Jeremías 11:17 - CHUYA QELLQA La Biblia en Quechua de Ayacucho 2012

¹⁷ Ñoqa Tukuy Atiyniyuq Tayta Diosmi sacha plantachkaq hina qamkunata plantarqaykichik. Israel nacionpi chay-nataq Judá nacionpi yachaqkuna, contraykichikpim castigokunata kachamusaq mana allinkunata ruwasqaykichikrayku. Qamkunam piñachiwarqankichik Baal idoloman inciensota kañapuspaykichik.

Quechua Ayacucho Bible 1987

¹⁷ Llapallan Kamachiq ñoqa Tayta Diosmi sacha plantachkaq hina qamkunata plantarqaykichik. Israel nacionpi chaynataq Juda nacionpi *f**yachaqkuna, contraykichikpim castigokunata kachamusaq mana allinkunata rurasqaykichikrayku. Qamkunam rabiachiwarqankichik Baal sutiyoq taytachaman inciensota kañapuspaykichik.

Chuya Qellqa 1992

¹⁷ Ñoqa Tukuy Atiyniyuq Tayta Diosmi sacha plantachkaq hina qamkunata plantarqaykichik. Israel nacionpi chaynataq Judá nacionpi yachaqkuna, contraykichikpim castigokunata kachamusaq mana allinkunata ruwasqaykichikrayku. Qamkunam piñachiwarqankichik Baal idoloman inciensota kañapuspaykichik.

Jeremías 11:17 Iomraidhean Croise

2~Samuel 7:10

Israel runaykunapaqpas huk sitiotam akllaruniña, chaypim paykunata churasaq manaña pipapas kuyuchisqan kanankupaq; chaypiqa manañam pipas nitaq mana allin runakunapas ñakarichinqañachu,

2~Crónicas 28:25

Judá nacionpi kaq llaqta-kunapa orqonkunapipas capillakunatam ruwachirqa, idolonkunaman inciensota kañananpaq; chay ruwasqanwanmi ñawpaq taytankunapa yupaychasqan Tayta Diosta piñachirqa.

Isaías 5:2

Rumicharuspanmi barbecharqa, miski ruruq uvaspa estacantam plantarqa. Cuidananpaqmi chakrapa chawpinpi chukllata ruwarqa, uvasta sarunapaqmi pozota ruwarqa. Miski uvasta rurunantam payqa suyarqa, ichaqa puchqo uvasllatam cosecharurqa.

Isaías 61:3

Sión llaqtapi llakisqakunaman uchpapa rantinpi coronataña qomunaypaq, waqaypa rantinpi kusikuytaña qomunaypaq, llakipi kaqkunatapas fiesta pachawan pachachimunaypaq. Paykunatam sutichanqaku: “Allinkuna ruruq Sachakuna, Tayta Diospa Atiyniyuq kayninta qawachiq Plantakuna” nispanku.

Jeremías 1:14

Chaymi Tayta Dios niwarqa: Norte lawmantam kay nacionpi yachaqkunapaq sasachakuy hamunqa.

Jeremías 11:11

Chayraykum ñoqa Tayta Dios kaynata nini: Paykunamanmi hatun sasachakuyta chayachimusaq, chaymantaqa manam lluptinqakuchu. Yanapanaypaq qayakamuwaptinkupas manam uyarisaqchu.

Jeremías 11:13

Judá nacionpi yachaqkuna, haykam llaqtaykichikkuna kasqanman hinam idoloykichikkunapas achkallaña; haykam callekichikkunapas kasqanman hinataqmi, Baalman incienso kañanaykichik altarkunatapas achkallataña ruwakurunkichik.

Jeremías 12:2

Paykunaqa plantaruptikim sapichakururqaku, wiñaruspam ruruyta qallaykurqaku. Paykunaqa simillamantam sutikitapas rimanku, sonqonkum ichaqa qanmanta karupi kachkan.

Jeremías 18:15

Runaykunam ichaqa ñoqata qonqaruwanku, idolokunamanña inciensota kañaspanku. Ñawpaq kawsayninkuman kutiruspam mitkarunku, mana purinanku ñankunapiñam purichkanku.

Jeremías 18:8

Chaywanpas sichum chay nacionkuna mana allinkuna ruwasqankumanta wanakuptinkuqa, chay tanteasqay castigotaqa manañam chayachisaqñachu.

Jeremías 19:15

Israelpa yupaychasqan Tukuy Atiyniyuq Tayta Diosmi kaynata nin: Sonqoykichikta rumiyarachispa nisqaykunata mana kasukusqaykichikraykum, kay llaqtapa chaynataq muyuriqninpi llaqtakunapa contranpi rimasqay sasachakuykunata kachamusaq, nispa.

Jeremías 2:21

Allinnin akllasqa uvasta hinam plantarqayki, miski uvaspa kallmanta hinam tarpurqayki, ¿imanasqataq purun uvasmanqa tikrakurunki? ¿Imanasqataq manaña reqsipay uvas plantaqa rikurirunki?

Jeremías 24:6

Paykunataqa waqaychaspaymi kay allpaman kutichimusaq. Kaypi hatarichispaymi manaña tuñichisaqñachu. Plantaruspaymi manaña sapinmantaqa chutasaqñachu.

Jeremías 26:13

Mana allin kawsaynikichiktawan mana allinkuna ruwasqaykichikta saqespa yupaychasqaykichik Tayta Diospa nisqanta kasukuptikichikqa, paypas manañam contraykichikpi rimasqankunata kacharimunqañachu.

Jeremías 26:19

¿Yaqachu rey Ezequiaswan Judá nacionpi runakuna Miqueasta wañu-chirqaku? Manam, aswanqa kikin reypas Tayta Diosta manchakuspam paykunamanta llakipayarinanpaq mañakurqa, chaymi Tayta Diospas rimasqan castigokunata manaña kacharimurqachu. ¿Chaychu ñoqanchikñataq kay hatu-hatun huchata qepikuruchwan?

Jeremías 32:29

Caldea runakunam yaykuramuspanku kay llaqtata kañaykunqaku. Kañaykun-qakum Baal idolokunaman incien-sota kañananku chaynataq wakin idolokunaman vino tallinanku altosniyuq wasikunatapas, chaykunatam ruwarqaku ñoqata piñachiwanankupaq.

Jeremías 32:30

Israelpa mirayninkunawan Judapa mirayninkunaqa warma kasqankumantapunim mana allinkunata qayllaypi ruwarqaku. Israelpa mirayninkunaqa, idolokunata ruwakuspankum piñachiwarqaku. Ñoqa Tayta Diosmi chaynata nini.

Jeremías 35:17

Chayraykum Israelpa yupaychasqan Tukuy Atiyniyuq Tayta Dios kaynata nin: Judá nacionpa chaynataq Jerusalén llaqtapi yachaqkunapa contranpi sasachakuykuna rimasqaytam paykunaman kacharimusaq. Qamkunaqa rimapayaptiypas manam kasuwarqankichikchu, qayaptiypas manataqmi contestawarqankichikchu, nispa.

Jeremías 36:7

Icharaqpas Tayta Diosta mañakuspanku mana allin kawsayninkumanta wanakunmanku. Tayta Diosqa llumpayta piñakuspanmi kay runakunata amenazachkan, nispa.

Jeremías 40:2

Jeremiasta sapaqman pusaruspanmi Nabuzaradán kaynata nirqa: Yupaychasqayki Tayta Diosmi kay sasachakuykunawan kay nacionta castigananpaq rimarqa.

Jeremías 40:3

Chay rimasqankunatam Tayta Dios kunan cumplirun. Kaykunaqa pasasuchkankichik paypa contranpi huchallikuspa mana kasusqaykichikraykum.

Jeremías 42:10

“Kay allpamanta mana lloqsiptikichikqa wasita hina hatarichispaymi mana tuñichisqaykichikchu, plantata hina plantaspaymi mana pelasqaykichikchu. Contraykichikpi castigokuna kachamusqaymantam llakisqa kachkani.

Jeremías 44:5

Ichaqa manam kasuwarqankichikchu nitaqmi uyariwarqankichikchu, ñoqaman kutirikamunaykichik kachkaptinpas, aswanraqmi mana reqsisqaykichik idolokunamanraq inciensota kañapurqankichik.

Jeremías 44:8

¿Imanasqataq kay yachasqaykichik Egipto nacionpi kikikichikpa ruwakusqaykichik idolokunaman inciensota kañapuspaykichik piñachiwachkankichik? Chaykuna ruwasqaykichikwanqa kikillaykichikmi tukusqa kankichik, hinaspam llapa nacionkunapa ñakasqan chaynataq burlakusqan kankichik.

Jeremías 45:4

Tayta Diosmi kaynata nisunki: Hatarichisqaytam tuñirachini, plantasqaytam pelaruni. Chaynatam kay pachatapas ruwasaq.

Jeremías 7:18

Warmakunam yantata pallamunku, taytankum ninata ratachinku, warmikunam masata chapunku, cielopi Reina nisqankupaqmi tortakunata ruwapunku, idolokunapaqmi vinota tallipunku. Chaykunata ruwaspankum ñoqata piñachiwanku.

Jeremías 7:9

Suwakuchkaspa, runata wañuchichkaspa, waqllikuchkaspa, llullakuywan jurachkaspa, Baal idolokunapaq inciensota kañapuchkaspa, mana reqsisqaykichik dioskunata yupaychachkaspaqa,

Ezequiel 17:5

Allpamantapas huk muhuta hoqariykuspanmi tarpuna chakrapi tarpuykurqa. Wayawta tarpuchkaq hinam achka yakupa patanpi tarpurqa.

Oseas 10:1

Israelqa sumaqllaña ruruq uvas hinam, ichaqa achkanpi rurusqanman hinam idolokunata aswanraq mirachispan sumaq altarkunata ruwakurqa.