Jeremías 12:2 - CHUYA QELLQA La Biblia en Quechua de Ayacucho 2012

² Paykunaqa plantaruptikim sapichakururqaku, wiñaruspam ruruyta qallaykurqaku. Paykunaqa simillamantam sutikitapas rimanku, sonqonkum ichaqa qanmanta karupi kachkan.

Quechua Ayacucho Bible 1987

² Plantachkaq hina plantaruptikim sapichakururqaku. Wiñaruspankum ruruchkaq hina rikurirurqaku. Sutikitaqa chaylla-chayllam rimanku. Sonqonkupim ichaqa karunchasqa kachkanku.

Chuya Qellqa 1992

² Paykunaqa plantaruptikim sapichakururqaku, wiñaruspam ruruyta qallaykurqaku. Paykunaqa simillamantam sutikitapas rimanku, sonqonkum ichaqa qanmanta karupi kachkan.

Jeremías 12:2 Iomraidhean Croise

Jobwan Sutichasqa Libro 24:12

Wañunayaqkunam llaqtapi waqanku, wañuypa patanpi kaqkunam qaparinku, Diosmi ichaqa mañakuyninkuta mana uyarinchu.

Jobwan Sutichasqa Libro 5:3

Ñoqam rikurqani mana yachayniyuq runa apuyaruqta, hina chayllamanmi wasintapas ñakaykurqani.

Isaías 29:13

Señormi nin: Kay runakunaqa hawa sonqollam asuykamuwanku, simillankumantam yupaychamuwanku, sonqonkum ichaqa ñoqamanta karupi kachkan. Paykunaqa runapa yachachisqanman hinallam yupaychawanku.

Jeremías 11:17

Ñoqa Tukuy Atiyniyuq Tayta Diosmi sacha plantachkaq hina qamkunata plantarqaykichik. Israel nacionpi chay-nataq Judá nacionpi yachaqkuna, contraykichikpim castigokunata kachamusaq mana allinkunata ruwasqaykichikrayku. Qamkunam piñachiwarqankichik Baal idoloman inciensota kañapuspaykichik.

Jeremías 3:10

Chaywanpas mana kasukuq ñañan Judapas manam tukuy sonqonwanchu ñoqaman kutirikamuwarqa, aswanqa hawa sonqollam. Ñoqa Tayta Diosmi chaynata nini.

Jeremías 45:4

Tayta Diosmi kaynata nisunki: Hatarichisqaytam tuñirachini, plantasqaytam pelaruni. Chaynatam kay pachatapas ruwasaq.

Ezequiel 33:31

Chaynapim runaykunaqa costumbrenkuman hina uyarinankupaq hamuspanku ñawpaqnikipi tiyaykusparaq uyarisunki, ichaqa manam ruwayman churanqakuchu. Paykunaqa kuyanakuqkunapa takinta hinaraqmi rimanku, sonqonkum ichaqa qollqellapi yuyaymanachkan.

Oseas 7:14

Paykunaqa manam sonqomantachu mañakuwanku, aswanmi puñunankupi sirikuykuspa qaparkachanku. Trigotawan vinota chaskinankuraykum cuerponkuta kuchukunku, hinaspam contraypi hatarinku.

Habacuc 1:13

Qamqa chuyay-chuyaymi kanki mana allin ruwayta qawanaykipaqqa, daño ruwayta qawanaykipaqqa. Chaynaqa, ¿imanasqataq runamasin wañuchiqta qawaylla-qawakunki? ¿Imanasqataq allin ruwaq runata mana allin runa tuñichiptin upallalla qawakunki?

Mateo 15:8

“Kay runakunaqa simillamantam yupaychawanku, sonqonkum ichaqa ñoqamanta karupi kachkan.

Marcos 7:6

Chaymi Jesusñataq nirqa: ¡Iskay uyakuna! Allintam profeta Isaías qamkunamanta qellqarqa: “Kay llaqtaqa simillamantam yupaychawan, sonqonmi ichaqa ñoqamanta karupi kachkan.

Tito 1:16

Paykunam ninku: “Diostam reqsiniku” nispanku, ruwasqankuwanmi ichaqa Diosta neganku. Paykunaqa chiqnikuqmi, mana kasukuqmi hinaspa allin kaqkuna mana ruway munaqmi kachkanku.