Jeremías 14:20 - CHUYA QELLQA La Biblia en Quechua de Ayacucho 2012

²⁰ Dios Taytallayku, mana allinkuna ruwasqaykutam reqsikuniku, taytaykupa mana allinkuna ruwasqankutam reqsikuniku; qampa contraykipim huchallikuruniku.

Quechua Ayacucho Bible 1987

²⁰ Dios Taytalláy, reqsikunikum mana allinkuna rurasqaykuta. Reqsikunikum abueloykupa mana allinkuna rurasqankuta. Reqsikunikum huchaykuqa qampa contraykipi kasqanta.

Chuya Qellqa 1992

²⁰ Dios Taytallayku, mana allinkuna ruwasqaykutam reqsikuniku, taytaykupa mana allinkuna ruwasqankutam reqsikuniku; qampa contraykipim huchallikuruniku.

Jeremías 14:20 Iomraidhean Croise

2~Samuel 12:13

Hinaptinmi Natanta David nirqa: Tayta Diospa contranpim huchallikuruni, nispa. Chaymi Natán nirqa: Tayta Diosqa pampachaykunñam huchaykitaqa, manam wañunkichu.

2~Samuel 24:10

Runakuna yupayta tukuruspanmi sonqonpi ñakakuspan Tayta Diosta David nirqa: Diosnilláy, hatu-hatuntam kay ruwasqaywanqa huchallikuruni, kunanmi ruegakuyki kay serviqnikita pampachaykuwanaykipaq, muspaypi hinam kayta ruwaruni, nispa.

Nehemías 9:2

Huklaw llaqtayuqkunapa mirayninkunamanta rakikuspankum, kikinkupa huchankutawan ñawpaq taytankupa huchakunata willakurqaku.

Jobwan Sutichasqa Libro 33:27

Diosqa lliw runatam qawachkan, sichum pipas ninqa: “Huchallikurunim, allin arreglotam qewiruni, Diosmi ichaqa mana imanawanchu,

Jeremías 14:7

Dios Taytallayku, huchaykum acusawachkanku, sutikiraykuyá yanapaykullawayku. Mana kasukusqaykuqa nana-nanaqmi, contraykipim huchallikuruniku.

Jeremías 3:13

Mana allin ruwasqaykitayá reqsikuy, Tayta Diospa contranpim hoqarikurqanki; llaqesapa sachakunapa sikinpim mana reqsisqa runakunawan qanrakurqanki, kamachikuyniykunatapas manam kasukurqankichu. Ñoqa Tayta Diosmi chaynata nini.

Jeremías 3:25

Ñoqaykupas ñawpaq taytaykupas, qampa contraykipim huchallikuruniku; warma kasqaykumanta kunan punchawkamam qamtaqa mana kasurqaykikuchu. Chayraykum penqakuymanta pasaypaqta uchuychakunayku.

Jeremías 8:14

Hinaptinmi paykuna ninqaku: ¿Imatataq kaypi tiyaspa ruwachkanchik? Hatarispa murallasqa llaqtakunaman yaykusunchik, llapallanchik chaypi wañumusunchik, Tayta Diosmi wañuchimuwasunchik, paypa contranpi huchallikusqanchikmantam venenasqa yakuta tomarachiwanchik.

Lamentaciones 1:20

Dios Taytalláy, llakikuyniyta qawariway, ukullaypa timpusqanta qawariway, mana kasukuq kasqaymantam sonqollaypas tukukuchkan. Hawapim espadawan wawaykunata wañuchinku, wasi ukupipas wañuymi munaychakuchkan.

Lamentaciones 3:42

Ñoqaykum contraykipi huchallikuruniku, chayraykum mana pampachawarqankikuchu.

Lamentaciones 5:7

Tayta-mamaykum huchallikuruspa wañurunku, paykunapa huchanmantam ñoqayku ñakarichkaniku.

Daniel 9:15

Señor Diosnillayku, hatun atiynikiwanmi Egipto nacionmanta llaqtaykita hurqomurqanki, chay ruwasqaykikunawanmi qamqa anchallataña reqsichikunki. Chaywanpas ñoqaykuqa huchallikuruspam mana allinta ruwarqaniku.

Amós 7:2

Chay aqaruwaykuna qorakunatapas mikuyta tukuruptinkum mañakurqani: Dios Taytalláy, pampachaykullawayku, Israel llaqtaqa aschallam kaniku, ¿pitaq hatarichiwanqaku? nispay.