Jeremías 13:24 - CHUYA QELLQA La Biblia en Quechua de Ayacucho 2012

²⁴ Chayraykum qamkunataqa cheqerachisqaykichik, imaynam chunniqpi wayrawan qopata apachichkaq hina.

Quechua Ayacucho Bible 1987

²⁴ Chayraykum chunniqpi wayrawan cheqerachisqaykichik. Wayrapa apakachasqan qopata hinam cheqerachisqaykichik.

Chuya Qellqa 1992

²⁴ Chayraykum qamkunataqa cheqerachisqaykichik, imaynam chunniqpi wayrawan qopata apachichkaq hina.

Jeremías 13:24 Iomraidhean Croise

Isaías 17:13

Chayman rikchakuqña hamuptinkupas, Dios qaqchaptinmi karukunamanraq lluptinqaku, wayrapa apasqan qopa hinaraq, sinchi wayrapa hoqarisqan allpa hinaraq.

Isaías 41:16

Wayrachiptikim wayra apanqa, nisyu wayram lliwta cheqerachinqa. Qanmi ichaqa Tayta Diospi kusikunki, Israelpa Chuya Diosninraykum alabakunki.

Jeremías 18:17

Israel runakunataqa, Intipa qespimunan lawmanta pukumuq wayra hinam, enemigonkunapa qayllanpi cheqerachisaq. Sasachakuypi kaptinkupas manaña qawarispaymi qepanchakurusaq.

Jeremías 9:16

Taytankupapas kikinkupapas mana reqsisqanku nacionkunamanmi cheqechisaq. Espa-dawan qatikachachispaymi manaña chullapas puchunankukama tukusaq, nispa.

Lamentaciones 1:15

Señormi wischururqa qari-qari soldadoykunata, akllasqa jovenniykunata tukurunanpaqmi tropakunata contraypi huñuramurqa, Señorqa uchkupi uvasta saruchkaq hinam Judá nacionpi sipaskunatapas saruparurqa.

Ezequiel 17:21

Allinnin soldadonkunapas guerrapim wañunqaku, puchuqkunañataqmi tukuy hinastinman cheqechisqa kanqaku, chaynapim yachanqaku ñoqa Tayta Dios rimasqayta, nispa.

Ezequiel 5:12

Qamkuna-manta kimsaman rakisqapa hukninmi peste onqoywan hinaspa yarqaywan llaqta ukupi wañunqaku. Huknin rakiñataqmi espadawan llaqtapa muyuriqninpi wañuchisqa kanqaku. Chaymanta puchuqkunatañataqmi tukuy hinastinman cheqerachisaq. Ñoqaqa espada makintinmi paykunata qatikachasaq.

Ezequiel 5:2

Llaqta atacayta tukuruspaykim huknin rakisqayki chukchaykita llaqta chawpinpi kañanki. Chaymantam huknin rakisqayki chukchaykita llaqtapa muyuriqninpi kuchupanki. Huknin rakisqayki chukchaykitañataqmi wayrawan apachinki. Ñoqam espada makintin paykunata qatikachasaq.

Ezequiel 6:8

Chaywanpas ñoqaqa wakillayki-chiktapas puchuykusqaykichikraqmi. Chaynapim qamkunaqa guerramanta ayqespa nacionkunaman cheqechisqa kankichik.

Oseas 13:3

Chayraykum paykunaqa achikyay puyu hina waspirunqaku, achikyaq sulla hina chinkarunqaku; wayrapa apasqan qopa hinam chinkarunqaku, wasi uchkunta lloqsiq qosni hinam chinkarunqaku.

Levítico 26:33

Huklaw nacionkunamanmi cheqechisqaykichik, hinaspam guerrawan qatikachachisqaykichik, nacionnikichikmi chunninqa, llaqtaykichikkunam purmanqa.

Sofonías 2:2

qopa hina huk punchawllapi manaraq chinkaruchkaspa, Tayta Diospa hatun piñakuynin punchaw hawaykichikman manaraq chayaramuchkaptin.

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

Deuteronomio 28:64

Tayta Diosmi llapallan nacionkunaman, kay pachapa patanmanta huknin patankama cheqechisunkichik. Chaypim qamkunapa chaynataq ñawpaq taytaykikunapa mana reqsisqan kullumanta hinaspa rumimanta ruwasqa idolokunataña servinkichik.

Deuteronomio 32:26

Paykuna cheqerachiytam tantearqani, manaña yuyarisqa kanankupaq chinkarachiytam tantearqani.

Deuteronomio 4:27

Huklaw nacionkunaman Tayta Dios cheqerachisuptikichikmi chay nacionkunapi asllaña puchunkichik.