanwan kachkani salvanaypaq hinaspa libranaypaq. Ñoqa Tayta Diosmi chaynata nini.

Jeremías 17:16

Chaywanpas qanmanqa manam hamurqani ñakarichinaykipaq mañakuqchu, manataqmi sasachakuypi kanankutapas munarqanichu. Qamqa yachankim qayllaykipi imam rimasqaytapas.

Jeremías 18:23

Dios Taytalláy, qamqa yachankim wañuchiwanankupaq tukuy ima rimanakusqankutapas, mana allinkunata ruwaspa qayllaykipi huchallikusqankutaqa amayá pampachaychu, qayllaykimanta paykunata wichichiy, piñakuynikiwan castigay.

Jeremías 20:11

Dios Taytalláy, chaywanpas qamqa ñoqawanmi kachkanki, qari-qari soldado hinaraqmi ñoqawan kachkanki, chayraykum qatikachawaqniykunaqa urmarunqaku, manam venceyta atiwanqakuchu, imapas ruwasqanku mana allin lloqsiptinmi hatun penqaypi tarikunqaku, mana haykapipas qonqay atinankukamam penqaypi kanqaku.

Jeremías 20:12

Tukuy Atiyniyuq Dios Taytalláy allin ruwaq runakunapa sonqontam reqsinki, runapa yuyaymanaynintam reqsinki, paykunamanta vengakusqaykita qawachiway, qanmanmi kay sasachakuyniykunata willakamuyki.

Jeremías 20:8

Sapa kuti rimaspaymi qaparini: ¡Sasachakuymi hamuchkanña! ¡Tuñichisqa kaymi chayaramunña! nispay. Palabraykita willasqayraykum tukuy tiempo insultawaspa asipayawanku.

Lamentaciones 3:64

Dios Taytalláy, imam ruwasqankuman hina paykunaman pagaykapuy.

Lamentaciones 3:66

Dios Taytalláy, paykunatayá piñakuspayki qatikachay, qayllaykimanta kay pachapi chinkarachiy.

Mateo 10:22

Ñoqaraykum llapallan runakuna cheqnisunkichik, ichaqa pipas tukupaykama takyaqmi salvakunqa.

Mateo 19:29

Pipas wasinkunata, wawqenkunata, paninkunata, taytanta, mamanta, warminta, churinkunata, chakrankunata ñoqa-rayku saqeqqa, pachak kuti mastam chaskinqa, chaskinqataqmi wiñay kawsaytapas.

Lucas 21:17

Ñoqaraykum llapallan runakuna cheqnisunkichik.

Romanos 12:19

Kuyasqay wawqe-panillaykuna, ama pitapas vengakuychikchu aswanqa Señorpa makinman churaychik payña castigananpaq. Chuya Qellqapim kaynata nin: “Mana allin ruwaqkunataqa kikiypunim vengakusaq, mana allin ruwasqanman hinam pagapusaq”, nispa.

Romanos 8:35

¿Pitaq Cristopa kuyakuyninmanta rakiwachwan? ¿Sasachakuychu, llakikuychu, qatikachasqa kaychu, yarqaychu, wakchayaychu, wañuypa patanpiña kaychu, icha wañuychu?

2~Corintios 5:11

Chaymi Señorqa kasukuna kasqanta yachasqaykurayku runakunata iñichiypi riniku. Ichaqa Diosmi yachan imaynam kasqaykutapas, chaymi qam-kunapas reqsiwanaykikuta munach-kaniku.

2~Timoteo 4:14

Herrero Alejandrom tukuy mana allinkunata ruwawarqa, Señorninchikmi kutichipunqa imam ruwasqanman hina.

Apocalipsis 18:20

Hanaq pachapi kaqkunapas kusikuychikyá, Diosllapaqña kawsaqkunapas kusikuychikyá, apostolkunawan profetakunapas kusikuychikyá, chay llaqtata Dios castigasqanmanta kusikuychik. Qamkunapaq allin arreglota Diospa ruwasqanmanta kusikuychik”, nispanku.

Apocalipsis 6:10

Paykunam qaparispa nirqaku: Tukuy Atiyniyuq Dios, qamqa Chuyam kanki, rimasqaykikunapas cheqapmi, ¿haykapikamataq wañuchiwaqniykuta mana juzgankichu hinaspa kay pachapi yachaqkunata mana vengakunkichu? nispanku.

Jueces 16:28

Hinaptinmi Tayta Diosta mañakuspan Sansón nirqa: Dios Taytalláy, kunanllañayá yuyariykullaway. Diosnilláy kallpanchaykullaway ñawiykunamanta filisteokunata vengakurunaypaq, nispa.