Jeremías 12:16 - CHUYA QELLQA La Biblia en Quechua de Ayacucho 2012

¹⁶ Paykunam llaqtayta yachachirqaku Baal idolorayku juranankupaq. Sichum runaykuna hinaña kawsayta yachaspanku ñoqa Tayta Diospa sutiypi juraspa ninqaku: “Kawsaq Diosraykum jurani” nispanku, hinaspaqa runaykuna ukupim yachanqaku.

Quechua Ayacucho Bible 1987

¹⁶ Cheqaptapunipas chay vecinonkum runaykunata yachachirqaku Baal sutiyoq taytacharayku juranankupaq. Chaywanpas kaqllamantam paykunaqa runaykuna ukupi *f**yachanqaku. Runaykuna hinaña kawsayta yachaspankum ñoqa Tayta Diospa sutiypi juraspanku ninqaku: “Kawsaq Diosraykum jurani” nispa.

Chuya Qellqa 1992

¹⁶ Paykunam llaqtayta yachachirqaku Baal idolorayku juranankupaq. Sichum runaykuna hinaña kawsayta yachaspankum ñoqa Tayta Diospa sutiypi juraspa ninqaku: “Kawsaq Diosraykum jurani”, nispanku hinaspaqa runaykuna ukupim yachanqaku.

Jeremías 12:16 Iomraidhean Croise

Cantares 1:8

Llapa warmikunamanta kuyayllapaq warmicha, mana yachaspaykiqa, ovejakunapa yupinta qatipay; michiqkunapa hatusninpa waqtampi cabrachaykikunata michiy.

Isaías 2:3

Achka nacionkunamantam nana-nanaq runakuna hamuspanku kaynata ninqaku: “Tayta Diospa orqonman hamuychik, Jacobpa Diosninpa templonman hakuchik, paymi allin kawsakuyta yachachiwasun, munasqanman hina purinapaq”, nispanku. Sionmantam Diospa kamachikuynin lloqsimunqa, Jerusalenmantam Diospa yachachikuynin lloqsimunqa.

Isaías 42:6

Ñoqa Tayta Diosmi qayarqayki, makikimantam hapisqayki, waqaychaspaymi runakunawan pacto ruwasqay kanaykipaq churasqayki, nacionkunata kanchanaykipaqmi churasqayki.

Isaías 45:23

Kikiyraykum juraspay cheqap kaqta rimarqani, cumplikunanpaq kaqtam rimarqani: “Ñawpaqniypim llapallan runakuna qonqorakunqaku, sutiypim paykunaqa juranqaku”.

Isaías 49:6

Tayta Diosmi kaynata nin: “Manam serviqllaychu kanaykiqa, manam Jacobpa mirayninkunata hatarichimuqllachu kanaykiqa, manam Israelmanta puchuqkunata kutirichimuqllachu kanaykiqa; Aswanqa lliw nacionkunata kancharinaykipaqmi churasqayki, chaynapi kay allpa pachaman salvacionniyta chayachinaykipaq”, nispa.

Isaías 65:16

Pipas kay nacionpi bendicionta mañakuspanqa cheqap Diosmantam mañakunqa, pipas kay allpapi juraspaqa hapipakunapaq Diosraykum juranqa. Ñawpaq ñakariykunaqa qonqasqañam kanqa, qayllaymanta chinkachisqañam kanqa.

Jeremías 16:19

Dios taytalláy, kallpanchaqniymi qamqa kanki, sasachakuypi harkaykuqniymi qamqa kanki. Kay pachapa patankunamantam nacionkuna hamuspanku nisunki: Cheqaptapunipas ñawpaq taytaykuqa, mana valeq idolokunatam herenciata hina chaskirqaku.

Jeremías 18:8

Chaywanpas sichum chay nacionkuna mana allinkuna ruwasqankumanta wanakuptinkuqa, chay tanteasqay castigotaqa manañam chayachisaqñachu.

Jeremías 3:17

Chay tiempopim Jerusalén llaqtata “Tayta Diospa tronon” nispa sutichanqaku, chaymanmi llapa nacionkuna huñunakamunqaku ñoqa Tayta Diosta adorawanankupaq; paykunaqa manam rumi sonqo kayninkuman hinañachu kawsanqaku.

Jeremías 4:2

atinkim ñoqapa sutiypi jurayta, jurankiqa cheqap kaqwan, allin arreglowan hinaspa allin ruwaywanmi. Chaynapim llapa nacionkuna sutiyrayku bendecisqa kanqaku.

Jeremías 5:2

Ñoqa kawsaq Diosrayku juraspankupas paykunaqa llullakuspam juramentanku.

Jeremías 5:7

Tayta Diosmi kaynata nin: ¿Imaynataq chayta pampachaykiman? Churikikunapas qepanchakuwaspankum idolokunapa sutinpi juranku, saksanankukama mikuchichkaptiypas paykunam ichaqa saqeruwanku, tropanpim chuchumika warmikunapa wasinman kallpanku.

Jeremías 6:16

Tayta Diosmi runankunata kaynata nin: Ñankunapi sayaykuspa qawariychik, ñawpaq ñankunamanta tapukamuychik, mayqanmi allin ñan kasqanta tapukamuychik; chayninta purispaqa samaytam tarinkichik, nispa. Paykunam ichaqa nirqaku: Manam chaynintaqa puriymankuchu, nispanku.

Sofonías 1:5

Wasi hawanman seqaspa chaskakunata yupaychaqkunatam pasaypaqta chinkachisaq. Sutiypi juraspa Milcom sutiyuq idolopa sutinpi juraspa qonqoraqkunatam tukusaq.

Zacarías 1:6

Profetaykunawan willa-chisqay simiykunawan kamachikuyniykunam ichaqa ñawpaq taytaykichikkunata hayparurqa. Hinaptinmi paykuna ñoqaman kutirikamuspa nirqaku: “Tukuy Atiyniyuq Tayta Diosmi tanteasqanman hina ñoqanchikwan ruwarun, payqa imaynam kawsasqanchikman chaynataq ruwasqanchikman hinam ñoqanchikwan ruwarun”, nispanku.

Zacarías 2:11

Chay punchawpim achka nacionkuna Tayta Diosman hukllawakunqaku, paykunapas llaqtanñam kanqaku, Diosmi chawpikichikpi yachanqa. Chaynapim yachankichik Tukuy Atiyniyuq Tayta Dios kachamuwasqanta.

Romanos 11:17

Imaynam allin aceitunas sachapa kallmanta kuchuruspa huk purun aceitunas sachapa kallmantaña injertachkaq hinam, judiokunapa Diosmanta karunchakurusqankurayku qamkunaña injertasqa karunkichik. Chaymi allin aceitunas sachapa sapinwan alimentasqa kachkankichik.

Romanos 14:11

Chuya Qellqapim kaynata nin: “Señormi nin: Ñoqaqa kawsanim, llapallan runakunaqa qayllaypim qonqorakunqaku, llapallankum ñoqata yupaychawanqaku”, nispa.

1~Corintios 3:9

Ñoqaykuqa Diospa llamkapakuqninmi kaniku, qamkunañataqmi kankichik Diospa llamkasqan chakra hinaspa Diospa ruwasqan wasi.

Josué 23:7

amataqyá qam-kuna ukupi puchuq nacionkunapi runa-kunawanqa hukllawakuychikchu. Idolonkunatapas ama yupaychaychikchu nitaq sutinpipas juraychikchu.

Rutwan Sutichasqa Libro 3:13

Paqarin achikyaqta nanachikusaqmi niptinqa allinmi kanqa, manam niptinmi ichaqa ñoqa nanachikusqayki. Kunan tutaqa kaypiyá samakuy, Diospa qayllanpim rimachkanchik, chaynaqa tutamantakamayá puñukuy, nispa.