Jeremías 13:18 - CHUYA QELLQA La Biblia en Quechua de Ayacucho 2012

¹⁸ Reytawan maman reinata kaynata nimuy: Uchuychakuspa pampapi tiyaychik, umaykichikta adornaq coronam pampaman wichirun.

Quechua Ayacucho Bible 1987

¹⁸ Reytawan mamantam ninki: “Humillakuspayá pampapi tiyaychik. Wichirunñam umaykichikta adornaq coronaykichik.”

Chuya Qellqa 1992

¹⁸ Reytawan maman reinata kaynata nimuy: Uchuychakuspa pampapi tiyaychik, umaykichikta adornaq coronam pampaman wichirun.

Jeremías 13:18 Iomraidhean Croise

2~Reyes 24:12

Hinaptinmi Judá nacionpa reynin Joaquinqa, mamanpiwan, serviqninkunapiwan, kamachikuqkunapiwan hinaspa palacionpi serviqkunapiwan Babilonia reypa makinman churakuykurqaku. Nabucodonosorqa presocharurqa Babilonia nacionpi pusaq wataña munaychakuchkaspanmi.

2~Reyes 24:15

Rey Nabucodonosorqa, rey Joa-quintawan, mamanta, warminkunata, palacionpi serviqninkunata chaynataq llaqtapi ancha reqsisqa runakunatapas presocharuspam Babiloniaman aparqa.

2~Crónicas 33:12

Chayna ñakariypi kaspanmi Mana-sesqa yupaychasqan Tayta Diosta mañakurqa, ñawpaq taytankunapa yupaychasqan Tayta Diospa qayllanpim uchuychakurqa.

2~Crónicas 33:19

Mañakuyninpas, chay mañakuyninpa contestasqa kasqanpas, imakunawanmi huchallikusqanpas, Tayta Diosta qepanchasqanpas, maykunapim capillakuna ruwachisqanpas, manaraq Tayta Diospa qayllanpi uchuychakuchkaspa Asera idolokunatawan rikchaqmana idolokunata ruwachispan maykunapim churasqanpas, profetakunapa qellqasqan libropim qellqasqa kachkan.

2~Crónicas 33:23

Manam taytan Manasés hinaqa uchuychakurqachu, aswanraqmi payqa huchaman qokururqa.

Éxodo 10:3

Chaymi Moiseswan Aarón, Faraonpa qayllanman yaykuspa nirqaku: Hebreo runakunapa Diosninmi kaynata nin: “¿Haykapikamataq ñoqapa qayllaypi mana uchuychakunkichu? Yupaychamuwanankupaq llaqtayta kachariy.

Éxodo 39:28

Mitratapas, uma watakunatapas hinaspa calzoncillokunatapas kawpusqa linomantam ruwarqaku;

Proverbios 27:24

tukuy imayuq kaypas manam unaypaqchu, coronapas manam wiñaypaqchu.

Isaías 3:20

uma wankukunata, chakipi alhajakunata, weqaw watana adornokunata, perfumekunata, amparokunata,

Isaías 3:26

Llaqtapi runakunam waqaspa lutokunqaku, saqesqa warmi hinam allpapi tiyanqaku.

Isaías 47:1

Tayta Diosmi kaynata nin: Sipas kaqlla Babilonia llaqta, uraykamuspa ñutu allpapi tiyay. Sipas kaqlla Caldea llaqta, tronoykimanta uraykamuspa pampapi tiyay. Manañam qanmantaqa ninqakuñachu: “Kuyayllapaq sumaq llaqta”, nispaqa.

Jeremías 22:24

Judá nacionpa reynin Joacimpa churin Jeconiastam Tayta Dios kaynata nin: Alleq makiypi anillo hinaña kaptikipas chaymanta hurqoruspaymi wikaparuykiman

Jeremías 22:26

Qamtapas mamaykitapas mana nacesqaykichik nacionmanmi qarqosqaykichik, hinaptinmi chaypi wañumunkichik.

Jeremías 29:2

Qellqarqaqa Jerusalén llaqtamanta rey Jeconiasta, reinata, palaciopi servikuqkunata, Judá nacionpi kamachikuqkunata, Jerusalén llaqtapi wakin runakunata, tukuy imapi llamkaq maestrokunata chaynataq herrerokunatapas Babilonia lawman rey Nabucodonosor presota apachisqanpa qepantam.

Jeremías 36:16

Leesqan palabrakunata uyariruspankum mancharisqallaña qawanakurqaku, hinaspam Baructa nirqaku: Cheqaptapunipas kay uyarisqanchik palabrakunataqa reymanmi willananchik, nispanku.

Lamentaciones 1:6

Sionpa kuyayllapaq kayninpas chinkarunmi, kamachiqninkunapas pastota mana tariq luwichukuna hinam kachkanku, enemigonkunapa ñawpaqnintam manaña kallpayuq lluptichkanku.

Lamentaciones 1:9

Qachachakusqanpas sutillam pachanpi kachkan, manam musyakurqachu imaynam tukuruytapas, qonqaymantam wichiykun, manam pipas consuelaqnin kanchu. Dios Taytalláy, sasachakuypi kallasqayta qawariway, enemigoypa hatunchakusqanta qawariy.

Lamentaciones 2:10

Kuyayllapaq Sionpa ancianonkunapas pampapim upallalla tiyachkanku, umankuman uchpata machqekuykuspam luto pachawan churakurunku. Jerusalenpa sipas wawankunam pampamam kumuykunku.

Lamentaciones 5:16

Umaykupi coronaykupas wichirunmi, ¡imallapiraq rikukuniku, huchallikurunikum!

Ezequiel 16:12

Senqaykimanpas huk anillotam churaykurqayki, rinriki-manpas aretekunatam churaykurqayki, umaykimanpas huk coronatam churay-kurqayki.

Ezequiel 21:26

Ñoqa Tayta Diosmi kaynata nini: Chay uma wankinaykita hurqokuy, hurqokuytaq chay coronaykitapas, tukuy imapas manam ñawpaqta hinañachu kanqa. Pampapi kaqmi altoman churasqa kanqa, altopi kaqñataqmi pampaman uchuychasqa kanqa.

Ezequiel 24:17

Llakispaqa-llakikuy upallallamanta, paymantaqa ama lutokuychu. Uma wataykitapas ama hurqokuychu, amataq qala chakipas puriychu. Uyaykitapas ama tapakuychu, chayna punchawkunapi mikuna mikuytapas ama mikuychu, nispa.

Ezequiel 24:23

Uma wataykichiktapas, usutaykichiktapas manam hurqokunkichikchu, manam qaparinkichikchu nitaqmi waqankichikpaschu. Aswanqa huchaykichikrayku ñakarispam manaña kallpayuq huknikichikmanta huknikichikkama waqachinakunkichik.

Ezequiel 44:18

Paykunaqa umankupim linomanta uma wankinata apanqaku, churakunqakutaqmi linomanta calzoncillokunawanpas, sudachikuq pachawanqa amam churakunqakuchu.

Daniel 5:20

Aswanqa hatun tukuruspa sonqonpi hoqarikuruptinmi rey kayninmantapas wischururqa, qechururqataqmi reqsisqa kaynintapas.

Jonás 3:6

Nínive llaqtapa reyninpas chay willakuyta uyariruspanmi, trononmanta sayarispan, pachankunata hurqokuruspa qachqa pachawan pachakuruspan uchpapa hawanpi tiyaykurqa.

Mateo 18:4

Diospa munaychakuyninpiqa pipas kay warma hina uchuychakuqmi mayorqa.

Santiago 4:10

Señorninchikpa qayllanpiyá uchuychakuychik, hinaptinqa paypas hatunchasunkichikmi.

1~Pedro 5:6

Chaynaqa, Diospa atiyniyuq makin-piyá uchuychakuychik, tiempo chayaramuptinmi hatunchasunkichik.