Jeremías 13:27 - CHUYA QELLQA La Biblia en Quechua de Ayacucho 2012

²⁷ Rikurqanim waqllikusqaykitapas, yegua hina weqeqeqespa hukwan-hukwan qanrakusqaykitapas, rikurqanitaqmi chuchumika warmi hina, moqokunapipas pampakunapipas millakuypaq kaqkuna ruwasqaykitapas. ¡Ay, Jerusalén llaqta! ¿Haykapikamataq mana chuyanchakunkichu? nispa.

Quechua Ayacucho Bible 1987

²⁷ Rikurqanim hukwan-hukwan tupakurusqaykita. Rikurqanim weqeqeqeq yegua hina rurasqaykita. Rikurqanim moqokunapi millakuypaqkuna rurasqaykita. Rikurqanim chakrakunapi millakuypaqkuna rurasqaykita. ¡Ay Jerusalen llaqta, qamqa manam limpiakunkichu! ¿Haykapikamataq mana limpiakunkichu?

Chuya Qellqa 1992

²⁷ Rikurqanim waqllikusqaykitapas, yegua hina weqeqeqespa hukwan-hukwan qanrakusqaykitapas, rikurqanitaqmi chuchumika warmi hina, moqokunapipas pampakunapipas millakuypaq kaqkuna ruwasqaykitapas. ¡Ay, Jerusalén llaqta! ¿Haykapikamataq mana chuyanchakunkichu? nispa.

Jeremías 13:27 Iomraidhean Croise

Proverbios 1:22

Mana yachayniyuq jovenkuna, ¿haykapikamataq mana yachayniyuq kankichik? ¿Haykapikamataq burlakuynikichikpi kusikuspa yachayta cheqninkichik?

Isaías 57:7

Sayay-sayay alto orqopa puntanpim camaykita churarqanki, chay orqokunamanmi ofrenda kañaq seqarqanki

Isaías 65:7

Mana allinkuna ruwasqaykichikmantam, ñawpaq taytaykichikkunapas orqokunapi inciensota kañaspa piñachiwasqankumantam, pagapusqaykichik, nispa.

Jeremías 11:15

Kuyasqay llaqtalláy llumpayta huchallikuchkaspaqa, ¿imatataq kay temploypi ruwanki? ¿Yaqachu wirakunawan aychakuna ofrecewasqaykichik castigoyta qamkunamanta asurachinman? ¿Mana allinkunapi kachkaspachu anchata kusikunkichik?

Jeremías 3:6

Rey Josiaspa munaychakusqan tiempopim Tayta Dios kaynata niwarqa: ¿Rikurqankichu mana kasukuq Israelpa ruwasqanta? Alto orqokunaman rispanmi chuchumika warmi hina qanrakurqa rapisapa sachakunapa sikinpi.

Ezequiel 16:23

Chayraykum ñoqa Tayta Dios kay-nata nini: ¡Ay, imaynaraq kanki chay millakuypaq mana allin kaqkuna ruwasqaykimanta!

Ezequiel 2:10

Qawachkaptiymi chay libroqa ñawpaqniypi mastariykurqa, hinaptinmi ñawpaqninpipas chaynataq qepanpipas aya takikuna, nanaywan hapichikuykuna hinaspa sasachakuykuna qellqasqa kasqa.

Ezequiel 20:28

Paykunaqa juramentowan prometesqay allpaman yaykuruspankupas, alto moqokunata hinaspa rapisapa sachakunata qawaykuspankum animalkunata kañaspa piñachiwarqaku, chaykunapim inciensota kañaspanku vinotapas tallirqaku.

Ezequiel 24:12

Ichaqa yanqapaqmi chay ruwasqaykipas, chay mankapa akarusqanqa manam ninawanpas lloqsinmanchu.

Ezequiel 24:13

Jerusalén llaqta, munasqaykipi purispa qachachakusqaykitam mayllaykuyta munarqayki, qanmi ichaqa mayllachikuyta mana munarqankichu. Mayllasqaqa kanki sinchi piñakuyniyta qanman kachaykamuptiyñam.

Ezequiel 24:6

Ñoqa Tayta Diosmi kaynata nini: ¡Imallapiraq rikukunqa runa wañuchiq llaqta! Chay llaqtaqa akasqa manka hinam, akarusqanqa manaña siksiy atinam. Chay mankamanta chulla-chullamanta llapallan aychata hurqoy.

Ezequiel 36:25

Imawanpas qachachakusqaykichiktam chuya yakuwan mayllasqaykichik, idolokunawan qacha-chakusqaykichikmantam chuyan-chasqaykichik.

Ezequiel 36:37

Ñoqa Tayta Diosmi kaynata nini: Chaywanpas ñoqaqa Israel llaqtapa qayakusqanraqmi kasaq kaykuna ruwanaypaq: Paykunatam ovejakunata hina achkallataña mirarachisaq.

Ezequiel 6:13

Altarkunapa muyuriqninpi, idolokunapa chawpinpi, alto moqokunapi, orqokunapa puntankunapi, llaqesapa sachakunapa sikinkunapi, encina sachakunapa sikinkunapi hinaspa idolonkunaman incienso qontichinankunapim wañusqakunata rikunqaku. Chaykunata qawaspankum ñoqa Tayta Dios kasqayta yachanqaku.

Oseas 1:2

Kaymi Oseasman Tayta Diospa rimarisqan simikuna. Tayta Diosmi Oseasta nirqa: Rispayki chuchumika warmiwan casarakamuy hinaspa chay warmipi churyamuy, “huchapakuy wawakuna”, nisqa kanankupaq. Israelmi Tayta Diosmanta sapaqchakuruspan chuchumika warmi hinaña rikurirun, nispa.

Oseas 4:2

Aswanqa yanqamanta juramentaywan llullakuymi, wañuchinakuywan suwakuymi, cheqninakuywan waqllikuymi mirakuchkan, manaña tukuytam wañuchinakuchkanku.

Oseas 8:5

Samaria llaqtapi yachaqkuna, qori torillo idoloykichikta wischuychik, qamkunapaqmi llumpa-llumpayta piñakuruni. ¿Haykapikamataq mana chuyanchakuy atiq kankichik?

Sofonías 3:1

¡Imallapiraq rikukunqa! mana kasukuq huchapa intusqan ñakarichikuq llaqta.

Mateo 11:21

¡Ay, Corazín llaqta, imaynaraq kanki! ¡Ay, Betsaida llaqta, imaynaraq kanki! Sichum qamkuna ukupi ruwasqay milagrokunata Tiro llaqtapi hinaspa Sidón llaqtapi ruwaptiyqa, chayllachá qachqa pachawan churakuykuspa, uchpawan machqekuspa wanakurunmankuña karqa.

2~Corintios 12:21

Manchakuchkanitaqmi huktawan hamuptiy Diosniy qamku-napa rantikichikpi penqayman churawananmanta, chaynata tariykamuspayqa waqasaqchá. Ñawpaqmantaraqmi mana wanakuspa hinallaraq huchallikuchkankichik. Qamkunaqa manaraqmi wanakunkichikraqchu qanra vidaykichikmanta, waqllikuymanta hinaspa viciokunapi puriykunamantapas.

2~Corintios 7:1

Kuyasqay wawqe-panillaykuna, chayna promesakuna kachkaptinqa aychanchikpi hinaspa espiritunchikpi tukuy mana allinmantayá chuyanchakusun, Diosta kasukuspayá aswan-aswan payllapaqña sapaqchakusun.

Santiago 4:4

¡Diosta qepanchakuq runakuna! ¿Manachu yachankichik kay pachapi kaqkunallata kuyaruspaqqa Diospa enemigonña kasqaykichikta? Pipas kay pachapi kaqkunallata kuyaruqqa Diospa enemigonmi rikurirun.

Apocalipsis 8:13

Huk angeltapas rikururqanitaqmi cielopa chawpinta pawachkaqta, paymi kaynata qaparirqa: ¡Ay, ay, ay! ¡Imaynaraq kanqaku kay pachapi kaqkuna, kimsa angelkunapas trompetata tocaykuptinqa! niqta.