Jeremías 14:14 - CHUYA QELLQA La Biblia en Quechua de Ayacucho 2012

¹⁴ Hinaptinmi Tayta Diosñataq niwarqa: Paykunaqa sutiypi profetizaspan-kupas llullakuchkankum, paykunataqa manam kachamurqanichu nitaqmi rimapayarqanichu. Paykunaqa yanqa revelaciontam, yanqa visionkunatam, sonqonkumanta yanqakuna hurqos-qankutam profetizachkanku.

Quechua Ayacucho Bible 1987

¹⁴ Chaymi Tayta Diosñataq niwarqa: —Ñoqamanta willakuqkuna chaynata sutiypi rimaspankuqa llullakuchkankum, paykunataqa manam kacharqanichu, manam kamachirqanichu nitaqmi rimapayarqanipaschu. Paykunaqa willakuchkanku yanqa revelacionkunallamantam, yanqakuna musyasqankumantam chaynataq sonqonkupi yanqa kaqkunallatam.

Chuya Qellqa 1992

¹⁴ Hinaptinmi Tayta Diosñataq niwarqa: Paykunaqa sutiypi profetizaspankupas llullakuchkankum, paykunataqa manam kachamurqanichu nitaqmi rimapayarqanichu. Paykunaqa yanqa revelaciontam, yanqa visionkunatam, sonqonkumanta yanqakuna hurqosqankutam profetizachkanku.

Jeremías 14:14 Iomraidhean Croise

Isaías 56:10

Llaqtay nanachikuqkunaqa ñawsakunam, mana imallatapas yachaqkunam, llapallankupas mana rimariq allqokunam, mana anyakuy atiq allqokunam, wischurayaspa puñuywan arwitakuqkunam, puñukuylla kuyaqkunam.

Isaías 9:15

Ancianokunapiwan reqsisqa runakunam chay animalpa uman hina, mana cheqap kaqta willakuq profetakunañataqmi chay animalpa chupan hina.

Jeremías 20:6

Pasur, qampas wasikipi llapallan yachaqkunapiwanmi Babiloniaman preso apasqa kanki. Chaypim wañuspa pampasqa kanki, chaypitaqmi profeta tukuspa rimapayasqayki amistadnikikunapas pampakunqaku, nispa.

Jeremías 28:11

hinaspam llapallan runakunapa qayllanpi nirqa: Tayta Diosmi kaynata nin: Kaymanta iskay watamanmi, Babilonia nacionpi rey Nabucodonosorpa yugonta, llapallan nacionkunapa kunkanmanta pakisaq, nispa. Chaymi profeta Jeremías pasakurqa.

Jeremías 28:13

Ñoqa Tayta Diospa nisqayta Hana-niasman kaynata nimuy: Kaspimanta pakipasqayki yugopa rantinpim fierromanta yugotaña ruwaruni.

Jeremías 28:15

Hinaptinmi Hananiasta profeta Jere-mías nirqa: ¡Yaw Hananías, uyariway! Tayta Dios mana kamachimusuchkap-tikim kay runakunata llulla rimaynikikunapi hapipachichkanki.

Jeremías 29:21

Colaiaspa churin Acabmantawan Maasiaspa churin Sedequiasmanta chaynataq ñoqapa sutiypi llullakuspa willasuqnikichik profetakunamantam ñoqa Israelpa yupaychasqan Tukuy Atiyniyuq Tayta Dios kaynata nini: Babilonia nacionpa reynin Nabuco-donosorman qoykuptiymi qayllaykichikpi paykunata wañuchinqa.

Jeremías 29:31

Jerusalén llaqtamanta llapallan preso apasqa kaqkunaman ñoqa Tayta Diospa nisqayta kaynata willachimuy: Nehelam llaqtayuq Semaiasmi, mana kachamuchkaptiy llullakunata rimaspa yanqakunapi creechisuchkankichik.

Jeremías 37:19

¿Maypitaq kachkan “Babilonia nacionpa reyninqa, manam atacamusunkichikchu qamkunatapas nitaq kay naciontapas”, nispa nisuqnikichik profetakunaqa?

Jeremías 5:31

Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa, ¿imatataq tukupay punchaw chayamuptin ruwankichik?

Jeremías 8:10

Chayraykum warminkutapas hukmanña qoykusaq, chakrankutapas hukmanñam qoykusaq. Paykunaqa hatunpas taksapas apuyaruyllatam maskanku, profetawan sacerdotekunapas engañakuqllañam rikurirunku.

Jeremías 8:11

Runaykunapa heridantapas hawanpi ukunpim hampiykunku, manaña hawkayay kachkaptinpas: “Hawkallam kakusunchik”, nispam ninku.

Lamentaciones 2:14

Profetaykikunapas pantaykunallatam willasurqanki manam huchaykikunataqa qawachisurqankichu, mana chayqa manam preso riwaqchu karqa, aswanqa llullakunatawan mana pasaqkunallatam willasurqanki chaykunawanmi pantachisurqanki.

Lamentaciones 2:9

Punkunkunapas lliwmi tuñirun, punku cerrojonkunatapas pasaypaqtam pakiparun. Reyninpas kamachiqninkunapas Diosta mana reqsiq runakunapa chawpinpiñam kachkanku, profetankunapas manañam Diosmanta visionkunata chaskinkuñachu.

Ezequiel 12:24

Israel ukupiqa manañam kanqañachu: “Diosmi qawaykachiwan” nispa llullakuqkunawan profeta tukuqkunapas.

Ezequiel 13:2

Runapa churin, Israel nacionpi profeta tukuqkunapa contranpi, kikinkupa sonqonkumanta hurqospa llulla rimaq profetakunata kaynata nimuy: Tayta Diospa nisqanta uyariychik.

Ezequiel 13:23

Chaynaqa, yanqa visionkunatapas manañam chaskinkichikñachu, nitaqmi llulla profeciakunatapas willakunkichikñachu, llaqtaytam qamkunapa makikichikmanta librasaq, chaynapim Tayta Dios kasqayta yachankichik, nispa.

Ezequiel 21:29

Paykunaqa revelacionta qawaspapas yanqakunallatam willakunku, profetizaspankupas llullatam rimanku. Chay millakuypaq mana allin runakunataqa espadam wañuchinqa, castigasqa kananku punchawmi hichpamuchkanña.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Zacarías 10:2

Idolokunapa rimasqanqa llullam, qatipaqkunapa rikusqanpas pantaymi, yanqa musqoy hinallam willakuyninkupas, yanqa rimayllam sonqo tiyachita rimasqankupas. Chayraykum runakunaqa, mana michiqniyuq ovejakuna hina llutanpi purispa michiqninku mana kaptin ñakarichkanku.

Zacarías 13:3

Chaynapim pipas hinallaraq profetizaptinqa, hina tayta mamallan ninqa: “Llullakuspa Tayta Diospa sutinpi rimasqaykiraykum wañunkipuni”, nispa. Pipas profeta tukuqtaqa, ¡hina tayta mamallanmi espadawan tuksirunqa!

Deuteronomio 18:20

Pipas profeta tukuspa mana kamachichkaptiy sutiypi rimaqtaqa otaq idolokunapa sutinpi rimaqtaqa, wañuchinkichikpunim”, nispa.

1~Timoteo 4:2

iskay uya llulla runakunataña uyarinqaku, chay runakunapaqa concienciankupas qarayasqañam kachkan.

1~Juan 4:1

Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.