Jeremías 11:4 - CHUYA QELLQA La Biblia en Quechua de Ayacucho 2012

⁴ Chay pactotam ñawpaq taytaykichikkunawan ruwarqani, metal chulluchina hornomanta hurqomuchkaq hina Egipto nacionmanta paykunata hurqomuspay, hinaspaymi kaynata nirqani: Tukuy nisqaykunata kasukuspaykichikqa chaynataq llapallan kamachisqaykunata ruwaspaykichikqa, runaykunam kankichik, ñoqañataqmi Diosnikichik kasaq.

Quechua Ayacucho Bible 1987

⁴ Chay contratoytam kamachirqani abueloykichikkunaman, chaynataqa kamachirqani fierro chulluchina hornomanta horqomuchkaq hina Egipto nacionmanta horqomuspaymi. Chay tiempopim kaynata nirqani: ‘Tukuy nisqaykunata kasukuspaykichikqa chaynataq llapallan kamachisqaykunata ruraspaykichikqa, runaykunam kankichik, ñoqañataqmi Diosnikichik kasaq.

Chuya Qellqa 1992

⁴ Chay pactotam ñawpaq taytaykichikkunawan ruwarqani, metal chulluchina hornomanta hurqomuchkaq hina Egipto nacionmanta paykunata hurqomuspay, hinaspaymi kaynata nirqani: Tukuy nisqaykunata kasukuspaykichikqa chaynataq llapallan kamachisqaykunata ruwaspaykichikqa, runaykunam kankichik, ñoqañataqmi Diosnikichik kasaq.

Jeremías 11:4 Iomraidhean Croise

Génesis 17:8

Kay yachasqayki Canaán llapallan allpatam qanman, chaynallataq miraynikikunamanpas wiñaypaq qosqayki, hinaspam Diosnikichik kasaq, nispa.

1~Reyes 8:51

Chaynataqa ruwaykuy runaykikunaqa herenciayki hina kasqanraykuyá. Paykunataqa fierro chulluchina hornomanta hurqochkaq hinam Egipto nacionmanta hurqomurqanki.

2~Reyes 18:6

Tayta Diosman hapipakuspanmi mana rakikurqachu, aswanqa Moisesman Tayta Diospa qosqan kamachikuykunatam kasukurqa.

Éxodo 20:6

Kamachikuyniyta kasukuspa kuyawaqniy runatam ichaqa waranqantin mirayninkama kuyasaq.

Isaías 30:6

Neguev lawpi animalkunamantam kaynata nin: Sasachakuypa hinaspa ñakariypa kasqan llaqtantam leonkunapa yachanan lawnintam, tukuy richkaq maqta urukunapa kasqantam, asnokunapi qori-qollqeta cargachkanku, camellokunapim kapuqninkuta apachkanku, mana imapaq valeq Egipto nacionmanmi astachkanku.

Isaías 48:10

Ñoqam qamtaqa chuyancharqayki, ichaqa manam qollqeta chulluchichkaq hinachu, aswanqa ñakariy hornopim chuyancharqayki.

Jeremías 11:7

Taytaykichikkunata Egiptomanta hur-qomuspaymi kasuwanankupaq kama-chirqani. Chay tiempomantam kunankama kasuwanankupaq chaylla-chaylla rimapayarqani.

Jeremías 24:7

Tayta Dios kasqayta reqsiwanankupaqmi yachayta qosaq. Paykunam llaqtay kanqa, ñoqañataqmi Diosninku kasaq, chaynaqa kanqa tukuy sonqonkuwan ñoqaman kutirikamusqankuraykum.

Jeremías 26:13

Mana allin kawsaynikichiktawan mana allinkuna ruwasqaykichikta saqespa yupaychasqaykichik Tayta Diospa nisqanta kasukuptikichikqa, paypas manañam contraykichikpi rimasqankunata kacharimunqañachu.

Jeremías 30:22

Qamkunam llaqtayña kankichik, ñoqañataqmi Diosnikichik kasaq, ñoqa Tayta Diosmi chaynata nini.

Jeremías 32:28

Chayraykum niki: Kunanmi kay llaqtata Caldea runakunamanwan Babiloniapa reynin Nabucodonosorman qoykusaq.

Jeremías 38:20

Hinaptinmi Jeremías nirqa: Judá runakunamanqa manam entre-gasunkichu. Tayta Diospa nisqanta ka-sukuspaqa allinmi kanki, vidaykitapas librankim.

Ezequiel 11:20

Hinaptinmi kamachikuyniykunaman hina decretoykunaman hina kawsaspanku ruwayman churanqaku. Paykunam llaqtay kanqa, ñoqañataqmi Diosninku kasaq.

Ezequiel 14:11

Chaynapim Israel llaqtaqa manaña ñoqamanta karunchakunqañachu, nitaqmi millakuypaq kaqkunatapas ruwanqañachu. Paykunam llaqtay kanqaku, ñoqañataqmi Diosninku kasaq. Ñoqa Tayta Diosmi chaynata nini.

Ezequiel 36:28

Ñawpaq taytaykichikkunaman qosqay allpapiña kawsaspam runaykunaña kankichik, ñoqañataqmi Diosnikichik kasaq.

Ezequiel 37:23

Manañam millakuypaq idolokunawanqa qachachakunqakuñachu, manañataqmi imawanpas huchallikunqakuñachu. Contraypi hatarispanku huchallikusqankumanta salvaykuspaymi huchankuta mayllaykusaq; paykunam llaqtay kanqaku, ñoqañataqmi Diosninku kasaq.

Ezequiel 37:27

Chaynapim paykunawan yachaspa Diosninku kasaq, paykunañataqmi llaqtay kanqaku.

Daniel 3:26

Chaynata niruspanmi rey Nabu-codonosorqa hornopa punkunman asuy-kurqa, hinaspam qayakurqa: Tukuy imapa hawanpi munaychakuq Diospa serviqnin Sadrac, Mesac, Abed-nego, lloqsimuychik, nispa. Chaymi kimsanku rupachkaq nina ukumanta lloqsimurqaku.

Levítico 26:12

Qamkunapa chawpikichikpi purispaymi Diosnikichik kasaq, qamkunañataqmi runaykuna kankichik.

Levítico 26:3

Kamachikuyniykunatawan yachachi-kuyniykunata kasukuptikichikqa,

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Zacarías 6:15

Karu llaqtakunapi kaqkuna hamuspam Tayta Diospa templonta huktawan hatarichiypi yanapakunqaku. Chaynapim yachankichik Tukuy Atiyniyuq Tayta Dios qamkunaman kachamuwasqanta. Kaykunaqa pasakunqa Tayta Diospa nisqanta uyarispa kasukuptikichikmi.

Zacarías 8:8

Kutichimuptiymi Jerusalenpi yachakunqaku, paykunam kanqa llaqtay, ñoqañataqmi Diosninku kasaq, paykunam ñoqapi hapipakunqaku, ñoqañataqmi nanachikuqninku kasaq, nispa.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

2~Corintios 6:16

Diospa templonwan idolokunapa templonqa manam kaqkamallaqa kanmanchu. Ñoqanchikqa kawsaq Diospa templonmi kanchik, kikin Diosmi nirqa: “Paykuna ukupim yachasaq, paykuna ukupim purisaq, paykunapa Diosninmi kasaq, paykunañataqmi llaqtay kanqaku”, nispa.

Deuteronomio 11:27

Kunanmi willachkaykichik Señornikichik Tayta Diospa kamachikuyninkunata, chayta kasukuspaqa bendecisqam kankichik.

Deuteronomio 4:20

Qamkunatam ichaqa metal chulluchina hornomanta hurqomuchkaq hina Egipto nacionmanta Tayta Dios hurqomusurqankichik, chaynapim kunanqa paypa runankunaña kankichik.

Deuteronomio 5:6

Ñoqam kani Señorniki Tayta Diosqa, Egipto nacionpi esclavo kasqaykimanta hurqomusuqniki.

Hebreos 5:9

Chaykunawan qespichisqa karuspanmi llapallan kasuqnin runakunapaq wiñaypaq salvaqnin rikurirun.

1~Samuel 15:22

Chaymi Samuel nirqa: Imamantapas llalliriqtaqa Tayta Diosqa munan rimarisqan kasukunanchiktam, manam animalkuna ofrecenatachu, nitaqmi wañuchispa kañapunatachu. Sacrificiokunamantapas uywakunapa wiran kañanamantapas aswan allinqa cheqaptapuni kasukuspa Tayta Diosta uyariymi.