Jeremías 14:19 - CHUYA QELLQA La Biblia en Quechua de Ayacucho 2012

¹⁹ Dios Taytalláy, ¿pasaypaqtachu Judá nacionta qepanchakurunki? ¿Pasaypaqtachu Sión llaqtaykita cheqnikurunki? ¿Imanasqataq manaña hampiy atina kanaykukama castigaruwankiku? Hawkayaytam suyarqaniku, ichaqa sasachakuyllam chayaramuwanku; sanoyachisqa kaytam suyarqaniku, ichaqa manchakuyllapim kachkaniku.

Quechua Ayacucho Bible 1987

¹⁹ Dios Taytalláy, Judá nacionpi runakunataqa ¿pasaypaqtachu qepanchakurunki? Sion Moqopi llaqtataqa ¿tukuy sonqoykiwanchu cheqnipakurunki? ¿Imanasqataq manaña hampiy atinata castigaruwankiku? Hawkalla kaytam suyachkarqaniku ichaqa manam ima allinpas kanchu. Sano kaytam suyachkarqaniku ichaqa mancharisqallam kachkaniku.

Chuya Qellqa 1992

¹⁹ Dios Taytalláy, ¿Pasaypaqtachu Judá nacionta qepanchakurunki? ¿Pasaypaqtachu Sión llaqtaykita cheqnikurunki? ¿Imanasqataq manaña hampiy atina kanaykukama castigaruwankiku? Hawkayaytam suyarqaniku, ichaqa sasachakuyllam chayaramuwanku; sanoyachisqa kaytam suyarqaniku, ichaqa manchakuyllapim kachkaniku.

Jeremías 14:19 Iomraidhean Croise

2~Crónicas 36:16

Paykunam ichaqa Diospa kachasqan runakunamanta asikurqaku, profetakunapa willakusqankutapas mana uyariq tukuspankum burlakurqaku. Chayraykum runankunapa contranpi Tayta Dios piñakururqa manaña ima ruwaytapas atinankukama.

Jobwan Sutichasqa Libro 30:26

Allin kaqkunata suyachkaptiypas mana allin kaqkunam chayaramuwan; achkiyta suyachkaptiypas tutayaymi chayaramuwan.

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Jeremías 12:7

Llaqtaytam saqeruni, ñoqapa kaqtam qepanchakuruni, tukuy sonqoywan kuyasqay naciontam enemigonkunaman qoykuni.

Jeremías 12:8

Llaqtaymi monte león hinaña rikurirun, ñoqapa contraypim qaparin, chayraykum cheqnipakuruni.

Jeremías 15:1

Tayta Diosmi kaynata niwarqa: Moiseswan Samuelña ñawpaqniyman hamuptinkupas, manam kay runakunataqa llakipayarisaqchu. ¡Kaymanta qarqoy, qayllaymanta lloqsichunku!

Jeremías 15:18

¿Imanasqataq kay nanayniyqa manaña tukuq? ¿Imanasqataq kay heridaykunaqa manaña hampiy atina? ¿Chakiruqlla yaku hinachu ñoqapaq rikurirunki? ¿Mana yakuyuq pukyu hinachu ñoqapaq rikurirunki? nispa.

Jeremías 30:12

Ñoqa Tayta Diosmi kaynata nini: Heridaykiqa mana hampiy atinam, onqoynikipaqqa manam hampi kanchu.

Jeremías 30:13

Nanachikusuqnikipas manam kanñachu, heridaykikuna hampiykuqpas manam kanñachu, onqoynikipas mana hampiy atinam.

Jeremías 51:5

Israel runakunawan Judá runakunam contraypi huchallikuspanku nacionninkuta huchawan huntachirqaku, chaywanpas ñoqa Tukuy Atiyniyuq Tayta Diosqa manam Israel naciontawan Judá naciontaqa saqerqanichu.

Jeremías 6:30

Wischupakusqa qollqewanñam sutichasqa kachkanku, ñoqa Tayta Diosta qepanchawasqankuraykum chaynaqa kachkanku.

Jeremías 7:29

¡Jerusalén llaqta, chukchaykita rutukuspa wischuy, chunniq orqokunapi waqamuy! Tayta Diosmi runaykikunapaq piñasqa kachkan, miraynikikunatam qepancharuspa saqerun.

Jeremías 8:15

Hawka kawsakuytam suyarqanchik ichaqa sasachakuyllam chayaramuwanchik; sanoyananchikpaq punchawtam suyarqanchik ichaqa muspaypi hinam rikurirunchik.

Jeremías 8:22

¿Manachu Galaad lawpi hampi kan? ¿Manachu chaypi pipas hampiq kan? ¿Imanasqataq onqoyninmanta llaqtay mana sanoyanchu?

Lamentaciones 2:13

Jerusalén llaqta, ¿pitaq qampa rantikipi rimarinman? ¿Pimantaq rikchanachikiman sonqoykita tiyachinaypaq? Sión llaqta lamar qocha hina hatunmi llakikuynikiqa, ¿pitaq hampiykusunkiman?

Lamentaciones 2:22

Fiestaman hinam mancharichiqniykuta tukuy hinastinmanta huñuramunki. Dios Taytalláy, piñakusqayki punchawpiqa manam pipas kawsachkaqqa ayqerqachu, Allinta uywaspa qespichisqaytapas enemigoymi hamuruspan wañurachin.

Lamentaciones 4:17

Ñawiykupas utisqam yanapaqniykuta yanqa suyachkaniku, uyan-uyanllam kachkaniku, mana salvay atiq naciontam suyachkaniku.

Lamentaciones 5:22

¿Pasaypaqtachu qepanchakuruwankiku? ¿Pasaypaqtachu contraykupi piñakurunki?

Miqueas 1:12

Marot llaqtapi yachaqkunapas allinyayta maskaspankum qewipakuchkanku, Tayta Diosmi Jerusalenpa punkunman ñakariyta kachaykamun.

1~Tesalonicenses 5:3

Hawkam, segurom kachkanchik, nispa, runakuna nichkaptinkum qonqayllamanta paykunaman hatun sasachakuy chayaramunqa, dolorwan hapichikuq warmi hinam kanqaku, manam lluptinqakuchu.