Jeremías 12:5 - CHUYA QELLQA La Biblia en Quechua de Ayacucho 2012

⁵ Sichum chakiwallawan kallpaqkunawan kallpaspa pisipachkaspaqa, ¿imaynataq caballopi kallpaqkunawanqa llallinakuwaq? Hawkayaypa kanan allpapi mana hawka kachkaspaqa, ¿imaynatataq Jordán mayupa patan montekunapiqa tarikuwaq?

Quechua Ayacucho Bible 1987

⁵ Kallpaqkunallata qatichkaspapas anchatam pisipanki. Caballopi kallpaqkunawanqa ¿imaynataq churanakunki? Seguro allpapim qamqa confiakuchkanki. Jordan Mayupa patanpi montekunapiqa ¿imatataq ruranki?

Chuya Qellqa 1992

⁵ Sichum chakiwallawan kallpaqkunawan kallpaspa pisipachkaspaqa ¿imaynataq caballopi kallpaqkunawanqa llallinakuwaq? Hawkayaypa kanan allpapi mana hawka kachkaspaqa ¿imaynatataq Jordán mayupa patan montekunapiqa tarikuwaq?

Jeremías 12:5 Iomraidhean Croise

1~Crónicas 12:15

Paykunam Jordán mayuta punta kaq killapi chimparurqaku, mayupas kuchun-kuchun llimparichkaptin, hinaspam qechwapi yachaqkunata intipa qespimunan lawman hinaspa intipa seqaykunan lawman cheqerachirqaku.

Proverbios 24:10

Sasachakuy punchawpi hukmanyaruspaqa pisi kallpayuqmi rikurirunki. -25-

Proverbios 3:11

Churilláy, Tayta Diospa corregisusqaykitaqa ama wischupakuychu, corregisuptikiqa amayá piñakuychu.

Jeremías 11:21

Anatot runakunam wañuchiwayta munaspa niwarqaku: Amañam Tayta Diospa sutinpiqa profetizankichu, mana chayqa wañurachisqaykikum, nispanku.

Jeremías 26:8

Tayta Diospa kamachisqankunata Jeremías rimayta tukuruptinmi, llapa sacerdotekuna, profetakuna hinaspa llapallan runakuna hapiruspanku kaynata nirqaku: Wañunkipunim.

Jeremías 36:26

Aswanmi reyqa kamachirqa Hamelecpa churin Jerameeltawan, Azrielpa churin Seraiasta hinaspa Abdeelpa churin Selemiasta, chaynapi secretario Baructawan profeta Jeremiasta presochamunankupaq, ichaqa Tayta Diosmi paykunata pakarurqa.

Jeremías 49:19

Imaynam Jordán mayupa patanpi montemanta león lloqsispa sumaq pastopa kasqanman kallpan, chaynam ñoqapas qonqaymanta hamuruspay Edom nacionniyuq runakunata ayqerachisaq, hinaptinmi ñoqapa akllasqay runaña paykunapi munaychakunqa. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqapa contraypi hatarinman?

Jeremías 50:44

Jordán mayupa patan montemanta pastokunapa kasqanman lloqsiq león hinam, qonqaymanta lloqsiruspay Babilonia runakunata lluptirachisaq. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqawan churanakunman?

Josué 3:15

Cosecha tiempopiqa, Jordán mayuqa tukuy patanman llimpanankamam huntan. Ichaqa Diospa Arcan apaq sacerdotekuna Jordán mayuman yaykuykuspa yakuta saruykuptinkum

1~Pedro 4:12

Kuyasqay wawqe-panillaykuna, tukuy rikchaq sasachakuykuna hamusuptikichikqa amayá hukmanyaruychikchu yaqa mana allinpas kanman hinaqa.