Jeremías 12:15 - CHUYA QELLQA La Biblia en Quechua de Ayacucho 2012

¹⁵ Chaynata hurqoruspaypas paykunataqa llakipayarisaqmi, hinaspaymi sapakamata nacionninkuman kutichisaq.

Quechua Ayacucho Bible 1987

¹⁵ Ichaqa chaynata horqoruspaypas llakipayarikuspaymi kutichisaq sapakamata nacionninkupi allpaman.

Chuya Qellqa 1992

¹⁵ Chaynata hurqoruspaypas paykunataqa llakipayarisaqmi, hinaspaymi sapakamata nacionninkuman kutichisaq.

Jeremías 12:15 Iomraidhean Croise

Jeremías 16:15

Juraspaqa juranqaku: “Israelpa mirayninkunata norte law nacionkunamanta chaynataq qarqosqan wakin nacionkunamanta kutichimuq Tayta Diospa sutinpim jurani” nispañam. Ñoqam kutichimusqaykichik taytaykichikkunaman qosqay allpaman, nispa.

Jeremías 24:6

Paykunataqa waqaychaspaymi kay allpaman kutichimusaq. Kaypi hatarichispaymi manaña tuñichisaqñachu. Plantaruspaymi manaña sapinmantaqa chutasaqñachu.

Jeremías 29:14

Ñoqa Tayta Diosmi nini: Qamkunaqa tariwankichikmi, llapallan nacionkunaman chaynataq tukuy hinastinman cheqechisqaymantam huñumusqaykichik, maymantam apasqa kasqaykichikmanmi kutichimusqaykichik, nispa.

Jeremías 3:12

Chaynaqa, rispayki norte lawman qawaspa kaynata nimuy: Tayta Diosmi kaynata nin: Mana kasukuq Israel llaqta, ñoqaman kutirikamuway; manam piñasqachu chaskisqayki, nitaqmi piñakuyniyqa wiñaypaqchu kanqa, ñoqaqa ancha kuyapayakuqmi kani. Ñoqa Tayta Diosmi chaynata niki.

Jeremías 3:17

Chay tiempopim Jerusalén llaqtata “Tayta Diospa tronon” nispa sutichanqaku, chaymanmi llapa nacionkuna huñunakamunqaku ñoqa Tayta Diosta adorawanankupaq; paykunaqa manam rumi sonqo kayninkuman hinañachu kawsanqaku.

Jeremías 4:2

atinkim ñoqapa sutiypi jurayta, jurankiqa cheqap kaqwan, allin arreglowan hinaspa allin ruwaywanmi. Chaynapim llapa nacionkuna sutiyrayku bendecisqa kanqaku.

Jeremías 48:47

Chaywanpas tukupay tiempokunapim Moabmanta preso apasqa kaqkunata kutichimusaq. Chaynatam Moab nacionta juzgasaq. Ñoqa Tayta Diosmi chaynata nini.

Jeremías 49:39

Chaywanpas tukupay punchawkunapim Elam nacionmanta preso apasqakunata kutichimusaq. Ñoqa Tayta Diosmi chaynata nini.

Jeremías 49:6

Chaykunapa qepantam Amonmanta preso apasqakunata kutichimusaq. Ñoqa Tayta Diosmi chaynata nini.

Daniel 11:4

Ichaqa chay munaychakuyninmi allinta richkaspan tawaman rakinasqa kanqa. Chay reypa munaychakuyninqa manam mirayninkunamanpas qosqachu kanqa, manataqmi ñawpaq tiemponpi hina ancha atiyniyuqchu kanqa. Chaynaqa, kanqa tawaman rakinasqa kaspa sapaq runakunapa munaychakusqanña kasqanraykum.

Amós 9:14

Israel llaqtaytam preso risqanmanta kutichimusaq; pay-kunam tuñichisqa llaqtakunata hatarichispa chaypi yachanqaku. Uvasta tarpuspam vinotapas upyanqaku, chakrakunapi tarpuspam rurunta mikunqaku.

Números 32:18

Israelpa mirayninkuna sapakama allpankuta chaskinankukamam wasiykumanqa mana kutimusaqkuchu.

Hechos 15:16

“Kaykuna pasaruptinmi kutimusaq, hinaspaymi Davidpa tuñisqa wasinta hatarichisaq, perqankunata allichaykuspaymi musoqmanta hatarichisaq,

Deuteronomio 3:20

Tupaqnikichik allpamanqa kutimunkichik, qamkunaman qosusqaykichikta hina wakin aylluykichikmanpas hawkayayta Tayta Dios qoykuptinñam, Jordán mayupa chimpanpi Señornikichik Tayta Diospa qosqan allpata hapikuykuptinkuñam”, nispa.

Deuteronomio 30:3

Señornikichik Tayta Diosmi preso kasqaykichikmanta kutichimusunkichik, hinaspam llakipayarisunkichik.