Jeremías 11:7 - CHUYA QELLQA La Biblia en Quechua de Ayacucho 2012

⁷ Taytaykichikkunata Egiptomanta hur-qomuspaymi kasuwanankupaq kama-chirqani. Chay tiempomantam kunankama kasuwanankupaq chaylla-chaylla rimapayarqani.

Quechua Ayacucho Bible 1987

⁷ Abueloykichikkunata Egipto nacionmanta horqomuspaymi chaylla-chaylla kunarqani kasuwanankupaq. Chay tiempomantaraqmi kunankama kunapayarqani kasuwanankupaq.

Chuya Qellqa 1992

⁷ Taytaykichikkunata Egiptomanta hurqomuspaymi kasuwanankupaq kamachirqani. Chay tiempomantam kunankama kasuwanankupaq chaylla-chaylla rimapayarqani.

Jeremías 11:7 Iomraidhean Croise

2~Reyes 17:13

Chayraykum Tayta Diosqa profetakunawan chaynataq revelación chaskiqkunawan Israel nacionta hinaspa Judá nacionta anyaspan kaynata nirqa: Mana allin ñanmanta kutirikamuychik hinaspa kamachikuyniykunatawan yachachikuyniykunata waqaychaychik, ñawpaq taytaykichikman yachachisqay kamachikuykunata kasukuychik, chaykunataqa serviqniy profetaykunatakamam willachirqaykichik, nispa.

2~Crónicas 36:15

Chaymi ñawpaq taytankupa yupaychasqan Tayta Diosqa sapa kutilla paymanta willakuqkunata kacharqa, chaynataqa ruwarqa runan-kunatawan yachanan templota llakipayasqanraykum.

Éxodo 15:26

Tayta Diosmi nirqa: Ñoqaqa Tayta Diosmi kani, sichu ñawpaqniypi allin kaqkunata ruwaspa kamachikuyniykunata uyariptikiqa chaynataq decretoykunatapas kasukuptikiqa, Egipto runakunaman apachisqay mayqannin onqoykunatapas manam apachimusqaykichu. Ñoqaqa hampiqniki Diosmi kani, nispa.

Jeremías 11:4

Chay pactotam ñawpaq taytaykichikkunawan ruwarqani, metal chulluchina hornomanta hurqomuchkaq hina Egipto nacionmanta paykunata hurqomuspay, hinaspaymi kaynata nirqani: Tukuy nisqaykunata kasukuspaykichikqa chaynataq llapallan kamachisqaykunata ruwaspaykichikqa, runaykunam kankichik, ñoqañataqmi Diosnikichik kasaq.

Jeremías 25:3

Amonpa churin Josías chunka kimsayuq wataña Judá nacionpi munaychakuchkaptinmi Tayta Dios rimapa-yawarqa, Chay tiempomantam kunan-kama iskay chunka kimsayuq wataña pasarun. Mana samaykuspaymi rima-payarqaykichik, ichaqa manam uyariwarqankichikchu.

Jeremías 25:4

Tayta Diosqa serviq-nin profetakunatam mana tukuyta kachamusurqankichik, ichaqa manam kasurqankichikchu, nitaqmi uyariytapas munarqankichikchu.

Jeremías 31:32

Ichaqa manam Egipto nacionmanta hurqomuspay taytankuwan pacto ruwasqayta hinachu; paykunaqa chay pactotam yanqacharurqaku, qosanku hina kachkaptiypas manam kasukurqakuchu.

Jeremías 32:23

Kay allpaman yaykumuspankum munaychakurqaku, ichaqa kamachikuynikitawan yachachikuynikitam mana kasukurqakuchu, kawsarqakupas manam kamachisqaykiman hinachu, chayraykum tukuy kay sasachakuykunata kachaykamurqanki.

Jeremías 34:14

Sapa qanchis watamantam castaykichik-manta kaq criadoykichiktaqa kacha-rinkichik. Servisunaykichikpaq kikin-kumanta rantikususpaykichikqa soqta watallatam servisunkichik, nispay. Ñawpaq taytaykichikkunam ichaqa mana kasuwarqakuchu nitaqmi uyari-warqakupaschu.

Jeremías 35:14

Recabpa churin Jonadabpa mirayninkunam, vinota ama tomanankupaq kamachisqanta cumplirunku. Chayraykum vinotaqa kunan punchawkamapas mana tomankuchu. Ñoqapas mana samaykuspaymi ñataq-ñataq kamachirqaykichik, ichaqa manam kasuwarqankichikchu.

Jeremías 35:15

Mana samaykuspam profetaykunawan kaynata willachirqaykichik: Mana allinkuna ruwasqaykichikta saqespa munasqayman hina kawsaychik. Idolokunataqa amaña yupaychaychikchu, chaynapi taytaykichikkunamanpas chaynataq qamkunamanpas qosqay allpapi yachanaykichikpaq, nispay. Ichaqa manam uyariwarqankichikchu nitaqmi kasuwarqankichikchu.

Jeremías 7:13

Mana allin kawsasqaykichikmanta achka kutita rimapayachkaptiypas manam uyariwarqankichikchu, nitaqmi kasukurqankichikchu; Ñoqa Tayta Diosmi chaynata nini.

Oseas 4:1

Israelpa mirayninkuna, Tayta Diospa nisqanta uyariychik. Tayta Diosmi kay pachapi runakunapaq piñakun, cheqap kaqpas, llakipayakuypas, Diosta manchakuypas kay pachapiqa manañam kanñachu.

Oseas 5:1

Sacerdotekuna kayta uyariychik, Israelpa mirayninkuna chaylla uyariychik, reypa mirayninkuna uyariychik: Mizpa lawpi tranpa churasqa hina, chaynataq Tabor orqopi challwanapaq malla hina kasqaykichikmantam juzgasqa kankichik.

Zacarías 1:4

Amayá taytaykichik hinaqa kaychikchu, paykunatam ñawpaq profetakuna kaynata qaqcharqaku. Tukuy Atiyniyuq Tayta Diosmi kaynata nin: “Mana allin kawsaynikichik-mantawan mana allin ruwaynikichikmanta kutirikamuwaychik”, nispa. Ichaqa paykunam mana uyariqpas tukurqakuchu, nitaqmi kaqpaqpas hapirqakuchu. Tayta Diosmi chaynata nin.

Efesios 4:17

Señorninchikpa sutinpim nikichik: Amañayá Dios mana reqsiq runakuna hinaqa kawsaychikchu, paykunaqa mana allin piensasqankuman hinallam kawsachkanku.

Deuteronomio 12:32

Chaynaqa, tukuy kamachisqaykunatam mana yapaspa nitaq qechuspa kasukunkichik.

Deuteronomio 30:20

Tayta Diosta kuyaspaqa kasukuychik, ama paymantaqa kacharikuychikchu. Paymi kawsay qosuqnikichikqa chaynataq unay watakunata kawsachisuqnikichikpas, chaynapim ñawpaq taytaykichik Abrahamman, Isaacman hinaspa Jacobman Tayta Diospa jurasqan allpapi yachankichik.

Deuteronomio 4:6

Kasukuspa ruwaptikichikqa wakin nacionpi runakunam reqsisunkichik qamkunaqa allin yachayniyuq hinaspa allin yuyayniyuq runakuna kasqaykichikta. Paykunapas kay kamachikuykunata yachaspankum ninqaku: “¡Cheqaptapunipas allin yachayniyuq hinaspa allin yuyayniyuq hatun nacionmi kay nacionqa!” nispanku.

Deuteronomio 5:29

Amalaya chayna sonqoyuqlla kanmanku, kasuwaspanku llapallan kamachikuyniykunata sapa punchaw ruwayman churanankupaq, chaynapi paykunapas chaynataq mirayninkupas allin kanankupaq.

Deuteronomio 6:2

Chaynata ruwaspam Señornikichik Tayta Diosta respetankichik, hinaspam kawsanaykichik punchawkama kasukunkichik. Qamkunapas, churikichikkunapas chaynataq willkaykichikkunapas kasukuspa unay watakuna kawsakunaykichikpaq.

Deuteronomio 8:6

Señornikichik Tayta Diospa kamachikuyninkunata ruwayman churaspayá payta kasukuychik, hinaspayá munasqanman hina kawsaychik.

2~Tesalonicenses 3:12

Chay runakuna-tam nimuniku: Señorninchik Jesucristopa sutinpi qaqchaspam kama-chimuniku, hawkalla llamkaspayá ganakusqankuwan mikuchunku.

1~Samuel 8:9

Chaynaqa, uyariy mañakusqankuta, ichaqa puntata anyaykuy hinaspa qawaykachiy reypa imaynam paykunapi munaychakunanmanta, nispa.