Jeremías 12:13 - CHUYA QELLQA La Biblia en Quechua de Ayacucho 2012

¹³ Trigota tarpuspankupas, kichkatam cosecharqaku; yanqapaqmi llamkasqankupas. Ñoqapa sinchi piñakuyniyraykum cosechankupas yanqapaq kanqa.

Quechua Ayacucho Bible 1987

¹³ Kichkallatam cosecharqaku trigota tarpuspankupas. Manam provecharqakuchu pisipanankama llamkaspapas. Cosechasqaykichik chaynalla kasqanraykuyá penqaypi rikuriychik. Ñoqa Tayta Diospa llumpay piñakuyniyraykuyá chayna rikuriychik.

Chuya Qellqa 1992

¹³ Trigota tarpuspankupas, kichkatam cosecharqaku; yanqapaqmi llamkasqankupas. Ñoqapa sinchi piñakuyniyraykum cosechankupas yanqapaq kanqa.

Jeremías 12:13 Iomraidhean Croise

Isaías 55:2

¿Imapaqtaq mana mikunaykichik kaqkunapi qollqekichikta tukunkichik? ¿Imapaqtaq mana saksanaykichik kaqkunapi llamkasqaykichikta usuchinkichik? Allinta uyariwaychik hinaspaqa allinnintam mikunkichik, miski mikuykunata mikuptikichikmi sonqoykichikpas kusikunqa.

Jeremías 17:10

Ñoqa Tayta Diosllam runakunapa yuyaymanaynintawan sonqontaqa allinta reqsini; chaynapi imam ruwasqankuman hina sapakamaman pagapunaypaq.

Jeremías 4:26

Qawariptiymi tukuy imapa wiñanan allpapas chunnichkasqaña, llaqtakunapas lliwmi purmachkasqaña. Tayta Diospa manchakuypaq piñakuyninmi tukuy chaykunata ruwarusqa.

Jeremías 9:5

Sapakamam runamasinta engañan, manam pipas cheqap kaqtaqa rimanchu, llullakuymanmi amañakurunku, mana allin ruwayllamanñam qokurunku, nispa.

Oseas 8:7

Paykunaqa wayratam tarpurunku ichaqa sinchi para wayratam cosechanqaku. Wiñaq trigonkupas manam rurunqachu chayraykum harinankupas manaña kanqachu, trigota cosecharuptinkupas huklaw llaqtayuq runakunam mikukunqaku.

Levítico 26:16

ñoqapas qamkuna ukupim manchapakuyta, wañuchikuq onqoykunata, calenturata, ñawi onqoyta chaynataq eqoyayta rikurirachisaq; yanqapaqmi tarpunkichikpas, tarpusqaykichiktapas enemigoykichikmi mi-kukunqa.

Levítico 26:20

Kallpaykichikpas ususqam yanqa llamkankichik, chakraykichikpiqa manam imapas qespinqachu, nitaqmi lliw nacionnikichikpi fruta sachakunapas rurunqachu.

Miqueas 6:15

Tarpuspapas manam cosechankichu, aceitunas sarusqaykipa aceitenwanpas manam servichikunkichu, uvas sarusqaykipa vinontapas manam upyankichu.

Habacuc 2:13

Tukuy Atiyniyuq Tayta Diosmi pisipaywan llamkasqaykita yanqachanqa, tukuy ima ruwasqaykitapas ninam ruparunqa.

Hageo 1:6

Achkanpi tarpuspapas pisillatam cosechankichik, mikuspapas manam saksankichikchu, tomaspapas manam contentankichikchu, pachakuspapas manam qonirinkichikchu, llamkapakuqpas uchku wayqallamanmi pagonta chaskichkan, nispa.

Hageo 1:9

Qamkunaqa achkallataña maskaspapas asllatam tarinkichik, wasikichikpi taqesqaykichiktapas huk pukuyllawanmi chinkarachini. ¿Imanasqa? Temploy tuñisqa kachkaptin qamkunañataq wasikichikpi sapakama yachakusqaykichikrayku. Tukuy Atiyniyuq Tayta Diosmi chaynata nin.

Romanos 6:21

¿Huchapa munaychakusqanpi kawsaspaqa ima allintataq hurqokurqankichik? Aswanqa wañuyman apakuq kaqkunallatam. Chaykunamantam kunanqa penqakunkichik.

Deuteronomio 28:38

Achkatam tarpunki ichaqa aqaruway tukuruptinmi pisillata cosechanki.