Jeremías 14:9 - CHUYA QELLQA La Biblia en Quechua de Ayacucho 2012

⁹ ¿Imanasqataq muspaypi runa hina rikurirunki? ¿Imanasqataq allin qari kachkaspa mana ima ruway atiq rikurirunki? Chaywanpas Dios Taytallayku, qamqa ñoqaykuwanmi kachkanki, lliwmi yachanku llaqtayki kasqaykutaqa, amayá saqerullawaykuchu.

Quechua Ayacucho Bible 1987

⁹ ¿Imanasqataq muspaypi kaq runa hinaqa kachkanki? ¿Imanasqataq mana vencey atiq soldado hinaqa rikurirunki. Dios Taytalláy, chaywanpas ñoqaykuwanmi kachkanki qamqa. Sutikiwanmi sutichawarqankiku ñoqaykutaqa. Amayá saqerullawaykuchu ñoqaykutaqa.

Chuya Qellqa 1992

⁹ ¿Imanasqataq muspaypi runa hina rikurirunki? ¿Imanasqataq allin qari kachkaspa mana ima ruway atiq rikurirunki? Chaywanpas Dios Taytallayku, qamqa ñoqaykuwanmi kachkanki, lliwmi yachanku llaqtayki kasqaykutaqa, amayá saqerullawaykuchu.

Jeremías 14:9 Iomraidhean Croise

2~Crónicas 7:14

sichum sutiyta hatunchaq llaqtay uchuychakuspan qayakamuwaspa maskawanqa hinaspa tukuy mana allin kawsayninmanta wanakuspa ñoqaman kutirikamuwaptinqa, hanaq pachamantam uyariykamusaq hinaspam huchankunata pampachaykuspay allpankutapas allinyachisaq.

Isaías 12:6

Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.

Isaías 43:7

Sutiywan sutichasqakunata, hatunchasqa kanaypaq unanchasqaykunata, ñoqallapaqña kananpaq ruwasqay runaykunatam pusamusaq, nispa.

Isaías 51:9

¡Rikchariy! ¡Tukuy Atiyniyuq Dios Taytalláy, rikchariy! Atiywan pachakuy, ñawpaq watakunapi hina rikchariy, ñawpaq tiempokunapi hina rikchariy. ¿Manachum qamqa lamar qochapi manchakuypaq Rahab sutiyuq animalta tuksiparurqanki?

Isaías 59:1

Tayta Diospa atiyninqa manam pisirunchu mana salvawananchikpaq hinaqa, rinrinpas manam upayarunchu manaña uyarinanpaq hinaqa.

Isaías 63:19

Qampa mana haykapipas munaychakusqayki hinam kachkaniku, manaña haykapipas sutikiwan sutichasqa hinam kachkaniku.

Jeremías 15:16

Tukuy Atiyniyuq Dios Taytalláy rimapayawasqaykiman hinam palabraykita mikurqani. Chay palabraykikunaraykum sonqoypi anchallataña kusikurqani, ñoqaqa qampam kallani.

Jeremías 51:5

Israel runakunawan Judá runakunam contraypi huchallikuspanku nacionninkuta huchawan huntachirqaku, chaywanpas ñoqa Tukuy Atiyniyuq Tayta Diosqa manam Israel naciontawan Judá naciontaqa saqerqanichu.

Jeremías 8:19

Llaqtaypa qaparisqanmi uyarikuchkan, tukuy hinastinmanta kaynata nispa waqasqankum uyarikuchkan: Tayta Diosmi Sión llaqtata saqerun, reyninpas manañam chaypiñachu, nispanku. Chaymi Tayta Diosñataq nin: ¿Imanasqataq yanqa mana valeq idolokunata yupaychaspaykichik piñachiwankichik? nispa.

Lamentaciones 5:20

¿Imanasqataq pasaypaqta qonqaruwankiku? ¿Imanasqataq unay tiempo saqeruwankiku?

Ezequiel 48:35

Chay llaqtapa muyuriqninpi murallam kanqa isqon kilómetro sayayniyuq. Chay punchawmantam chay llaqtapa sutin kanqa: “Jehová-sama”.

Habacuc 1:2

Dios Taytalláy ¿haykapikamataq mañakuyniyta mana uyariykuwankichu? ¿Haykapikamataq kaynaña wañuchinakuymanta mana libraykuwankikuchu?

Zacarías 2:5

Tayta Diosmi kaynata nin: Ñoqam Jerusalenpa muyuriqninpi lenwachkaq nina murallan kasaq, hinaspaymi chawpinpi atiyniyta qawachikusaq, nispa.

Zacarías 8:3

Tayta Diosmi kaynata nin: Sión llaqtatam musoqmanta hatarichisaq, hinaspaymi chawpinpi yachakusaq, Jerusalén llaqtam cheqapwan, Tukuy Atiyniyuq Tayta Diospa orqonwan, chuyanchakuna orqowan sutichasqa kanqa.

Números 11:23

Chaymi Moisesta Tayta Dios nirqa: ¿Pisi atiyniyuqlla kasqaytachu piensanki? Kunanmi yachanki nisqaykuna cumplikusqanta otaq mana cumplikusqantapas, nispa.

Hechos 15:17

chaynapi wakin runakunapas, ñoqapaq sapaqchasqa nacionkunapas, Señorta maskanankupaq.

2~Corintios 6:16

Diospa templonwan idolokunapa templonqa manam kaqkamallaqa kanmanchu. Ñoqanchikqa kawsaq Diospa templonmi kanchik, kikin Diosmi nirqa: “Paykuna ukupim yachasaq, paykuna ukupim purisaq, paykunapa Diosninmi kasaq, paykunañataqmi llaqtay kanqaku”, nispa.

Deuteronomio 23:14

Señornikichik Tayta Diosmi campamentoykichikpi purichkan, waqaychasuspaykichik enemigoykichikta vencechisunaykichikpaq, chayraykum campamentoykichikqa chuyanchasqa kanan, mana chayqa Diosmi qamkuna ukupi ima qachatapas rikuspan qamkunamanta asurikunman.

Deuteronomio 28:10

Chaynapim kay pachapi llaqtakuna yachanqaku Tayta Diospa llaqtanwan sutichasqa kasqaykichikta, hinaspam manchakusunkichik.

Hebreos 13:5

Amayá qollqella maskaymanqa qoku-ruychikchu, aswanqa imam kapusuqnikichikwanyá contentakuychik. Diosmi nirqa: Manapunim qonqasqaykichu nitaqmi saqesqaykichu, nispa.

Apocalipsis 21:3

Hinaptinmi hanaq pachamanta kayna hatun qapariyta uyarirqani: Kunanqa Diospa tiyanan trononqa kaypiñam runakunawan kachkan. Paymi runankunawan yachanqa, paykunaqa llaqtanmi kanqa, Diosñataqmi paykunapa Diosnin kanqa.

1~Samuel 12:22

Tayta Diosmi ichaqa, sutin hatunchasqa kasqarayku mana saqesunkichikchu. Payqa runankunaña kanaykichiktam munan.