Jeremías 13:10 - CHUYA QELLQA La Biblia en Quechua de Ayacucho 2012

¹⁰ Kay mana allin runakunaqa kamachikuyniykunata mana kasukuspam sonqonkupa munasqanman hina kawsachkanku. Idolokunaman qokuruspankum chaykunataña qonqoranpa hatunchachkanku. Chay ismusqa chumpi hinam paykunaqa mana imapaq valeq rikurirunku.

Quechua Ayacucho Bible 1987

¹⁰ Kay mana allin runakunaqa palabraykunata mana kasukuspam rumi sonqo kayninkuman hinalla kawsachkanku. Taytacha-mamachakunataña maskaspam qonqoranpa pampaman kumuykunku. Chay ismusqa weqaw tapaku hinam paykunaqa mana imapaqpas valenkuchu.

Chuya Qellqa 1992

¹⁰ Kay mana allin runakunaqa kamachikuyniykunata mana kasukuspam sonqonkupa munasqanman hina kawsachkanku. Idolokunaman qokuruspankum chaykunataña qonqoranpa hatunchachkanku. Chay ismusqa chumpi hinam paykunaqa mana imapaq valeq rikurirunku.

Jeremías 13:10 Iomraidhean Croise

Eclesiastés 11:9

Joven, joven kaynikipi kusikuy, sonqoykipas warma kaynikipi anchata kusikuchun, sonqoykipa munasqanman hina, ñawikipa qawasqanman hina kawsay. Ichaqa amayá qonqaychu, tukuy ima ruwasqaykimantaqa Diosmi cuenta mañasunki.

Isaías 3:24

Chaynapim perfumepa rantinpi millakuypaq asnayña kanqa, weqaw watana adornokunapa rantinpim waskaña kanqa, sumaqllaña ñaqchasqa kanankumantam umankupas paqlayasqaña kanqa, suma-sumaq pachankupa rantinpim qachqa pachaña kanqa, kuyayllapaq uyankupas caldeasqa fierrowan marcasqañam kanqa.

Jeremías 11:10

Ñawpaq taytankupa mana allin ruwasqankumanmi qokurunku. Paykunaqa nisqaykunata mana kasukuspankum idolokunataña yupaycharqaku. Israel runakunawan Judá nacionpi runakunam, ñawpaq taytankuwan pacto ruwasqayta yanqacharunku.

Jeremías 11:18

Tayta Diosmi willaykuwarqa hinaptinmi yachaykurqani enemigoykunapa mana allinkuna ruwawanankupaq rimanakusqankuta.

Jeremías 13:7

Eufrates mayuman chayaruspaymi chay chumpita maymi pakasqaymanta hurqomurqani, ichaqa ismuruspam manaña imapaqpas valesqañachu.

Jeremías 16:12

Qamkunam ichaqa taytaykichikkunamantapas aswantaraq huchallikurunkichik. Sapakamam sonqoykichikpa munasqanman hina kaw-saspa mana kasuwarqankichikchu.

Jeremías 16:4

Paykunaqa ñakarichikuq onqoykunawanmi wañunqaku, paykunamantaqa manam pipas waqanqachu nitaqmi pipas pampanqachu. Hatun ispay hinam pampapi wischurayanqaku. Guerrawan yarqaywanmi paykunataqa tukurunqa, ayankutapas alton pawaq animalkunawan purun animalkunam mikunqa, nispa.

Jeremías 20:4

Tayta Diosmi kaynata nin: Qamtaqa kikikipapas chaynataq llapallanamistadnikikunapapas mancharikunantañam ruwasqayki. Qawachkaptikim amistadnikikunatapas enemigoykikuna guerrapi wañuchinqa. Judá nacionpi runakunatapas Babilonia nacionpa reyninmanmi qoykusaq, paymi wakiqta wañuchinqa, wakiqtañataqmi presota Babiloniaman apanqa.

Jeremías 22:21

Tukuy imayuq kaspa hawka kachkaptikim rimapayarqayki, ichaqa manam uyariwarqankichu. Qamqa warma kasqaykimantapunim ima nisqaytapas mana kasuwarqankichu.

Jeremías 23:17

Qepanchakuwaqniy runakunatam paykunaqa nichkanku: Tayta Diosmi nisunki: “Hawkallam kankichik”, nispanku. Mana kasukuq sonqoyuq runakunatañataqmi nichkanku: “Sasachakuyqa manam chayamusunkichikchu”, nispanku.

Jeremías 3:17

Chay tiempopim Jerusalén llaqtata “Tayta Diospa tronon” nispa sutichanqaku, chaymanmi llapa nacionkuna huñunakamunqaku ñoqa Tayta Diosta adorawanankupaq; paykunaqa manam rumi sonqo kayninkuman hinañachu kawsanqaku.

Jeremías 35:15

Mana samaykuspam profetaykunawan kaynata willachirqaykichik: Mana allinkuna ruwasqaykichikta saqespa munasqayman hina kawsaychik. Idolokunataqa amaña yupaychaychikchu, chaynapi taytaykichikkunamanpas chaynataq qamkunamanpas qosqay allpapi yachanaykichikpaq, nispay. Ichaqa manam uyariwarqankichikchu nitaqmi kasuwarqankichikchu.

Jeremías 44:16

Tayta Diospa sutinpi willawasqaykiku palabrakunataqa manam kasukusaqkuchu.

Jeremías 44:5

Ichaqa manam kasuwarqankichikchu nitaqmi uyariwarqankichikchu, ñoqaman kutirikamunaykichik kachkaptinpas, aswanraqmi mana reqsisqaykichik idolokunamanraq inciensota kañapurqankichik.

Jeremías 5:23

Qamkunam ichaqa rumi sonqo mana kasukuq runakuna kankichik, saqeruwaspaykichikmi mana allin ñanninta pasakunkichik.

Jeremías 7:13

Mana allin kawsasqaykichikmanta achka kutita rimapayachkaptiypas manam uyariwarqankichikchu, nitaqmi kasukurqankichikchu; Ñoqa Tayta Diosmi chaynata nini.

Jeremías 7:6

huklaw llaqtayuqkunatapas, mana tayta-mamayuqkunatapas, viudakunatapas mana ñakarichiptikichikqa, inocente runakunata kay sitiopi mana wañuchiptikichikqa, idolokunata manaña yupaychaptikichikqa,

Jeremías 8:5

Chaynaqa, Israel runakuna, ¿imanasqataq ñoqamantaqa karunchakurunkichik? Jerusalenpi runakuna, ¿imanasqataq pasaypaqta qepancharuwankichik? Pantaynikichikman hapipakuruspam kutirikamuwayta mana munankichikchu.

Jeremías 9:13

Hinaptinmi Tayta Diosñataq niwarqa: Chaykunaqa pasakurqa Israelman qosqay kamachikuyniykunata saqerus-qankuraykum, paykunaqa nisqaykuna-tapas manam kasukurqakuchu nitaq-mi ruwaymanpas churarqakuchu.

Jeremías 9:14

Aswanraqmi sonqonkuta rumiyarachispanku, ñawpaq taytankuta qatipakuspanku Baal idolokunataña yupaycharqaku.

Jeremías 9:6

Tayta Diosmi kaynata nin: Pantachinakuypa chawpinpim kawsakunku, engañakuq kasqankuraykum paykunaqa mana reqsiwayta munankuchu.

Números 14:11

Hinaptinmi Moisesta Tayta Dios nirqa: ¿Haykapikamataq kay runakuna piñachiwanqa? ¿Haykapikamataq qayllankupi tukuy señalkunata ruwachkaptiypas mana creewanqakuchu?

Hechos 7:51

Qamkunaqa mana kasukuq runakunam kankichik. Rinrikichikpas chaynataq sonqoykichikpas wichqasqam kachkan. Qamkunaqa Chuya Espiritupa contranpim kachkankichik, ñawpa taytaykichikkuna hinapunim qamkunapas kankichik.

Hebreos 12:25

Chaynaqa, rimapayasuqnikichiktaqa amayá qepanchakuychikchu. Kay pachapi willakuqkunata mana kasukuqkunapas castigomantaqa manam lluptirqakuchu. Hanaq pachamanta rimamuqta mana kasukuspaqa aswanraqchiki mana lluptichwanchu.