Jeremías 12:7 - CHUYA QELLQA La Biblia en Quechua de Ayacucho 2012

⁷ Llaqtaytam saqeruni, ñoqapa kaqtam qepanchakuruni, tukuy sonqoywan kuyasqay naciontam enemigonkunaman qoykuni.

Quechua Ayacucho Bible 1987

⁷ Runaykunatam saqeruni. Dueñochakusqaytam qepanchakuruni. Kuyasqay naciontam qoykurqani. Enemigonkunamanmi qoykurqani.

Chuya Qellqa 1992

⁷ Llaqtaytam saqeruni, ñoqapa kaqtam qepanchakuruni, tukuy sonqoywan kuyasqay naciontam enemigonkunaman qoykuni.

Jeremías 12:7 Iomraidhean Croise

2~Reyes 21:14

Puchuq runaykunatañataqmi saqeruspay enemigonkunaman qoykusaq, hinaptinmi llapa imankutapas qechuspa apakunqaku.

Isaías 2:6

Diosnilláy, runaykikunatam saqerunki, Jacobpa mirayninkunatam saqerunki. Intipa lloqsimunan lawpi layqakunapa huntasqan kasqanrayku, Filistea llaqta hina qatipaqkunapa huntasqan kasqanrayku, huklaw llaqtayuq runakunawan hukllawakurusqankurayku.

Jeremías 11:15

Kuyasqay llaqtalláy llumpayta huchallikuchkaspaqa, ¿imatataq kay temploypi ruwanki? ¿Yaqachu wirakunawan aychakuna ofrecewasqaykichik castigoyta qamkunamanta asurachinman? ¿Mana allinkunapi kachkaspachu anchata kusikunkichik?

Jeremías 14:19

Dios Taytalláy, ¿pasaypaqtachu Judá nacionta qepanchakurunki? ¿Pasaypaqtachu Sión llaqtaykita cheqnikurunki? ¿Imanasqataq manaña hampiy atina kanaykukama castigaruwankiku? Hawkayaytam suyarqaniku, ichaqa sasachakuyllam chayaramuwanku; sanoyachisqa kaytam suyarqaniku, ichaqa manchakuyllapim kachkaniku.

Jeremías 17:4

Herenciaykichik kananpaq qosqay allpatam saqenkichik, mana reqsisqaykichik nacionpim enemigoykichikkunata servichimusqaykichik, piñakuyniymi nina hina ratarirun kañasunaykipaq.

Jeremías 22:5

Kay nisqaykunata mana kasukuptikichikqa, kay palaciom tuñichisqa kanqa. Ñoqa Tayta Diosmi chaynata nini.

Jeremías 23:33

Jeremías, sichum kay runakuna, llapa profetakuna otaq sacerdotekunapas tapusunkiman: ¿Imatataq Tayta Dios nisurqanki? nispanku, hinaptinqa paykunatam ninki, Tayta Diosmi kaynata nin: Qamkunaqa llasaq qepi hinam ñoqapaq kankichik, chayraykum saqerusqaykichik, nispa.

Jeremías 23:39

qamkunataqa qepita hina hoqariruspay wischurusqaykichik, wischurusaqtaqmi qamkunamanwan ñawpaq taytaykichikkunaman qosqay llaqtatapas.

Jeremías 51:5

Israel runakunawan Judá runakunam contraypi huchallikuspanku nacionninkuta huchawan huntachirqaku, chaywanpas ñoqa Tukuy Atiyniyuq Tayta Diosqa manam Israel naciontawan Judá naciontaqa saqerqanichu.

Jeremías 7:14

Chayraykum kay hapipakunaykichik templotapas, qamkunamanwan ñawpaq taytaykichikkunaman qosqay templotapas, Silo llaqtapi santuariota hina purmachisaq.

Jeremías 7:29

¡Jerusalén llaqta, chukchaykita rutukuspa wischuy, chunniq orqokunapi waqamuy! Tayta Diosmi runaykikunapaq piñasqa kachkan, miraynikikunatam qepancharuspa saqerun.

Ezequiel 24:21

Israelpa mirayninkunata kaynata niy: Ñoqa Tayta Diosmi kaynata nini: Qamkunapa anchallaña kuyasqaykichik hinaspa qawapayanaykichik temploytam millakuypaqta ruwarusaq. Chay templom qamkunapa kallpaykichik hinaspa hatunchakunaykichik karqa. Jerusalenpi saqemusqaykichik wawa-churikichikpas wañuchisqam kanqaku.

Oseas 11:1

Tayta Diosmi kaynata nin: Warma kasqanmantam Israelta kuyarqani, churiytam Egipto nacionmanta qayamurqani.

Oseas 9:15

Tayta Diosmi kaynata nin: Gilgal llaqtapim tukuy mana allinkuna ruwayta qallaykurqaku, chaypim ñoqapas paykuna cheqniyta qallaykurqani; tukuy mana allinkuna ruwasqankuraykum temploymantapas paykunata wischurusaq; paykunataqa manañam kuyasaqñachu, llapa kamachiqninkupas mana kasukuqkunam.

Joel 2:15

Sión moqopi cornetata tocaychik, ayunoman qayaspa runakunata huñuychik.

Joel 3:2

Llapallan nacionkunatam Josafat qechwaman huñurusaq. Chaypim paykunata juzgasaq llaqtayta tukuy ima ruwasqankumanta. Paykunam Israel llaqtayta huklaw nacionkunaman cheqerachirqaku, hinaspankum allpaytapas partenakururqaku.

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

Deuteronomio 33:12

Benjamín ayllumantam nirqa: Dios Taytapa kuyasqanqa hawkam kawsakunqa, paypa waqaychasqanmi kawsakunqa, kuyasqaykiqa marqaynikipim kawsakunqa.