Jeremías 12:1 - CHUYA QELLQA La Biblia en Quechua de Ayacucho 2012

¹ Dios Taytalláy, qamqa allin ruwaqmi kanki, manam qanwanqa churanakuymanchu; chaywanpas kaykunam tapukuyniy kachkan: ¿Imanasqataq mana allin ruwaq runakunaqa allinta kawsakunku? ¿Imanasqataq iskay uya runakunaqa hawkalla kawsakunku?

Quechua Ayacucho Bible 1987

¹ Dios Taytalláy, qamqa allin ruraqmi kanki. Qanwan churanakunaypaqqa allin ruraqmi kanki. Chaywanpas qamtam tapukusqayki: ¿Imanasqataq mana allin ruraq runakunaqa allinllapi kawsakunku? ¿Imanasqataq traicionaq runakunaqa hawkalla kawsakunku?

Chuya Qellqa 1992

¹ Dios Taytalláy, qamqa allin ruwaqmi kanki, manam qanwanqa churanakuymanchu; chaywanpas kaykunam tapukuyniy kachkan: ¿Imanasqataq mana allin ruwaq runakunaqa allinta kawsakunku? ¿Imanasqataq iskay uya runakunaqa hawkalla kawsakunku?

Jeremías 12:1 Iomraidhean Croise

Génesis 18:25

Tukuy kay pachapa Juezninmi qamqa kanki, chaynaqa ¿Manachum allin kaqta ruwawaq? Amayá allin ruwaqta mana allin ruwaqtawan kuskataqa puchukarachiychu, nispa.

Esdras 9:15

Israelpa yupaychasqan Diosnillayku, qamqa tukuy imapim yanapaykuwarqankiku, kunan qawasqaykupi hinapas, munakuynikiman hinam kay asllatapas kawsachiwachkankikuraq. Cheqaptapas qayllaykipiqa huchasapam kallaniku, chayraykum qampa ñawpaqnikimanqa mana asuykamunaykupaq hinachu kallaniku, nispa.

Nehemías 9:33

Chaywanpas Diosnillayku, tukuy imapas pasawasqankumantaqa mana huchayuqmi kanki, qamqa imatapas allintam ruwarqanki, ñoqaykum ichaqa mana allinkunata ruwarqaniku.

Jobwan Sutichasqa Libro 12:6

Suwakunapas hawkam kawsakunku, Diosta piñachiq runakunapas hawkam kawsakunku, paykunaqa Diostapas makillankupi kasqanpaqmi hapinku.

Jobwan Sutichasqa Libro 13:3

Chaywanpas ñoqaqa Dioswanmi rimayta munani, Tukuy Atiyniyuqwanmi kutipanakuyta munani.

Jobwan Sutichasqa Libro 24:12

Wañunayaqkunam llaqtapi waqanku, wañuypa patanpi kaqkunam qaparinku, Diosmi ichaqa mañakuyninkuta mana uyarinchu.

Jobwan Sutichasqa Libro 24:23

Diosqa hawkallata saqeykuspanpas imaynam kawsasqankutam qawachkan.

Jobwan Sutichasqa Libro 8:17

sapinkunapas tukuy qaqa ukunkunakamam chinkaykun, rumikunamanraqmi wankukurun.

Proverbios 1:32

Mana yachayniyuqkunataqa mana yachayniyuq kayninmi wañurachinqa. Mana tanteakuy yachaq runataqa, mana tanteakuy yachaq kayninmi chinkarachinqa.

Eclesiastés 8:14

Kay pachapiqa mana pasaq kaqkunallam pasakun; kanmi allin ruwaq runakuna ichaqa mana allin ruwaqkuna hinam ñakarinku. Kantaqmi mana allin runakunapas ichaqa allin ruwaqpas hinaraqmi hawka kawsakunku. Nisqayman hinaqa yanqapaqmi chaykunaqa.

Isaías 41:21

Ñoqa Tayta Diosmi kaynata nini: Yaw, idolokuna hamuychik, imapas rimanaykichik kaptinqa rimarikuychik, hamuspa mana chayna kasqanta niwaychik. Ñoqa Jacobpa reyninmi chaynata nini.

Isaías 48:8

Mana uyarikuq kasqaykiraykum chaykunataqa mana uyarirqankichu, nitaq yacharqankichu, Reqsikim pasaypaq iskay uya kasqaykita, nacesqaykimantapuni mana kasukuq kasqaykita.

Jeremías 11:20

Tukuy Atiyniyuq Dios Taytalláy, qamqa mana pimanpas sayapakuq juezmi kanki, runapa yuyaymanayninkunatawan tukuy sonqontam reqsinki. Paykuna vengakusqaykita qawaykachiway, qanmanmi kay sasachakuyniyta willakamuyki.

Jeremías 12:6

Wawqekikunawan aylluykikunapas traicionarusunkim, qepaykipiqa hatunmantaraqmi insultasunki. Kuyakuyllawanña rimapayasuptikipas ama paykunapiqa hapipakuychu.

Jeremías 3:20

Ichaqa qosanta saqeruq warmi hinam rakikuruwankichik. Israelpa mirayninkuna, ñoqa Tayta Diosmi chaynata nikichik.

Jeremías 3:7

Ñoqam piensarqani: “Tukuy chaykunata ruwachkaspanpas kutirikamuwanqachiki”, nispay. Ichaqa manam kutirikamuwarqachu. Chay ruwasqankunatam mana kasukuq ñañan Judapas rikurqa.

Jeremías 32:16

Neriaspa churin Barucman escriturata qoykuspaymi Tayta Diosta kaynata mañakurqani:

Jeremías 5:11

Israel nacionwan Judá nacionmi qepancharuwanku. Ñoqa Tayta Diosmi chaynata nini.

Jeremías 9:2

Imaynaraq chunniqpi samakuna wasi kanman, kay llaqtamanta chayman ayqekunaypaq. Llapallankum iskay uyaña rikurirunku, llapallankum qepanchakuqllaña rikurirunku.

Lamentaciones 1:18

Chaywanpas Tayta Diosqa allin ruwaqmi, manam kamachikuyninkunata kasukurqanichu. ¡Llapallan runakuna, uyariwaychik! ¡Ñakarisqayta qawariychik! Wawaykunatam joventa sipasta presota aparunku.

Ezequiel 18:25

Ichapas qamkuna niwankichikman: “Señor, qamqa manam allin arregloman hinachu juzgachkanki”, nispaykichik. Chaynaqa, Israelpa mirayninkuna uyariwaychik: Ñoqaqa allin arregloman hinam ruwachkani. Qamkunam mana allintaqa ruwachkankichik.

Daniel 9:14

Chayraykum Dios Taytallayku tukuy kay mana allinta ñoqaykuman kachaykamunki. Dios Taytallayku, qamqa tukuy imapas allin ruwaqmi kanki, ñoqaykum ichaqa niwasqaykikuta uyariytapas mana munarqanikuchu.

Daniel 9:7

Señorllayku, qamllam kanki tukuy imapas allin ruwaqqa, Judapa mirayninkunam, Jerusalén llaqtapi yachaqkunam, tukuy hinastinpi yachaq Israel ayllukunam penqaypi kachkaniku. Qampa contraykipi hatarispa qepanchasqaykuraykum tukuy hinastinman cheqerachiwarqankiku.

Oseas 6:7

Paykunaqa Adán hinam pacto ruwasqayta mana kasukunkuchu. Chaynapim ñoqata qepanchawanku.

Habacuc 1:4

Kamachikuykunapas qepanchasqam, allin ruwaywan allin kawsaypas sarusqam; mana allin runam allin ruwaq runakunata ñakarichinanpaq qatikachan, chaymi allin arreglo ruwaytapas mana allin ruwaymanña qewirunku.

Sofonías 3:5

Tayta Diosmi ichaqa chawpinkupi allinllata ruwan, mana allintaqa manam ruwanchu, Payqa sapa achikyaqtam kamachikuyninkunata rimarin. Mana allin runam ichaqa mana penqakuq qara uya.

Malaquías 2:17

Tayta Diosqa amirunñam mañakusqaykichiktapas. Ichaqa qamkunam tapukunkichikraq: ¿Imatañataq nirunchik amiruwananchikpaqqa? nisparaq.

Malaquías 3:15

Ñoqanchikqa rikunchikmi mana kasukuq runakunapas kusisqa kawsakusqankuta, mana allin ruwaqkunapas tukuy imapi allin lloqsisqankuta, paykunaraqmi Diostaqa kutipankupas, ichaqa manam ima castigotapas chaskinkuchu”, nispa.

Deuteronomio 32:4

Payqa pakakunanchik qaqam, ruwasqankunapas mana pantayniyuqmi, ruwayninkunapas allinpunim. Payqa cheqap Diosmi, paypiqa manam ima mana allinpas kanchu, payqa derechonpim imatapas ruwan.