Jeremías 14:21 - CHUYA QELLQA La Biblia en Quechua de Ayacucho 2012

²¹ Sutikiraykuyá ama qepanchakuruwaykuchu, munaychakunayki llaqtataqa amayá yanqacharuychu. Ñoqaykuwan pacto ruwasqaykitayá yuyariy, aswanqa nisqaykikunatayá cumpliykuy.

Quechua Ayacucho Bible 1987

²¹ Runaykikunataqa sutikiraykuyá ama qepanchakuruwaykuchu. Gobiernaspa tiyanayki llaqtataqa amayá yanqamanqa churaruychu. Yuyariyá ñoqaykuwan contrato rurasqaykitaqa. Amayá yanqacharuychu chay rurasqaykitaqa.

Chuya Qellqa 1992

²¹ Sutikiraykuyá ama qepanchakuruwaykuchu, munaychakunayki llaqtataqa amayá yanqacharuychu. Ñoqaykuwan pacto ruwasqaykitayá yuyariy, aswanqa nisqaykikunatayá cumpliykuy.

Jeremías 14:21 Iomraidhean Croise

Éxodo 32:13

Serviqniki Abrahamman, Isaacman hinaspa Israelman jurasqaykita yuyariy, paykunatam nirqanki: “Ñoqam cielopi chaskakunata hina miraynikichikta mirachispay prometesqay allpata qosaq, chaynapi wiñaypaq herencianku kananpaq”, nispa.

Isaías 62:6

Jerusalén llaqta, murallaykipa hawanpim cuidasuqnikikunata churaruni, paykunaqa tuta punchawmi mana upallaykuspa ninqaku: “Tayta Diosta qayakuqkuna ama upallaychikchu,

Jeremías 14:19

Dios Taytalláy, ¿pasaypaqtachu Judá nacionta qepanchakurunki? ¿Pasaypaqtachu Sión llaqtaykita cheqnikurunki? ¿Imanasqataq manaña hampiy atina kanaykukama castigaruwankiku? Hawkayaytam suyarqaniku, ichaqa sasachakuyllam chayaramuwanku; sanoyachisqa kaytam suyarqaniku, ichaqa manchakuyllapim kachkaniku.

Jeremías 14:7

Dios Taytallayku, huchaykum acusawachkanku, sutikiraykuyá yanapaykullawayku. Mana kasukusqaykuqa nana-nanaqmi, contraykipim huchallikuruniku.

Jeremías 17:12

Ñoqanchikpa yupaychananchik temploqa Tayta Diospa trononmi, qallariymantapacham alto-altopi kachkan, chay sitioqa kuyayllapaqmi.

Jeremías 3:17

Chay tiempopim Jerusalén llaqtata “Tayta Diospa tronon” nispa sutichanqaku, chaymanmi llapa nacionkuna huñunakamunqaku ñoqa Tayta Diosta adorawanankupaq; paykunaqa manam rumi sonqo kayninkuman hinañachu kawsanqaku.

Lamentaciones 1:10

Jerusalenpa kapuqninkunatam enemigonkuna lliwta apakunku, llaqtapi runakunam huklaw nacionniyuq runakunapa santuarionman yaykusqanta rikurqaku. Dios Taytalláy, qamqa manam munarqankichu chayna runakuna wasikiman yaykunantaqa.

Lamentaciones 2:20

Dios Taytalláy qawarispa yuyaymanariy, ¡manam pitapas kaynaniraqtaqa ruwarqankichu! ¿Yaqachu warmikuna wachakusqan wawata mikurunmanku? ¿Hinachu sacerdotekunawan profetakunapas temploykipi wañuchisqa kanqaku?

Ezequiel 20:22

Ichaqa manam chaynatachu ruwarqani, chaynapi imaynam Egipto nacionmanta hurqomusqayta qawaq nacionkunapa qayllanpi sutiy mana yanqachasqa kananpaq.

Ezequiel 24:21

Israelpa mirayninkunata kaynata niy: Ñoqa Tayta Diosmi kaynata nini: Qamkunapa anchallaña kuyasqaykichik hinaspa qawapayanaykichik temploytam millakuypaqta ruwarusaq. Chay templom qamkunapa kallpaykichik hinaspa hatunchakunaykichik karqa. Jerusalenpi saqemusqaykichik wawa-churikichikpas wañuchisqam kanqaku.

Ezequiel 39:25

Chayraykum ñoqa Tayta Dios kaynata nini: Jacobpa mirayninkunatam preso risqankumanta kutichimusaq, chuya sutiyraykum paykunataqa kuyapayarisaq, chaynapim sutiyta allinta qawachikusaq.

Ezequiel 43:7

Paymi kaynata nimuwarqa: Runapa churin, kay sitioqa tiyanaypa kanan hinaspa chakiykunapa sarupakunan sitiom, kaypim Israelpa mirayninkunapa chawpinpi wiñaypaq yachasaq. Israelpa mirayninkunawan reyninkupas manañam chuya sutiytaqa penqayman churanqakuñachu, nitaqmi wañusqa reyninkutapas yupaychanqakuñachu.

Daniel 9:7

Señorllayku, qamllam kanki tukuy imapas allin ruwaqqa, Judapa mirayninkunam, Jerusalén llaqtapi yachaqkunam, tukuy hinastinpi yachaq Israel ayllukunam penqaypi kachkaniku. Qampa contraykipi hatarispa qepanchasqaykuraykum tukuy hinastinman cheqerachiwarqankiku.

Levítico 26:11

Qamkunawan yachaspaymi manaña qepanchasqaykichikñachu.

Amós 6:8

Tukuy Atiyniyuq Tayta Diosmi kikin-rayku juraspa kaynata nin: Millakunim Israelpa hatun tukuynintapas, palacionkunatapas cheqninim; chayraykum llaqtata tukuy ima kapuqninkunatawan enemigonman qoykusaq, nispa.

Lucas 1:72

ñawpaq taytanchikkunamanta llakipayarikuspan pacto ruwasqanta yuyarinanpaq.

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

Efesios 2:7

Chaynataqa ruwarqa ancha-ancha kuyakuq kasqanta hinaspa maynatam kuyawasqanchikta Cristo Jesuswan hamuq tiempokunapi qawachikunanpaqmi.

Deuteronomio 32:19

Chayta rikuspanmi Tayta Dios sinchita piñakururqa, piñakuruspanmi qaritapas warmitapas churinkunata qepanchakururqa.

Apocalipsis 11:2

Ichaqa amam templopa pationtaqa tupumunkichu, chayqa kachkan mana judío kaqkunaman qosqam. Paykunam chay chuya llaqtataqa tawa chunka iskayniyuq killa sarutyaspa munaychakunqaku.

1~Samuel 12:22

Tayta Diosmi ichaqa, sutin hatunchasqa kasqarayku mana saqesunkichikchu. Payqa runankunaña kanaykichiktam munan.