Jeremías 13:16 - CHUYA QELLQA La Biblia en Quechua de Ayacucho 2012

¹⁶ Tayta Diosta yupaychaychik manaraq tutayayta chayachimuchkaptin, tutayaq orqokunapi manaraq mitkaruchkaspa; suyasqaykichik achkitapas manaraq pasaypaq tutayayman tikraruchkaptin.

Quechua Ayacucho Bible 1987

¹⁶ Manaraq tutayarachichkaptinyá Tayta Diosta yupaychaychik. Tutayaypa kasqan orqokunapi manaraq mitkaruchkaspayá payta yupaychaychik. Suyasqaykichik achkitam sinchillataña tutayarachinqa. Suyasqaykichik achkitam yana puyumanña tikrarunqa.

Chuya Qellqa 1992

¹⁶ Tayta Diosta yupaychaychik manaraq tutayayta chayachimuchkaptin, tutayaq orqokunapi manaraq mitkaruchkaspa; suyasqaykichik achkitapas manaraq pasaypaq tutayayman tikraruchkaptin.

Jeremías 13:16 Iomraidhean Croise

Jobwan Sutichasqa Libro 3:5

¡Ima allincha kanman karqa chay punchawta wañuypa llantuynin pampaykuptinqa, yanay-yanay puyu wankuykuptinqa, manchakuypaq tutayay munaychakuruptinqa!

Éxodo 10:21

Moisestam Tayta Dios nirqa: Makikita cieloman hoqariy llapa runa llapchaykachanankukama Egipto nacionpi sinchi tutayay kananpaq, nispa.

Proverbios 4:19

Mana allin runakunapa ñanninmi ichaqa tutayay, paykunaqa manam yachankuchu imapim urmaruytapas.

Eclesiastés 11:8

Ichaqa unay watakunataña runa kawsaspapas, chay watakunapi anchataña kusikuspapas, manam qonqananchu sasachakuy punchawkunataqa, hamuq kaqkunapas tukuruqlla kasqantaqa.

Isaías 5:30

Chay punchaw chayaramuptinmi, chay nacionqa lamar qocha hinaraq Israelpa contranpi qaparinqa. Pipas Israel nacionta qawarispanqa tutayaypapas sasachakuypapas intuykusqantam qawarinqa.

Isaías 59:10

Ñawsa hinam perqakunaman tawnapakuspa purichkanchik, chawpi punchawpipas tutayaypi hinaraqmi mitkakuchkanchik, kallpallanchikpiraq kachkaspapas wañusqa hinañam kachkanchik.

Isaías 59:9

Chayraykum mana piman sayapakuspa allin arreglo ruwaypas ñoqanchikmanta karunchakurun; kanchaytam suyarqanchik, ichaqa tutayayllam chayaramuwanchik; achkiytam suyarqanchik, ichaqa tutayayllapim purichkanchik.

Isaías 60:2

Kay pachatam tutayay intuykun, tutayaymi nacionkunata pampaykun; qamtam ichaqa Tayta Dios kanchaykusunki, achkiriyninmi hawaykipi qawachikunqa.

Isaías 8:22

Pampata qawarispankuñataqmi, ñakariytawan tutayayllata, pasaypaq tutayaytawan sasachakuyllata rikunqaku, hinaspam pasaypaq tutayayllapi kawsanqaku.

Jeremías 14:19

Dios Taytalláy, ¿pasaypaqtachu Judá nacionta qepanchakurunki? ¿Pasaypaqtachu Sión llaqtaykita cheqnikurunki? ¿Imanasqataq manaña hampiy atina kanaykukama castigaruwankiku? Hawkayaytam suyarqaniku, ichaqa sasachakuyllam chayaramuwanku; sanoyachisqa kaytam suyarqaniku, ichaqa manchakuyllapim kachkaniku.

Jeremías 2:6

Paykunaqa manam tapukurqakuchu: ¿Maytaq Egiptomanta hurqomuwaqninchik Tayta Diosqa? nispallapas. ¿Maytaq mana imapa kanan chunniqninta pusamuwaqninchikqa? nispallapas ¿Maytaq wañuypa kanan sinchi tutayay chaki allpanta pusamuwaqninchikqa? nispallapas. ¿Maytaq runapa mana yachanan allpankunata pusamuwaqninchikqa? nispallapas.

Jeremías 23:12

Chayraykum paykunapa kawsayninqa tutayaypi lluchka ñan hina kanqa, tanqasqa kaspankum chayman wichiykunqaku, castiganay punchawpim ñakariyta paykunaman apamusaq. Ñoqa Tayta Diosmi chaynata nini.

Jeremías 4:23

Kay pachata qawariptiymi manaña imayuq chaqwa kachkasqa; cielokunata qawariptiymi achkipas manaña kasqachu.

Jeremías 50:6

Llaqtayqa chinkasqa ovejakuna hinam karqa, michiqninkunam ñanta pantarachispa orqokunapi cheqesqata saqerurqaku. Orqon-orqon purispankum kanchankutapas qonqarurqakuña.

Jeremías 6:21

Chayraykum ñoqa Tayta Dios kaynata nini: Kay llaqta mitkananpaqmi trancata churasaq, tayta-mamanpas wawa-churinkuwan kuskam wichinqaku, vecinonpas, puriqmasinkunapas chaymanmi wichinqaku, hinaspam chaypi wañunqaku.

Jeremías 8:15

Hawka kawsakuytam suyarqanchik ichaqa sasachakuyllam chayaramuwanchik; sanoyananchikpaq punchawtam suyarqanchik ichaqa muspaypi hinam rikurirunchik.

Lamentaciones 4:17

Ñawiykupas utisqam yanapaqniykuta yanqa suyachkaniku, uyan-uyanllam kachkaniku, mana salvay atiq naciontam suyachkaniku.

Ezequiel 21:15

Chay espadam paykunaman manchakuyta huntaykunqa, achkallatañam wañuchinqa. Llapallan wasikunamanmi wañuchikuq espadata kachaykuni, chay espadaqa llipityananpaq ñawchiyachisqam kachkan, wañuchinanpaq ñawchiyachisqam kachkan.

Ezequiel 34:12

Imaynam huk michiq ovejankuna cheqeruptin maskamun, chaynam ñoqapas ovejaykunata maskamusaq; hinaspaymi tutayaq yana puyupa tapaykusqan punchawpi tukuy hinastinman cheqerusqankumanta libramusaq.

Ezequiel 36:15

Manañam huklaw nacionniyuq-kunapa kamikuynintawan tratakuynintaqa uyarichisqaykichikñachu. Nacionnikichikpi wawa-churikunatapas manañam wañuchinkichikñachu. Ñoqa Tayta Diosmi chaynata nini.

Joel 2:2

Chay punchawqa tutayaymi kanqa, tutayaypa yana puyupa pampaykusqanmi kanqa. Imaynam paqariypi achkiy urqukunapi mastarikun, chaynam huk kallpasapa llaqta achkallaña tropayuq hamuchkan, chayna tropakunaqa ñawpaqtapas manam karqachu, nitaqmi qepamanpas kanqachu.

Amós 4:13

Kayqaya: Orqokunata unanchaqqa, wayrakunata hatarichiqqa, imam munasqanta runakunaman reqsichiqqa, tutayayta achkiyman tikraqqa, kay pachapa hawankunapi puriqqa. Payqa Tukuy Atiyniyuq Tayta Diosmi.

Amós 5:18

¡Ay, imaynaraq kankichik! Diospa punchawnin chayamunanta munaqkuna. ¿Imapaqtaq Diospa punchawnin chayamunanta munankichik? Chay punchawqa kanqa tutayaymi, manam achkiychu.

Malaquías 2:2

Qamkunam kasukuspa cheqaptapuni tukuy sonqowan yupaychawanaykichik. Mana kasukuspaqa ñakasqam kankichik. Cheqaptapuni mana yupaychawaptikichikqa, sacerdote kasqaykichikrayku bendecisqa kasqaykichiktapas ñakaymanmi tikrarusaq. Tukuy Atiyniyuq Tayta Diosmi chaynata nin.

Juan 12:35

Jesusñataqmi nirqa: Achkiyqa as punchawllapas qamkuna-wanraqmi kanqa, chaynaqa achkiypiyá puriychik qamkunawanraq kachkap-tiyqa, chaynapi tutayay mana vencerusunaykichikpaq. Pipas tutayaypi puriqqa mayman risqantapas manam yachanchu.

Josué 7:19

Hinaptinmi Josué nirqa: Churilláy Acán, Tayta Diostayá, Israelpa Diosnintayá hatunchaspayki yupaychay, hinaspayá ama imatapas pakaykuspa imam ruwasqaykita willaykuway, nispa.

1~Pedro 2:8

Kaytapas nintaqmi: “Paymi mitkana rumi hinaspa urmachikuq hatun rumi”, nispapas. Paykunaqa Diospa palabranta mana kasukusqankuraykum mitkarunku, chaypaqqa citasqañam karqaku.

1~Samuel 6:5

Chaynaqa, ruwaychikyá tumorman rikchakuqta chaynataq chakraykichik tukuq ukuchaman rikchakuqtapas, hinaspayá Israel casta runakunapa Diosninta yupaychaychik, icharaqpas chaynapi qamkunatapas, idoloykichiktapas, chakraykichiktapas mana castiganmanchu.