Jeremías 14:22 - CHUYA QELLQA La Biblia en Quechua de Ayacucho 2012

²² ¿Yaqachu huklaw nacionkunapa idolonkuna parachimunman? ¿Yaqachu cielokunapas kikillanmanta paramunman? Dios Taytalláy, qamllam parachimuqqa kanki, ñoqaykuqa qamllapim hapipakuniku, qamllam tukuy chaykunataqa ruwanki, nispa.

Quechua Ayacucho Bible 1987

²² ¿Huklaw nacionkunapa taytachankuqa parachimunmanchum? ¿Cielokunaqa kikillanmanta paramunmanchum? Yupaychasqayku Dios Taytalláy, qamllam parachimuwaq chaynataqa. Qamllapim confiakuniku ñoqaykuqa. Qamllam ruranki tukuy chaykunataqa.

Chuya Qellqa 1992

²² ¿Yaqachu huklaw nacionkunapa idolonkuna parachimunman? ¿yaqachu cielokunapas kikillanmanta paramunman? Dios Taytalláy, qamllam parachimuqqa kanki, ñoqaykuqa qamllapim hapipakuniku, qamllam tukuy chaykunataqa ruwanki, nispa.

Jeremías 14:22 Iomraidhean Croise

1~Reyes 17:1

Rey Acabtam Galaad law Tisbe llaqtayuq Elías nirqa: “Israelpa yupaychasqan Tayta Dios-raykum jurani, ñoqaqa serviqnin kasqayraykum paypa qayllanpi kachkani, manam kay watakunapi para kanqachu nitaqmi sullayllapas sullamunqachu ñoqa ninaykama”, nispa.

1~Reyes 17:14

Tayta Diosmi kaynata nin: “Tinajapi harinapas chaynataq puyñupi aceitepas manam pisinqachu, allpaman parata Tayta Dios chayachimunankama”, nispa.

1~Reyes 18:1

Unay tiempo pasaruptinmi kimsa watamantaña Eliasta Tayta Dios nirqa: Rey Acabpa kasqanman riy, kay allpamanmi parata chayachimusaq, nispa.

1~Reyes 8:36

qanmi hanaq pacha-manta uyariykamuspa, Israel llaqtaykipa huchankunata pampachanki, munasqaykiman hina kawsanankupaq yachachispaykim parata kacharimunki, runaykikunaman herencia qosqayki allpaman.

Jobwan Sutichasqa Libro 28:26

parananpaq kamachikuykunata qospanqa, llipyakunapa rayokunapa ñanninta kichaspanqa,

Jobwan Sutichasqa Libro 5:10

Payqa allpamanmi parata chayachimun, chaywanmi chakrakunata parqon;

Isaías 30:18

Chaywanpas Tayta Diosqa llakipayarisunaykichikpaqmi suyasuchkankichik, payqa kuyakuynintam qamkunaman reqsichisunkichik. Allin arreglo ruwaqmi Tayta Diosqa. ¡Mayna kusisqam paypi suyaqkunaqa!

Isaías 30:23

Señormi parachimunqa tarpukuynikichikman, chaynapim kawsaynikichikpas allinta qespiptin chaninninpi mikunkichik. Animalnikichiktapas chay tiempopiqa hatu-hatun echaderokunapim michinqaku.

Isaías 41:29

Chay idolokunaqa llapallankum mana valeq, ruwasqankupas mana imapaq valeqmi, chaykunaqa mana imayuq toqro ukullam, chaykunaqa wayra ukuyuq idolokunallam.

Jeremías 10:12

Tayta Diosmi kay pachata atiyninwan ruwarqa, kay pachapi kaqkunatam yachayninwan takyachirqa, cielokunatapas ancha yachayninwanmi mastarirqa.

Jeremías 10:13

Rimariptillanmi cielopi yakukunapas sinchillataña paramun, puyukunatapas kay pachapa patankunamantam hatarichimun, rayokunatapas paratawan kuskatam chayachimun, maymi kasqanmantam wayratapas hurqomun.

Jeremías 10:15

Chay idolokunaqa mana imapaq valeqmi, castigasqa kasqanku punchawmi ñutusqa kanqaku.

Jeremías 10:3

Chay nacionkunapa costunbrenqa yanqallam, paykunaqa montepi kullutam kuchumunku, idolokuna ruwaqkunañataqmi azuelawan llaqllanku,

Jeremías 16:19

Dios taytalláy, kallpanchaqniymi qamqa kanki, sasachakuypi harkaykuqniymi qamqa kanki. Kay pachapa patankunamantam nacionkuna hamuspanku nisunki: Cheqaptapunipas ñawpaq taytaykuqa, mana valeq idolokunatam herenciata hina chaskirqaku.

Jeremías 5:12

Paykunaqa Tayta Diosta qepanchaspankum kaynata nirqaku: Diosqa manam kanchu, ima mana allinpas manam chayamuwasunchu, guerrapas yarqaypas manam hamuwasunchu.

Jeremías 5:24

Qamkunaqa manam yuyaymanarqankichikchu: Yupaychasqanchik Tayta Diostayá kasukusun nispallapas, tarpuy parapas poqoy parapas chayachimuqtayá kasukusun nispallapas, tiempollanpi cosecha qowaqninchiktayá yuyarisun nispallapas.

Jeremías 51:16

Rimariptinmi cielopi yakukunapas sinchillataña qaparimun, kay pachapa patankunamantam puyukunata hatarichimun, paymi paramunanpaq llipyachimun, maymi waqaychasqanmantam wayrakunatapas hurqomun.

Oseas 2:7

Kuyaqninkunata qatispanpas manam haypanqachu, maskaspanpas manam tarinqachu. Hinaspam ninqa: “Kayna kanaytaqa punta qosayman kutikusaq, paywanqa allinmi karqani”, nispan.

Joel 2:23

Sión moqopi yachaqkuna, Diosnikichikpi kusikuychik, payqa yapuy paratapas tiempollanpim qosunkichik, yapuy paratapas poqoy paratapas ñawpaqpi hinam tiempollanpi qosunkichik.

Amós 4:7

Cosechapaq kimsa killaraq faltachkaptinmi paratapas mana parachimurqanichu. Huk llaqtapim parachirqani huk llaqtapiñataqmi mana, partentam para chayarqa, parapa mana chayasqanñataqmi chakirurqa.

Miqueas 5:6

Paykunam Asiria naciontapas, Nimrodpa llaqtantapas, espadawan chinkarachinqaku. Asiria runakuna hamuspa allpanchikpa linderonkunata saruptinpas paymi librawasun.

Miqueas 7:7

Ñoqam ichaqa Tayta Diosllapi hapipakullasaq, Salvaykuqniy Diosllapim hapipakullasaq; Diosnillayqa uyariykuwanqam.

Mateo 5:45

Chaynapim hanaq pachapi kaq Taytaykichikpa churinkuna kankichik, payqa intitapas allin ruwaq runapaqwan mana allin runapaqmi qespichimun, paratapas lliwpaqmi chayachimun.

Deuteronomio 28:12

Kapuqninkunata kicharispanmi cielokunamanta allpaykichikman tiempollanpi parachimunqa, hinaspam tukuy ruwasqaykichikpi yanapasunkichik. Achka nacionkunamanmi prestankichik, qamkunam ichaqa mana pimantapas prestakunkichikchu.

Deuteronomio 32:21

Idolokunata yupaychaspankum llakichiwarqaku, millakuypaq idolokunata yupaychaspankum piñachiwarqaku. Chayraykum ñoqapas paykunata hukmanyarachisaq, mana yachayniyuq llaqtawanmi sientirachisaq, mana yuyayniyuq runakunawanmi piñarachisaq.