Jeremías 14:16 - CHUYA QELLQA La Biblia en Quechua de Ayacucho 2012

¹⁶ Chay profetakunapa willakusqankuta uyariqkunapas, war-minkuwan llapa churinkuwan kuskam guerrapiwan yarqaypi wañunqaku. Ayankunapas Jerusalén llaqtapa callenkunapim wischurayanqa, manam pipas pampanqachu. Chaynatam mana allin ruwasqankumanta pagapusaq.

Quechua Ayacucho Bible 1987

¹⁶ Chay willakuqkunapa nisqanta uyariqkunapas guerrawan yarqaywanmi wañunqaku warminkunawan chaynataq churinkunawan kuska. Ayankunatam Jerusalen llaqtapa callenkunaman wischunqaku ichaqa manam pipas pampaqninku kanqachu. Chaynatam paykunaman pagasaq mana allinkuna rurasqankumanta.

Chuya Qellqa 1992

¹⁶ Chay profetakunapa willakusqankuta uyariqkunapas, warminkuwan llapa churinkuwan kuskam guerrapiwan yarqaypi wañunqaku. Ayankunapas Jerusalén llaqtapa callenkunapim wischurayanqa, manam pipas pampanqachu. Chaynatam mana allin ruwasqankumanta pagapusaq.

Jeremías 14:16 Iomraidhean Croise

Proverbios 1:31

mana allin ruwaynikichikpa rurunta mikunkichik, mana allin munaynikichiktam saksankichik.

Isaías 51:20

Wawaykikunam manaña kallpayuq rikurirunku, mallapi wichqasqa luwichu hinam callekunapi wischurayachkanku, paykunaqa Diosnikipa piñakuyninwan ñakarichisqam kachkanku.

Isaías 9:16

Kayna kamachikuqkunam llaqtata pantarachin, kamachisqan runakunañataqmi pantaypi rikurirun.

Jeremías 16:4

Paykunaqa ñakarichikuq onqoykunawanmi wañunqaku, paykunamantaqa manam pipas waqanqachu nitaqmi pipas pampanqachu. Hatun ispay hinam pampapi wischurayanqaku. Guerrawan yarqaywanmi paykunataqa tukurunqa, ayankutapas alton pawaq animalkunawan purun animalkunam mikunqa, nispa.

Jeremías 18:21

Chaynaqa, churinkunatayá yarqaymanta wañuchiy, espadawanyá paykunata wañuchiy; warminkupas viudayaspa manaña wawayuq qepachun. Qosankutapas peste onqoy wañuchichun, jovenkunapas guerrapi wañuchunku.

Jeremías 20:6

Pasur, qampas wasikipi llapallan yachaqkunapiwanmi Babiloniaman preso apasqa kanki. Chaypim wañuspa pampasqa kanki, chaypitaqmi profeta tukuspa rimapayasqayki amistadnikikunapas pampakunqaku, nispa.

Jeremías 27:15

Paykunataqa manam kachamurqanichu, paykunaqa llullatam ñoqapa sutiypi rimachkanku, chaynapi qamkunatapas chaynataq llulla profetaykichikkunatapas ñoqa Tayta Dios qarqoruptiy wañunaykichikpaq, nispa.

Jeremías 4:18

Mana allin kawsaynikiraykum, mana allin ruwaynikikunaraykum, kaykuna pasasunki; mana allinkuna ruwasqaykipa pagonmi kayqa, chayraykum sonqoykita pasaypaqta nanachisunki.

Jeremías 5:31

Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa, ¿imatataq tukupay punchaw chayamuptin ruwankichik?

Jeremías 7:33

Kay runakunapa ayantam alton pawaq animalkunawan purun animalkunaña mikunqaku, manam pipas amachaq kanqachu.

Jeremías 8:1

Tayta Diosmi kaynata nin: Chay tiempopim, Judá nacionpi reykunapa tullunkunata, kamachikuqkunapa tullunkunata, sacerdotekunapa tullunkunata, profetakunapa tullunkunata chaynataq Jerusalén llaqtapi yachaq runakunapa tullunkunata, sepulturankumanta hurqonqaku.

Jeremías 8:2

Chay tullukunam intiman, kullaman, chaynataq chaskakunamanpas machqepasqa kanqa; chaykunatam paykuna kuyarqaku, servirqaku, qatirqaku, tapukurqaku hinaspa hatuncharqaku. Chay tullukunataqa manam pipas huñunqachu nitaq pampanqachu, wanu hinañam allpa hawanpi qepanqa.

Jeremías 9:20

Yaw warmikuna, Tayta Diospa palabranta uyariychik, nisqankunatayá chaskiychik. Warmi wawaykichikta waqanankupaq yachachiychik, warmimasikichikman kay aya takita yachachiychik:

Jeremías 9:22

Runakunapa ayanmi hatun ispay hina chakrakunapi wischurayachkan, rutuqkunapa qepanpi gavillakuna hinam wischurayachkan, manam pipas hoqariq kanchu. Ñoqa Tayta Diosmi chaynata nini.

Ezequiel 39:14

Chay qanchis killa pasaruptinmi runakunata minkanqaku lliw nacionta muyumuspanku tarisqanku ayakunata pampamunankupaq, chaynata nacionta limpianankupaq.

Amós 7:17

Chayraykum Tayta Dios kaynata nin: Warmikim llaqtapa chawpinpi chuchumika kanqa, churikikunam espadapi wañunqaku, allpaykitapas sorteaspam rakinakunqaku; qampas Diosta mana reqsiq runakunapa llaqtanpim wañunki, Israelñataqmi karu llaqtaman preso apasqa kanqa, nispa.

Mateo 15:14

Fariseokunataqa ama kasuychikchu. Paykunaqa ñawsakunam kanku, ñawsamasinku pusaqkunam. Ñawsapura pusanakuspaqa iskayninkum uchkuman wichiykunqaku, nispan.

Apocalipsis 16:1

Templomantam huk hatun qaya-kuyta uyarirqani, qanchis angelkunatam kaynata nimurqa: Rispayá Diospa piñakuyninwan huntasqa qanchis copakunata allpa pachaman tallimuychik, nispa.