Jeremías 12:6 - CHUYA QELLQA La Biblia en Quechua de Ayacucho 2012

⁶ Wawqekikunawan aylluykikunapas traicionarusunkim, qepaykipiqa hatunmantaraqmi insultasunki. Kuyakuyllawanña rimapayasuptikipas ama paykunapiqa hapipakuychu.

Quechua Ayacucho Bible 1987

⁶ Hina wawqekikunallam traicionasurqanki. Hina ayllullaykim traicionasurqanki. Qepaykipi qaparisparaqmi insultasurqanki. Amayá paykunapiqa hapipakuychu. Allinllata rimapayasuptikipas amayá confiakuychu.

Chuya Qellqa 1992

⁶ Wawqekikunawan aylluykikunapas traicionarusunkim, qepaykipiqa hatunmantaraqmi insultasunki. Kuyakuyllawanña rimapayasuptikipas ama paykunapiqa hapipakuychu.

Jeremías 12:6 Iomraidhean Croise

Jobwan Sutichasqa Libro 6:15

Qamkunam ichaqa qepancharuwankichik, qonqaymanta chakiruq mayu hinaraqmi saqeruwankichik;

Proverbios 23:8

Mikusqaykitapas chayllam kutirachinki, miskillaña rimasqaykipas yanqapaqmi kanqa. -9-

Proverbios 26:25

Kuyakuyllawanña rimapayasuptikipas ama creeychu, sonqonqa mana allinpa huntasqanmi kakuchkan.

Isaías 31:4

Tayta Diosmi kaynata niwarqa: Imaynam ovejata hapiruspan michiqkuna huñunakuruspa qaparispanku manchachiptinkupas leonqa sunita sayan, chaynam Tukuy Atiyniyuq Tayta Diospas llaqtanta harkaykunanpaq Sión moqoman uraykamunqa.

Jeremías 11:19

Nakanankupaq pusasqanku manso carnero hinam ñoqaqa karqani. Manam yachakurqanichu contraypi kayna rimanakusqankutaqa: Ruruchkaq sachata hinayá kuchurusunchik, kay pachapi kaqkunamantayá chinkarachisunchik, paymanta manaña pipas yuyarinankupaq, nispa.

Jeremías 11:21

Anatot runakunam wañuchiwayta munaspa niwarqaku: Amañam Tayta Diospa sutinpiqa profetizankichu, mana chayqa wañurachisqaykikum, nispanku.

Jeremías 20:10

Llapa runakunapa rimakachasqankutam uyarichkani, paykunam nichkanku: Tukuy hinastinpim manchakuyllaña kachkan, hakuchik denunciamusunchik, nispam rimanakuchkanku. Llapa amistadniykunam imamanpas wichiykunayta suyachkanku, ichapas engañarachikunman venceruspa paymanta vengakurunanchikpaq, nispam nichkanku.

Jeremías 9:2

Imaynaraq chunniqpi samakuna wasi kanman, kay llaqtamanta chayman ayqekunaypaq. Llapallankum iskay uyaña rikurirunku, llapallankum qepanchakuqllaña rikurirunku.

Jeremías 9:3

Tayta Diosmi kaynata nin: Flechachkaq hinaraqmi llullata rimanankupaq listoñalla kachkanku, kay llaqtapiqa llullakuyllañam munaychakuchkan cheqapqa manañam kanñachu; aswan-aswanmi mana allinkunaman qokurunku, Diospunim kaynata nin: Paykunaqa mana reqsisqapaqñam hapiwanku,

Jeremías 9:4

amistadnikipipas ama hapipakuychu, wawqekipipas ama confiakuychu, wawqepurapas engañanakunkum, amistadpurapas tunpanakunkum.

Jeremías 9:5

Sapakamam runamasinta engañan, manam pipas cheqap kaqtaqa rimanchu, llullakuymanmi amañakurunku, mana allin ruwayllamanñam qokurunku, nispa.

Mateo 10:21

Runakunam wawqenta wañuyman qonqa, taytakunapas churinkutam wañuyman qonqa; churikunañataqmi tayta-mamanpa contranpi hatarispa wañuchinqa.

Marcos 12:12

Hinaptinmi tapuqninkuna musyakururqaku Jesuspa rikchanachiy rimasqanqa paykunapa contranpi kasqanta, chaymi hapiruyta munarqaku; ichaqa llapa runakunata manchakuspankum mana ima ruwayta atispa pasakurqaku.

Juan 7:5

Chaynataqa nirqaku Jesuspi mana creesqankuraykum.

Hechos 16:22

Chaymi llapa runakuna paykunapa contranpi hatarirurqaku, juezkunañataqmi Pablopa hinaspa Silaspa pachankunata llikichispa kaspikunawan waqtachirqaku.

Hechos 18:12

Ichaqa Acaya lawpi Galión gobernador kachkaptinmi, Pablopa contranpi llapa judiokuna huñunakururqaku, hinaspankum juzgadoman aparuspanku