Jeremías 14:7 - CHUYA QELLQA La Biblia en Quechua de Ayacucho 2012

⁷ Dios Taytallayku, huchaykum acusawachkanku, sutikiraykuyá yanapaykullawayku. Mana kasukusqaykuqa nana-nanaqmi, contraykipim huchallikuruniku.

Quechua Ayacucho Bible 1987

⁷ Dios Taytalláy, mana allinkuna rurasqaykum acusawachkanku. Huchaykuqa chayna kachkaptinpas sutikiraykuyá yanapaykullawayku. Mana kasukusqaykuqa nana-nanaqmi. Contraykipimá huchallikurqaniku.

Chuya Qellqa 1992

⁷ Dios Taytallayku, huchaykum acusawachkanku, sutikiraykuyá yanapaykullawayku. Mana kasukusqaykuqa nana-nanaqmi, contraykipim huchallikuruniku.

Jeremías 14:7 Iomraidhean Croise

Esdras 9:15

Israelpa yupaychasqan Diosnillayku, qamqa tukuy imapim yanapaykuwarqankiku, kunan qawasqaykupi hinapas, munakuynikiman hinam kay asllatapas kawsachiwachkankikuraq. Cheqaptapas qayllaykipiqa huchasapam kallaniku, chayraykum qampa ñawpaqnikimanqa mana asuykamunaykupaq hinachu kallaniku, nispa.

Isaías 48:11

Kikiyraykum chaykunataqa ruwasaq, sutiytaqa manam pipas qachachanmanchu, ñoqa hina hatunchasqaqa manam pipas kanmanchu.

Isaías 59:12

Dios Taytallayku, llumpay mana kasukuqmi kaniku, huchallaykum ñoqaykuta acusawanku, mana kasukusqaykutam reqsikuniku, mana allinkuna ruwasqaykutam reqsikuniku.

Jeremías 10:19

¡Imaynaraq kasaq kay ñakarisqaywan! ¡Heridaykunapas mana hampiy atinam! Ichaqa ñoqam nirqani: Kayqa onqoyniymi, hinam ñakarisaq, nispa.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 3:25

Ñoqaykupas ñawpaq taytaykupas, qampa contraykipim huchallikuruniku; warma kasqaykumanta kunan punchawkamam qamtaqa mana kasurqaykikuchu. Chayraykum penqakuymanta pasaypaqta uchuychakunayku.

Jeremías 3:6

Rey Josiaspa munaychakusqan tiempopim Tayta Dios kaynata niwarqa: ¿Rikurqankichu mana kasukuq Israelpa ruwasqanta? Alto orqokunaman rispanmi chuchumika warmi hina qanrakurqa rapisapa sachakunapa sikinpi.

Jeremías 5:25

Mana allinkuna ruwasqaykichikmi allin kaqkunamanta karuncharusunkichik; huchaykichikmi allin kaqkunamanta rakirusunkichik.

Jeremías 5:6

Chayraykum paykunataqa leonkuna montemanta lloqsiramuspa wañurachinqa, chunniq atoqkunam tukuparunqa, tigrillokunam llaqtankumanta lloqsimuptinku tisaparunqa. Chaynataqa ruwanqa Tayta Diosta qepanchaspa llumpayta huchallikusqankuraykum.

Jeremías 8:14

Hinaptinmi paykuna ninqaku: ¿Imatataq kaypi tiyaspa ruwachkanchik? Hatarispa murallasqa llaqtakunaman yaykusunchik, llapallanchik chaypi wañumusunchik, Tayta Diosmi wañuchimuwasunchik, paypa contranpi huchallikusqanchikmantam venenasqa yakuta tomarachiwanchik.

Jeremías 8:5

Chaynaqa, Israel runakuna, ¿imanasqataq ñoqamantaqa karunchakurunkichik? Jerusalenpi runakuna, ¿imanasqataq pasaypaqta qepancharuwankichik? Pantaynikichikman hapipakuruspam kutirikamuwayta mana munankichikchu.

Ezequiel 20:14

Ichaqa manam chaynatachu ruwarqani, chaynapi imaynam Egipto nacionmanta hurqomusqayta qawaq nacionkunapa qayllanpi sutiy mana yanqachasqa kananpaq.

Ezequiel 20:22

Ichaqa manam chaynatachu ruwarqani, chaynapi imaynam Egipto nacionmanta hurqomusqayta qawaq nacionkunapa qayllanpi sutiy mana yanqachasqa kananpaq.

Ezequiel 20:9

Ichaqa manam chaynatachu ruwarqani, chaynapi imaynam Egipto nacionmanta hurqomusqayta qawaq nacionkunapa qayllanpi sutiy mana yanqachasqa kananpaq.

Oseas 5:5

Hatun tukuq kayninmi Israelpa contranpi declaranqa, huchankuraykum Israelpas chaynataq Efraimpas wichinqaku, paykunawan kuskam Judapas wichinqa.

Oseas 7:10

Israelpa hatun tukuyninmi kikinpa contranpi rikurirun, ichaqa manam Tayta Diosman kutirikunkuchu nitaqmi maskankuchu.

Amós 7:2

Chay aqaruwaykuna qorakunatapas mikuyta tukuruptinkum mañakurqani: Dios Taytalláy, pampachaykullawayku, Israel llaqtaqa aschallam kaniku, ¿pitaq hatarichiwanqaku? nispay.

Miqueas 7:9

Tayta Diospa contranpi huchallikurusqayraykum piñakuynintapas aguantasaq, chaykamam imam ruwasqaymanta juzgawaspan allin arreglota ruwawanqa. Payqa achkiymanmi hurqowanqa, allin ruwaynintam qawaykachiwanqa.

Efesios 1:12

Ñawpaqmantaraqmi Cristopi suyarqanchik, chaynapi ñoqanchiktakama hatun atiyniyuq Dios yupaychasqa kananpaq.

Efesios 1:6

Kaytaqa ruwarqa hatu-hatun kuya-payakuyninwan Churinrayku bendeciwasqanchikmanta Diosta sapa kuti yupaychananchikpaqmi.

Deuteronomio 32:27

Ichaqa enemigokunapa asipayasqa kanantam mana munarqanichu, yanqañataq contrankupi kaqkuna ninmanku: “Kaytaqa kallpallanchikwanmi ruwarunchik, manam Tayta Dioschu ruwan”, nispanku.

Josué 7:9

Canaán castakunawan kay allpapi yachaqkunachiki uyariruspanku muyuruwanqaku, hinaspachiki sutiykutapas kay pachamanta chinkarachinqaku. Hinaptinqa, ¿imatataq ruwanki ancha reqsisqa sutiki mana penqaypi kananpaq? nispa.