Jeremías 15:1 - CHUYA QELLQA La Biblia en Quechua de Ayacucho 2012

¹ Tayta Diosmi kaynata niwarqa: Moiseswan Samuelña ñawpaqniyman hamuptinkupas, manam kay runakunataqa llakipayarisaqchu. ¡Kaymanta qarqoy, qayllaymanta lloqsichunku!

Quechua Ayacucho Bible 1987

¹ Tayta Diosmi kaynata niwarqa: —Moisespiwan Samuelña ñawpaqniypi kaptinkupas manam kay runakunamantaqa llakipayarikuymanchu. Chaynaqa ñawpaqniymantayá qarqoy. Pasachunkuyá paykunaqa.

Chuya Qellqa 1992

¹ Tayta Diosmi kaynata niwarqa: Moiseswan Samuelña ñawpaqniyman hamuptinkupas, manam kay runakunataqa llakipayarisaqchu. ¡Kaymanta qarqoy, qayllaymanta lloqsichunku!

Jeremías 15:1 Iomraidhean Croise

Génesis 19:27

Paqarinnintin tutapaytam Abraham rirqa Dioswan parlasqanku sitioman.

2~Reyes 17:20

Chayraykum Israelpa mirayninkunata Tayta Dios qepancharurqa. Ñakarichispanmi qayllanmanta chinkarachinankama salteaqkunaman qoykurqa.

Proverbios 14:35

Yachayniyuq runaqa reypa kuyakuynintam tarin, penqayman churaqninmi ichaqa piñakuyninta tarinqa.

Jeremías 10:18

Tayta Diosmi kaynata nin: Kunanmi kay nacionpi yachaqkunata qarqorusaq, warakachkaq hinam paykunataqa wischurusaq, ñakarichisqa kanankupaqmi paykunataqa sasachakuyman churarusaq.

Jeremías 11:14

Chaynaqa, Jeremías, amaña kay runakunarayku mañakuwaychu, nitaq qayakamuwaychu. Sasachakuypi kaspanku mañakuwaptinkupas manam uyarisaqchu.

Jeremías 14:11

Tayta Diosmi kaynata niwarqa: Amaña kay runakunapaq mañaku-wayñachu.

Jeremías 14:12

Ayunaspa mañakuwaptinkupas manam uyarisaqchu. Lliw kañana sacrificionkunatawan kawsaykunamanta ofrendakuna apamuwasqankutapas manam chaskisaqchu. Aswanqa guerrawan, yarqaywan hinaspa peste onqoywanmi paykunataqa tukusaq, nispa.

Jeremías 15:19

Chayraykum Tayta Dios niwarqa: Kutirikamuwaptikiqa huktawanmi chaskisqayki, hinaptinmi kaqllamanta serviwanki. Yanqakuna rimaymanta wanakuspa imam kaqllata rimaspaykiqa ñoqapa rantiypim rimanki. Paykunam qanmanqa kutirikamunanku, manam qamchu paykunamanqa kutirikunayki.

Jeremías 16:13

Chayraykum kay nacionmanta wis-chusqaykichik, qamkunapapas nitaq taytaykichikkunapapas mana reqsisqan nacionman. Chaypim huk dioskunataña tuta punchaw servimunkichik. Qamkunataqa manam llakipayasqaykichikchu, nispa.

Jeremías 16:5

Tayta Diosqa kaytapas niwarqataqmi: Wañuqpa wasinmanqa amam yaykunkichu, amam waqaysinkichu nitaqmi llakiysinkichu. Kay llaqtamantam qechuruni, hawkayay, kuyakuy hinaspa llakipayakuy qosqayta. Ñoqa Tayta Diosmi chaynata nini.

Jeremías 18:20

¿Paykunapaq allin ruwasqaymantachu mana allinwan pagawanqaku? Sepulturaytapas toqorunkuñam, paykunapa allinninpaq rimasqaytayá yuyariy, paykunamanta piñakuynikita suchuchinaykipaq mañakusqaytayá yuyariy.

Jeremías 22:28

Jeconiasqa ¿manaña pipapas munanan pakisqa aysaku hinachu rikurirun? ¿Mana imapaq valeq kallana hinachu rikurirun? ¿Imanasqataq paytapas chaynataq churinkunatapas mana reqsisqanku nacionman qarqorunku?

Jeremías 23:39

qamkunataqa qepita hina hoqariruspay wischurusqaykichik, wischurusaqtaqmi qamkunamanwan ñawpaq taytaykichikkunaman qosqay llaqtatapas.

Jeremías 35:19

Recabpa churin Jonadabpa mirayninmantaqa kanqapuni ñoqata serviwaqniykunaqa. Ñoqa Tukuy Atiyniyuq Tayta Diosmi chaynata nini.

Jeremías 52:3

Chayraykum Jerusalén llaqtapa chaynataq Judá nacionpa contranpi Tayta Dios piñakuruspan qayllanmanta wischururqa. Chaymantam Sedequiasqa Babilonia nacionpa reyninpa contranpi hoqarikururqa.

Jeremías 9:19

Sión llaqtamantam qaparillawanña waqasqanku uyarikamuchkan, qaparillawanña waqaspa kayna nisqankum uyarikamuchkan: ¡Pasaypaq tuñisqam qeparunchik! ¡Hatun penqaypim rikurirunchik! Wasinchikkuna tuñichisqa kasqanraykum nacionninchikta saqesunchik.

Ezequiel 14:14

Sichum chay nacionpa chawpinpi tarikunmanku Noeywan, Daniel chaynataq Job, hinaspaqa allin ruwaq kasqankuraykum kay kimsallanku salvakunmanku. Ñoqa Tayta Diosmi chaynata nini.

Ezequiel 22:30

Paykuna ukupim huk runata maskarqani, kay nacionpa rantinpi perqa hina sayaykuspa qayllaypi mañakuwaptin mana tuñirachinaypaq, ichaqa manam tarirqanichu.

Oseas 9:15

Tayta Diosmi kaynata nin: Gilgal llaqtapim tukuy mana allinkuna ruwayta qallaykurqaku, chaypim ñoqapas paykuna cheqniyta qallaykurqani; tukuy mana allinkuna ruwasqankuraykum temploymantapas paykunata wischurusaq; paykunataqa manañam kuyasaqñachu, llapa kamachiqninkupas mana kasukuqkunam.

Zacarías 3:3

Josueyñataqmi qachallaña pachayuq sayarqa Diospa angelninpa qayllanpi.

Deuteronomio 9:26

Qayakuspaymi Tayta Diosta nirqani: “Señor Diosnilláy, kikikipa runaykikuna kasqankuraykuyá paykunataqa ama chinkarachiychu. Paykunataqa hatun atiynikiwanmi libramurqanki, Egipto nacionmantapas hatun atiynikiwanmi hurqomurqanki.

Hebreos 9:24

Cristoqa manam runakunapa ruwasqan santuariomanchu yaykurqa. Moisespa ruwasqan chay sitioqa hanaq pachapi cheqap santuarioman rikchakuqllam karqa. Cristoqa hanaq pachamanpunim yaykurun, chaypim ñoqanchikrayku Diospa qayllanpi mañapuwachkanchik kachkan.

Jueces 5:9

Israelpa capitanninkunawanmi sonqoyqa kachkan, guerraman rinankupaq kikillankumanta hatariqkunawanmi sonqoyqa kachkan. ¡Tayta Diosta llapallaykichik yupaychaychik!

1~Samuel 12:19

Hinaspankum llapallan runakuna Samuelta nirqaku: Ama hina kaspayki Tayta Diosta mañaykapuwayku ama wañuchiwanankupaq, cheqaptapunim llumpay huchasapallaña kachkaspapas reyta mañakusqaykuwan aswanraq huchallikuruniku, nispanku.

1~Samuel 12:23

Arí, ñoqamanta karunchasqa kachun Tayta Diospa qayllanpi qamkunarayku mana mañakuspa huchallikuyniyqa. Ñoqaqa aswanraqmi yachachisqaykichik Diospa munasqanman hina sumaq kawsakuyta.

1~Samuel 7:9

Samuelñataqmi uña carnerochata wañuchispan, sacrificiota Tayta Dios-paq lliwta kañarqa, chaymi Israel runakunarayku qapariyllawanña Sa-muelpa mañakusqanta Tayta Dios uyariy kurqa.